ირაკლი ზარქუა: პრეზიდენტის ძმა ახალი ფენომენია ჩვენს პოლიტიკაში. კარგად გაიგოს, ძმამაც და დამაც - როგორც კი სააკაშვილის შეწყალება მოხდება, ისინი იქნებიან ძალადობის თანაზიარნი, არ ვურჩევ, ჩვენ მერე ხალხს ვერ გავაჩერებთ

ეს პრეზიდენტის ძმა ახალი ფენომენია ჩვენს პოლიტიკაში. არ ვიცი, ეტყობა ქალბატონი სალომე იქით მოგზაურობს და ძმა ეტყობა აქეთ გამოუშვა, როქი გააკეთეს ეტყობა თუ რა და აქ ალაპარაკებს ახლა, ტელევიზიებში დასვა, - ამის შესახებ ირაკლი ზარქუამ განაცხადა. პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილე ოთარ ზურაბიშვილის მიერ მიხეილ სააკაშვილის შეწყალებაზე გაკეთებულ განცხადებას გამოეხმაურა.

„რა მისი საქმეა ჯერ ერთი, მეორე - ყველამ კარგად გაიგოს, ძმამაც და დამაც, რომ როგორც კი შეწყალება მოხდება სააკაშვილს, ეს ნიშნავს, რომ ისინი იქნებიან თანაზიარნი იმ ძალადობის, რეკეტის, ახალგაზრდების ჩაცხრილვის, რასაც ადგილი ჰქონდა ქვეყანაში. ამის თანაზიარნი იქნებიან ისინი, ვინც ხელს მოაწერენ პატიმარ სააკაშვილის შეწყალებას. მე არ ვურჩევ, რადგან ჩვენ მერე ხალხს ვერ გავაჩერებთ. ტრაგედიები გადაიტანა საზოგადოებამ მათი მმართველობის დროს და აუხსნა კონსტრუქციულად, რომ „იცი, რა მოდით, იქნებ მშვიდად ვიყოთ“. ჩვენ არ შეგვწევს ამის უნარი და ვერ გავაჩერებთ ამ ტალღას. ამიტომ, მე ვურჩევ, კარგად დაფიქრდნენ, ძმაც, დაც და ნათესავს ნუ ალაპარაკებს.

„არა და არასდროს“ - კეთილი ინებოს და დარჩეს ამ სიტყვების ერთგულად, ერთხელ მაინც პრინციპულობა გამოიჩინოს. მავნებლობას, რასაც აკეთებს შევეჩვიეთ უკვე, ხან ქვეყნის წინააღმდეგ მავნებლობს და ამიტომ შევუზღუდეთ [ვიზიტები] გამოვიდა და თქვა, ფსევდო რეფორმებია, არ იმსახურებს ხელისუფლებაო, ამას ამბობს, სახელმწიფოს მეთაური. მავნებლობდა, საპასუხოდ აგერ ევროკომისიამ თქვა, რომ პოზიტიური ნაბიჯებით ხელისუფლებამ შეასრულა და იმსახურებს. მეორე საგიჟეთი თქვა კიდევ ჩვენს პარტნიორზე და მის ლიდერზე უნდა გასამართლდესო, ამიტომ შევუზღუდეთ, არაადეკვატურია. სამწუხაროდ, ეს შეცდომა დავუშვით, რომ ქართველ ხალხს მოვუწოდეთ ხმა მიეცა ქალბატონი სალომესთვის, არ გვეგონა“, - განაცხადა ზარქუამ.

სალომე ზურაბიშვილის ძმამ ოთარ ზურაბიშვილმა მიხეილ სააკაშვილის შეწყალებაზე ისაუბრა. მისი განცხადებით, სალომე ზურაბიშვილი გამოსავალს ეძებდა, თუმცა, ოთარ ზურაბიშვილის შეფასებით, არსებულ პოლიტიკურ გარემოში ამ გამოსავლის პოვნა რთულია.