ხატია დეკანოიძე: დიდი იმედი მაქვს, რომ არჩევნების შემდეგ, რომელიც იანვრის ბოლოს უნდა გაიმართოს, ჩვენი პარტია იქნება გაცილებით სხვა მოწოდების სიმაღლეზე

იმედი მაქვს, რომ არჩევნების შემდეგ, რომელიც იანვრის ბოლოს უნდა გაიმართოს, ჩვენი პარტია იქნება გაცილებით სხვა მოწოდების სიმაღლეზე, - ამის შესახებ ფრაქცია „ნაციონალური მოძრაობის“ თავმჯდომარემ ხატია დეკანოიძემ განაცხადა.

„ვისურვებდი, რომ პროტესტი ყოფილიყო უფრო ერთიანი, მძლავრი, ერთ ლოკაციაზე, მაგრამ ვფიქრობ უფრო მნიშვნელოვანია გვესმოდეს, რომ ნებისმიერ სახის რყევები ჩვენს პარტიაში არის მმართველი პარტიის ინტერესი. ამიტომ, არავითარ დაშლაზე საუბარი არის. დიდი იმედი მაქვს, რომ არჩევნების შემდეგ, რომელიც იანვრის ბოლოს უნდა გაიმართოს, ჩვენი პარტია იქნება გაცილებით სხვა მოწოდების სიმაღლეზე“, - აღნიშნა დეკანოიძემ.

„ნაციონალურ მოძრაობაში“ შიდა პარტიულ არჩევნებამდე სამი კვირა რჩება. კლანებს შორის დაპირისპირება კი კიდევ უფრო ღრმავდება. ერთობლივ აქციებსაც ვეღარ ატარებენ და პარტიამ მხარდამჭერებიც ორად გაყო.