www.imedi.ge /  06 თებერვალი 2024, 00:30 / სანდო წყარო

კომიტეტების გაერთიანებულ სხდომაზე მთავრობის შემადგენლობისთვის ნდობის გამოცხადებას და სამთავრობო პროგრამას მხარი დაუჭირეს

განათლების, მეცნიერებისა და ახალგაზრდულ საქმეთა, კულტურის, სპორტისა და ჯანმრთელობის დაცვისა და სოციალურ საკითხთა კომიტეტების ერთობლივ სხდომაზე მთავრობის შემადგენლობისთვის ნდობის გამოცხადების საკითხზე და სამთავრობო პროგრამაზე „ევროპული სახელმწიფოს მშენებლობისთვის“ იმსჯელეს.

ოთხმა კომიტეტმა კულტურისა და სპორტის მინისტრობის კანდიდატს თეა წულუკიანს, განათლების, მეცნიერებისა და ახალგაზრდობის მინისტრობის კანდიდატს გიორგი ამილახვარს და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატს ზურაბ აზარაშვილს მოუსმინა.

კულტურისა და სპორტის მინისტრობის კანდიდატმა თეა წულუკიანმა სამინისტროს სამომავლო გეგმებზე ისაუბრა. მისი თქმით, სპორტის სხვადასხვა სახეობაში საერთაშორისო ჩემპიონატების/ტურნირების საქართველოში მასპინძლობის აქტიური მხარდაჭერა გაგრძელდება.

მისივე განცხადებით, განსაკუთრებული ყურადღება დაეთმობა სპორტსმენების, მწვრთნელებისა და სამედიცინო პერსონალის ფინანსურ მხარდაჭერას.

„სპორტსმენების სტიპენდია საშუალოდ 50%-დან 70%-მდე იზრდება, მწვრთნელების და ექიმების 35%-დან 50%-მდე, რაც ნიშნავს, რომ 36 ფედერაცია, 400-მდე მწვრთნელი, 600-ზე მეტი სპორტსმენი და 80 ექიმი ჯამში 1073 ბენეფიციარი ისარგებლებს საანგარიშო პერიოდში მოცემული ხელშეწყობით“, - განაცხადა თეა წულუკიანმა.

კულტურის დარგზე საუბრისას თეა წულუკიანმა დაგეგმილ კულტურულ ფესტივალებსა და გამოფენებზე ისაუბრა.
მისი თქმით, საანგარიშო პერიოდში გაგრძელდება ლევილის მამულის რეაბილიტაციის პროცესი. ასევე, გაგრძელდება ხელოვნების მუზეუმში ხელოვნების ნიმუშთა კვლევის ლაბორატორიის მხარდაჭერა. 2024 წელს დასრულდება ანსამბლ „ერისიონის“ შენობის რეაბილიტაცია და გაგრძელდება ანსამბლ „სუხიშვილების“ სარეპეტიციო სივრცეების რეაბილიტაცია.

თეა წულუკიანის ინფორმაციით, 2024 წელს დასრულდება დმანისისა და მესხეთის თეატრების რეაბილიტაცია.

„ამჟამად მიმდინარეობს და გაგრძელდება ქუთაისის ოპერის რეაბილიტაცია და ქუთაისი მიიღებს თანამედროვე, ევროპული სტანდარტის თეატრს, რომელიც დიდ შესაძლებლობას მისცემს როგორც ქართველ ხელოვანებს, ასევე საერთაშორისო დონის დასებს“, - განაცხადა თეა წულუკიანმა.

სხდომაზე განათლების, მეცნიერებისა და ახალგაზრდობის მინისტრობის კანდიდატმა გიორგი ამილახვარმა ზოგადი, პროფესიული და უმაღლესი განათლების, მეცნიერებისა და ახალგაზრდული პოლიტიკის განვითარების კუთხით მიმდინარე რეფორმებზე ისაუბრა.

როგორც გიორგი ამილახვარმა აღნიშნა, გასულ წლებთან შედარებით, მკვეთრად გაიზარდა განათლების, მეცნიერებისა და ახალგაზრდობის სამინისტროს ბიუჯეტი და 2024 წელს 2,508.0 მლნ ლარს მიაღწია.
მისივე თქმით, სამინისტრო გააგრძელებს ადრეული და სკოლამდელი აღზრდისა და განათლების მიმართულებით მიმდინარე რეფორმას, რაც საჯარო და კერძო ბაღების თვითშეფასებასა და ეტაპობრივ ავტორიზაციას გულისხმობს. ასევე, გაიზრდება სკოლების ავტონომიურობის ხარისხი. ეთნიკური უმცირესობების მხარდაჭერის მიზნით, ყველა არაქართულენოვან საჯარო სკოლაში დაინერგება ბილინგვური განათლება.

გიორგი ამილახვარმა მასწავლებლების სახელფასო პოლიტიკაზეც გაამახვილა ყურადღება.

„2024 წლის პირველი ივლისიდან სრული დატვირთვის პირობებში, მასწავლებლების ხელფასი, სტატუსის მიუხედავად, საშუალოდ გაიზრდება 500 ლარით და მეტით. საშუალოდ 500 ლარით და მეტით ანაზღაურების ზრდა მასწავლებელთა კორპუსის 70%-ს შეეხება“, - განაცხადა გიორგი ამილახვარმა.

მან საგანმანათლებლო ინფრასტრუქტურის განვითარების მიზნით მიმდინარე და განსახორციელებელ პროექტებზე ისაუბრა.

პროფესიულ განათლებაზე საუბრისას მინისტრობის კანდიდატმა განსაკუთრებული ყურადღება გაამახვილა საგანმანათლებლო პროგრამების განვითარებაზე. მისი თქმით, 2025 წლის ბოლომდე, ახალი მეთოდოლოგიის შესაბამისად, განახლდება ყველა პროფესიული სტანდარტი.

უმაღლეს განათლებაზე საუბრისას გიორგი ამილახვარმა აღნიშნა, რომ მიმდინარეობს და გაგრძელდება უმაღლესი განათლების დაფინანსების მოდელზე მუშაობა. გარდა ამისა, უცხოეთის უმაღლეს საგანმანათლებლო დაწესებულებებთან თანამშრომლობით განხორციელდება ერთობლივი და ორმაგი ხარისხის უმაღლესი საგანმანათლებლო პროგრამები.

მისივე ინფორმაციით, ყოველწლიურად ეტაპობრივად გაიზრდება მეცნიერების სახელმწიფო დაფინანსება და მეცნიერ-თანამშრომელთა შრომის ანაზღაურება.

მინისტრობის კანდიდატმა ახალგაზრდული პოლიტიკის განვითარებაზეც გაამახვილა ყურადღება.
როგორც ჯანდაცვის მინისტრობის კანდიდატმა, ზურაბ აზარაშვილი სხდომაზე განაცხადა, მოსახლეობის ჯანმრთელობის დაცვა და ხარისხიან სერვისებზე ხელმისაწვდომობა მთავრობის პრიორიტეტს წარმოადგენს.

„საყოველთაო ჯანმრთელობის დაცვის პროგრამამ არსებობის 10 წლის განმავლობაში მოსახლეობის 95%-თვის აუცილებელ მედიკამენტებსა და სამედიცინო სერვისებზე ხელმისაწვდომობა უზრუნველყო“, - განაცხადა ზურაბ აზარაშვილმა.

მისი თქმით, სამინისტროს მხრიდან განსაკუთრებული ყურადღება ეთმობა ონკოლოგიური დიაგნოზის მქონე მოქალაქეების საჭიროებების გათვალისწინებას.

ზურაბ აზარაშვილის ინფორმაციით, გასული წლიდან საქართველოს ყველა მოქალაქისთვის ფინანსდება ქიმიო, ჰორმონო და სხივური თერაპიის, ასევე ონკოქირურგიის სერვისები. როგორც ზურაბ აზარაშვილმა აღნიშნა, უახლოეს პერიოდში ამოქმედდება მნიშვნელოვანი სიახლე, რაც გულისხმობს ონკოლოგიური დაავადებების მქონე პაციენტების ადრეული კვლევების დაფინანსებას.

მინისტრობის კანდიდატმა ხარისხიან მედიკამენტებზე ხელმისაწვდომობის გაზრდის მიზნით გატარებულ რეფორმებზე ისაუბრა და აღნიშნა, რომ 2022 წლის დასაწყისში, თურქეთიდან პროაქტიული რეჟიმით გაიზარდა მედიკამენტების იმპორტი ქვეყანაში, რამაც გააუმჯობესა კონკურენცია ბაზარზე და შეამცირა მედიკამენტების ფასები.

„2023 წლის იანვრიდან დღემდე 6 000-ზე მეტ მედიკამენტზე უკვე დაწესებულია რეფერენტული ფასი, რომელზე უფრო მაღალ ფასად რეალიზაცია ფარმაცევტულ კომპანიებს აეკრძალათ. გატარებული რეფორმების შედეგად, საშუალოდ, 45%-ით შემცირდა ფასები მედიკამენტებზე, რასაც ასევე, მოწმობს საქართველოს სტატისტიკის ეროვნული სამსახურის მონაცემებიც, 2023 წლის განმავლობაში, მაგალითად, ანტიბიოტიკების ჯგუფზე 41%-იანი ფასის კლება დაფიქსირდა ქვეყანაში“, - განაცხადა ზურაბ აზარაშვილმა.

მისივე თქმით, მინიმალური ხელფასის პოლიტიკის საშუალებით, ექიმებს, ექთნებს და სხვა სამედიცინო პერსონალს, 21 ათასზე მეტ ადამიანს, სისტემაში ხელფასი გაეზარდა.

ჯანდაცვის მინისტრობის კანდიდატმა დიალიზის სერვისის ხელმისაწვდომის გაზრდაზე გაამახვილა ყურადღება. მისივე თქმით, აქტიურად მიმდინარეობს სოფლის ამბულატორიების მშენებლობა-რეაბილიტაციის პროცესი.

ზურაბ აზარაშვილის თქმით, რესპუბლიკური საავადმყოფოს ბაზაზე, იგეგმება საერთაშორისო სტანდარტების შესაბამისი მრავალპროფილური, მაღალტექნოლოგიური ახალი საუნივერსიტეტო საავადმყოფოს მშენებლობა.

„საერთაშორისო სტანდარტების სამედიცინო დაწესებულება, 500-ზე მეტ საწოლზე იქნება გათვლილი, მოეწყობა ამბულატორია და 100-ზე მეტ საწოლზე გათვლილი დღის სტაციონარი“, - განაცხადა ზურაბ აზარაშვილმა.

გამოსვლების შემდეგ, მინისტრობის კანდიდატებმა დეპუტატების შეკითხვებს უპასუხეს. ოთხივე კომიტეტმა მხარი დაუჭირა მთავრობის შემადგენლობისთვის ნდობის გამოცხადებას და სამთავრობო პროგრამას „ევროპული სახელმწიფოს მშენებლობისთვის“.

ყველა სიახლე

რომის პაპი ფრანცისკე

19 თებერვალი 2025, 00:07

მსოფლიო

რომის პაპ ფრანცისკეს ორმხრივი პნევმონია დაუდგინდა

რომის პაპ ფრანცისკეს ორმხრივი პნევმონია დაუდგინდა. ამის შესახებ ვატიკანის პრესსამსახურის განცხადებაშია აღნიშნული.

ვოლოდიმირ ზელენსკი

18 თებერვალი 2025, 23:46

მსოფლიო

ზელენსკი: რუსეთის ძლიერი სურვილი, რომ უკრაინა არ გახდეს ნატოს წევრი, ემთხვევა აშშ-ისა და ევროპის ზოგიერთი ქვეყნის ხედვას

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთის ძლიერი სურვილი, რომ უკრაინა არ გახდეს ნატოს წევრი, ემთხვევა აშშ-ისა და ევროპის ზოგიერთი ქვეყნის ხედვას. ინფორმაციას ამის შესახებ უკრაინული მედია ავრცელებს.

ირაკლი ჭეიშვილი

18 თებერვალი 2025, 23:37

პოლიტიკა

ირაკლი ჭეიშვილი: როდესაც მოსამართლეებს უშენდნენ თავში კვერცხებს, არავის დაუგმია, გვარამია გამოდიოდა და იძახდა, რომ კვერცხით პროტესტის გამოხატვა ევროპული სტანდარტია - იმათი კვერცხი ევროპულია და სხვა კვერცხი, არაევროპული?

როდესაც მოსამართლეებს უშენდნენ თავში კვერცხებს, რესტორნიდან როცა გამოდიოდა მოსამართლე, დაახლოებით ერთი თვის წინ და კვერცხს ესროდნენ, არავის დაუგმია, არც ერთ ელჩს. კოლექტიური "ნაციონალური მოძრაობიდან" და ოპოზიციური პარტიებიდან, არც ერთი ოპოზიციონერი არ გამოსულა და ეს არ დაუგმია, - ამის შესახებ საპარლამენტო უმრავლესობის წევრმა, ირაკლი ჭეიშვილმა, გადაცემაში "პოსტ ანალიტიკა" განაცხადა.

18 თებერვალი 2025, 23:11

პოლიტიკა

საგარეო საქმეთა მინისტრი, მაკა ბოჭორიშვილი საქართველოში თურქეთის რესპუბლიკის ელჩს, ალი ქაან ორბაის შეხვდა

საქართველოს საგარეო საქმეთა მინისტრი, მაკა ბოჭორიშვილი საქართველოში თურქეთის რესპუბლიკის ელჩს, ალი ქაან ორბაის შეხვდა.

დმიტრო კულება

18 თებერვალი 2025, 22:51

მსოფლიო

დმიტრო კულება: ტრამპმა პუტინის ოცნება აასრულა

უკრაინის ყოფილმა საგარეო საქმეთა მინისტრმა, დმიტრო კულებამ განაცხადა, რომ ტრამპმა პუტინის ოცნება აასრულა.

18 თებერვალი 2025, 22:45

სპორტი

ქართველმა მოთხილამურეებმა საერთაშორისო ტურნირზე მეორე და მესამე ადგილები დაიკავეს

ქართველმა მოთხილამურეებმა საერთაშორისო ტურნირზე მეორე და მესამე ადგილები დაიკავეს.

ირაკლი რუხაძე

18 თებერვალი 2025, 22:21

პოლიტიკა

ირაკლი რუხაძე: ჩვენ გვყავდა არჩეული მთავრობა, რომელმაც გაგვატარა ბეწვის ხიდზე, შეგვინარჩუნა მშვიდობა, არ დაგვანგრევინა ეკონომიკა, იმისდა მიუხედავად, რომ გარედან წარმოუდგენელი ნიაღვარი დაგვესხა

ჩვენ გარშემო ხდება კატაკლიზმური რაღაცები, რომელმაც შეიწირა ერთი ქვეყანა. ამ სიტუაციაში მე მგონია, რომ ჩვენ გვყავდა არჩეული მთავრობა, რომელმაც გაგვატარა ბეწვის ხიდზეშეგვინარჩუნა მშვიდობა, არ დაგვანგრევინა ეკონომიკა და იმისდა მიუხედავად, რომ გარედან წარმოუდგენელი ნიაღვარი დაგვესხა, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 22:05

პოლიტიკა

ირაკლი რუხაძე: სანამ ევროპა 17 წლის მანძილზე ნულზე იდგა, ამერიკა და საქართველოც ნომინალში გაორმაგდა

სანამ ევროპა 17 წლის მანძილზე ნულზე იდგა, ამერიკა და საქართველოც ნომინალში გაორმაგდა.

18 თებერვალი 2025, 22:03

რეგიონი

საჩხერე(სარეკი)-უზუნთა-შქმერი-ზუდალის გზაზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის საჩხერე(სარეკი)-უზუნთა-შქმერი-ზუდალის საავტომობილო გზაზე დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა.

18 თებერვალი 2025, 22:00

რეგიონი

ნაქერალას უღელტეხილზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე, დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა.

ირაკლი რუხაძე

18 თებერვალი 2025, 21:49

საზოგადოება

ირაკლი რუხაძე: ვხედავ, რომ ვცხოვრობ ქვეყანაში, რომელშიც „ქართული ოცნების“ პირობებში ომი არ ყოფილა, ვცხოვრობ ქვეყანაში, სადაც წარმოუდგენლად ადვილია ბიზნესის კეთება, სადაც მე ხელს არ მიშლის ბიზნესის კეთებაში სასამართლო

ვხედავ, რომ ვცხოვრობ ქვეყანაში, რომელშიც ომი არ ყოფილა, ვცხოვრობ ქვეყანაში, სადაც წარმოუდგენლად ადვილია ბიზნესის კეთება, სადაც მე ხელს არ მიშლის ბიზნესის კეთებაში სასამართლო, - განაცხადა ტელეკომპანია „იმედის“ მფლობელმა, ბიზნესმენმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 21:36

პოლიტიკა

ირაკლი რუხაძე: სააკაშვილის დროს 2 მილიონზე მეტი თუ ჩაგერიცხებოდა ბანკში, თუ ახლობელი იყავი, უნდა დაგებანდებინა და თუ მტერი იყავი, უნდა წაერთმიათ

სააკაშვილის დროს 2 მილიონზე მეტი თუ ჩაგერიცხებოდა ბანკში, თუ ახლობელი იყავი, უნდა დაგებანდებინა და თუ მტერი იყავი, უნდა წაერთმიათ, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 21:27

პოლიტიკა

ირაკლი რუხაძე: ერთმა დიდმა ელჩმა მითხრა, არ მინდა სახელის დასახელება, რამდენ ქვეყანაში მიმუშავია და ასეთი პოლიტიკურად ანგაჟირებული „ენჯეოები“ მე არ მინახავს, როგორიც თქვენ გყავთო

ერთმა დიდმა ელჩმა მითხრა, არ მინდა სახელის დასახელება, რამდენ ქვეყანაში მიმუშავია და ასეთი პოლიტიკურად ანგაჟირებული „ენჯეოები“ მე არ მინახავს, როგორიც თქვენ გყავთო, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 21:23

პოლიტიკა

ირაკლი რუხაძე: მე მიმაჩნია, რომ ჩვენ ვცხოვრობთ ქვეყანაში, სადაც ამერიკელების კვლევით, რომლებსაც მაინცდამაინც ეს მთავრობა არ უყვართ, ოცეულში არ ხვდება სასამართლო, როგორც პრობლემა

მე მიმაჩნია, რომ ჩვენ ქვეყანაში ვცხოვრობთ, სადაც ამერიკელების კვლევით, რომლებსაც მაინცდამაინც ეს მთავრობა არ უყვართ, ოცეულში არ ხვდება სასამართლო, როგორც პრობლემა, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 21:17

პოლიტიკა

ირაკლი რუხაძე „გირჩს“: ჩვენ ვართ ტელევიზია. ჩვენ არ ვართ პოლიტიკოსები. თქვენ მეკითხებით რატომ არ ანადგურებს „იმედი“ „ნაციონალურ მოძრაობას“? „იმედმა“ არც უნდა გაანადგუროს ის - თქვენ რატომ არ ანადგურებთ „ნაციონალურ მოძრაობას?

ჩვენ ვართ ტელევიზია. ჩვენ არ ვართ პოლიტიკოსები. თქვენ მეკითხებით რატომ არ ანადგურებს „იმედი“ „ნაციონალურ მოძრაობას“? „იმედმა“ არც უნდა გაანადგუროს ის - თქვენ რატომ არ ანადგურებთ „ნაციონალურ მოძრაობას?“, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

სერგეი ლავროვი

18 თებერვალი 2025, 21:16

მსოფლიო

ლავროვი: ამერიკულ მხარეს ახლა უკეთ ესმის რუსეთის პოზიცია

საუდის არაბეთის დედაქალაქ ერ-რიადში აშშ-სა და რუსეთის დელეგაციების მოლაპარაკებების შედეგები შეაჯამა რუსეთის საგარეო საქმეთა მინისტრმა, სერგეი ლავროვმა.

ირაკლი რუხაძე

18 თებერვალი 2025, 21:08

პოლიტიკა

ირაკლი რუხაძე: მე მაქვს ქვეყანა, სადაც ოპოზიციას შეუძლია ჰქონდეს ტელევიზია, აფინანსებდეს, შეგიძლია ედავო ბიძინა ივანიშვილს წარმოუდგენელ თანხებზე, გამოდიოდე და ღიად იძახდე, რომ აფინანსებ დემონსტრაციას

„მე მაქვს ქვეყანა, სადაც ოპოზიციას შეუძლია ჰქონდეს ტელევიზია, აფინანსებდეს, შეგიძლია ედავო ბიძინას [ივანიშვილს] წარმოუდგენელ თანხებზე, გამოდიოდე და ღიად იძახდე, რომ აფინანსებ დემონსტრაციას. ორგანიზაციულ ქცევაში, ორგანიზაცია იღებს ლიდერის როლს, ხასიათს და ა.შ. ბიძინა ივანიშვილი არის „ქართული ოცნების“ ლიდერი. რაღაც მომენტი იყო, როდესაც ნაკლებად იყო გარეული, ახლა ამბობს, რომ პრემიერ-მინისტრს მის გარეშე ვერ ნიშნავენ. საქართველოს მოსახლეობა ირჩევს ბიძინა ივანიშვილს - ირაკლი კობახიძესაც, შალვა პაპუაშვილსაც, ეს მისი გუნდია, მაგრამ რეალურად „ქართულმა ოცნებამ“ მიიღო ბიძინა ივანიშვილის ხასიათი, რაც ამ კაცს აქვს და ის არ არის ბოროტი ადამიანი.

ირაკლი რუხაძე

18 თებერვალი 2025, 21:01

პოლიტიკა

ირაკლი რუხაძე: დღეს რომ ბიძინა ივანიშვილი გამოეცალოს ქართულ პოლიტიკას, მიმაჩნია, რომ ქართული პოლიტიკა არ იქნება, არაა სტაბილური და არც „ქართული ოცნების“ მდგომარეობა იქნება სტაბილური

ბიძინა ივანიშვილმა პოლიტიკიდან წასვლა რომ მოახერხოს და ჩვენ ვიყოთ მისი მადლიერები, უნდა დატოვოს ეს ქვეყანა სტაბილური, - განაცხადა ბიზნესმენმა, „იმედის“ მფლობელმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 21:00

პოლიტიკა

ირაკლი რუხაძე: „ქართული ოცნება“ მომწონს, ბევრი შემიძლია ვილაპარაკო რატომ მომწონს, მაგრამ ეს არ ნიშნავს, რომ ყველაფერი მომწონს, ყველაფერი ჩემი თავის არ მომწონს „ქართული ოცნების“ კი არა და არ ნიშნავს, რომ არ მინდა უკეთესი იყოს

„ქართულ ოცნებას“ ფეხი რომ დაუცდეს, ბევრად უარეს საქართველოში ვიცხოვრებთ, ასე მგონია, - განაცხადა ტელეკომპანია „იმედის“ მფლობელმა, ბიზნესმენმა ირაკლი რუხაძემ გადაცემაში „თავისუფალი ბაზარი“.

ირაკლი რუხაძე

18 თებერვალი 2025, 20:56

პოლიტიკა

ირაკლი რუხაძე: არ მიმაჩნია, რომ „ქართული ოცნების“ ნარატივი მცდარია. მე ბევრ რაღაცაში ვეთანხმები მაგ ნარატივს. ფუნდამენტური ნარატივი, რაზეც მე მგონი „ოცნება“ დგას და რატომაც მას ამდენი ხალხი უჭერს მხარს, სწორია

„ქართული ოცნების“ ნარატივი, არ მიმაჩნია რომ მცდარია. მე ბევრ რაღაცაში ვეთანხმები მაგ ნარატივს. ფუნდამენტური ნარატივი, რაზეც მე მგონი „ოცნება“ დგას და რატომაც მას ამდენად ხალხი უჭერს მხარს სწორია,- განაცხადა ტელეკომპანია „იმედის“ დამფუძნებელმა ირაკლი რუხაძემ ტელეკომპანია „გირჩის“ გადაცემაში „თავისუფალი ბაზარი იაგო ხვიჩიასთან, სანდრო რაქვიაშვილთან და ირაკლი რუხაძესთან ერთად სტუმრობისას