გურამ მაჭარაშვილი: კელი დეგნანის განცხადება იმ ადამიანის განცხადებაა, რომელიც დარწმუნებულია, რომ საქართველოში ხელისუფლებაში ოპოზიცია არჩევნებით ვერ მივა და უნდა რევოლუციური გზების წახალისება

„ხალხის ძალის“ წევრი გურამ მაჭარაშვილი საპარლამენტო არჩევნებზე ელექტრონული სისტემის დანერგვასთან დაკავშირებით ამერიკის ელჩის კელი დეგნანის განცხადებას გამოეხმაურა.

„ყოფილი ელჩის ეს ინტერვიუ ჩვენ შეიძლება გავიგოთ, როგორც სასოწარკვეთილი დიპლომატის განცხადება. ის მიხვდა, რომ ვერც ელექტრონული და ვერც არაელექტრონული საარჩევნო სისტემით რადიკალურ ოპოზიციას ხელისუფლებაში ვერ მოიყვანს. ეს ბოლო ინტერვიუ იყო მცდელობა იმის, რომ დეზინფორმაციის ნაღმები დაეტოვებინა საქართველოში. ეს ხომ როგორც სულ მცირე მეგობრის განცხადება ნამდვილად არ არის და იმ ადამიანის განცხადება, რომელსაც სურს საქართველოში ნორმალური არჩევნები, არამედ იმ ადამიანის, რომელიც დარწმუნებულია, რომ საქართველოში ხელისუფლებაში ოპოზიცია არჩევნებით ვერ მივა და უნდა რევოლუციური გზების წახალისება“, – განაცხადა მაჭარაშვილმა.

კელი დეგნანმა თქვა, რომ ელექტრონული სისტემა არ იძლევა გარანტიას და მისით მანიპულაციაც შესაძლებელია. „უზრუნველყავით, რომ თქვენი ხმა იყოს გაგონილი და თქვენი არჩევანი დათვლილი“, - აღნიშნა ელჩმა.