ბექა დავითულიანი: ადვოკატმა განაცხადა, რომ სააკაშვილის პროცესზე დასწრება არ ემსახურება იმას, რომ მან კანონის ფარგლებში თავი იმართლოს, არამედ მხოლოდ იმას, რომ საზოგადოებისთვის საკუთარი ჯანმრთელობის დემონსტრირება მოახდინოს

პირველი: მიხეილ სააკაშვილი სასამართლო პროცესს დაესწრება თუ არა, ეს მისი საქმე და მისი უფლებაა. მას აქამდეც ჰქონდა პროცესებზე დასწრების შესაძლებლობა. მეორე: მისმა ადვოკატმა განაცხადა, რომ პროცესზე დასწრება არ ემსახურება იმას, რომ მან თავისი თავი იმართლოს კანონის ფარგლებში, არამედ ემსახურება მხოლოდ იმას, რომ მოახდინოს საკუთარი თავის ჯანმრთელობის დემონსტრირება საზოგადოებისთვის, - ამის შესახებ პარლამენტის უმრავლესობის წევრმა ბექა დავითულიანმა განაცხადა.

მან აღნიშნა, რომ მიხეილ სააკაშვილის ჯანმრთელობის მდგომარეობის შესუსტებას ის ფაქტი მოწმობს, რომ ის კლინიკაში მკურნალობს, ყველა პატიმრის ჯანმრთელობაზე ზრუნავს პენიტენციური სისტემა და ასეა ყოფილი პრეზიდენტის შემთხვევაშიც.

„ნებისმიერი პატიმრის ჯანმრთელობის მდგომარეობაზე პასუხისმგებლობა აღებული აქვს სახელმწიფოს, შესაბამის ინსტიტუტს და ის განსაზღვრავს, რომელ პატიმარს რა ტიპის მკურნალობა ესაჭიროება და ამ სერვისს აწვდის. მიხეილ სააკაშვილის დაავადებებთან დაკავშირებით, სასამართლოს გადასაწყვეტია, რა გადაწყვეტილებას მიიღებს. თუმცა, ჩვენ ვნახეთ რამდენიმე სეზონი, რომ მიხეილ სააკაშვილი ძალიან ცუდად არის, ჯვარი წერია, მაგრამ თავისი თანაგუნდელები ასე ამბობდნენ, რომ თითქოს ბოლო წუთებს ითვლიდა.

როგორც ვიცი, მისი ჯანმრთელობის მდგომარეობა შესუსტებულია და მისი მკურნალობა „ვივამედში“ და არა ციხის საავადმყოფოში, ამის დასტურია. აქედან გამომდინარე, სასამართლო გადაწყვეტს, თუმცა, არ მჯერა, ისეთი რამე შეიძლება ამ ადამიანს სჭირდეს, რომლის შესაბამის მომსახურებას ქართული სამედიცინო სისტემა ვერ უზრუნველყოფს. გამორიცხვით როგორ გამოვრიცხავ, ამის თეორიული შანსი არსებობს, მაგრამ ამ ქვეყანაში პრაქტიკა, რომ მსჯავრდებული საზღვარგარეთ გაეყვანათ მძიმე დაავადებების სამკურნალოს, არ მახსენდება. არ ვიცი, კანონით რამდენად აქვს ამის უფლება. მე მგონი ეს კანონითაც აკრძალულია, თუმცა, სასამართლო თუ მიიღებს ამის საპირისპირო გადაწყვეტილებას, ეს მათი საქმეა და არა ჩემი“, - განაცხადა დავითულიანმა.