გიორგი ვოლსკი რადიკალებზე: არცერთ მათგანს ძალისხმევა არ გაუწევია იმისთვის, რომ საქართველო ყოფილიყო ევროპული სტანდარტის ქვეყანა. 2012 წლის შემდეგ მოხდა ჩვენი ასოცირებაც, უვიზო რეჟიმიც და ყველაფერი, რამაც ევროპის გზაზე დაგვაყენა

არცერთ მათგანს [რადიკალური ოპოზიცია] ძალისხმევა არ გაუწევია იმისთვის, რომ საქართველო ყოფილიყო მართლაც ევროპული სტანდარტის ქვეყანა. 2012 წლის შემდეგ მოხდა ჩვენი ასოცირებაც, უვიზო რეჟიმიც და ყველაფერი, რამაც ევროპის გზაზე დაგვაყენა, - ამის შესახებ პარლამენტის პირველმა ვიცე-სპიკერმა გიორგი ვოლსკიმ „ქრონიკაში“ განაცხადა.

„არცერთ მინისტრობის კანდიდატს არ უხსენებია სააკაშვილი გუშინდელი განხილვების დროს. იქნება ხოლმე პერიოდულად წამოძახილი, მაგრამ სიღრმისეული განხილვა მისი არ მიდის. ახლა ოპოზიცია მიჯნაზეა, რომ სააკაშვილი აქტუალური თემა იყოს, მაგრამ თან საქართველო თითქოს არის მათი გადასარჩენი, აი, ამ პლატფორმიდან, რასაც ასე თვალთმაქცურად დაარქვეს „ევროპისკენ“. არცერთ მათგანს, პირადად თუ არ აქვთ სისხლში ხელები გასვრილი, არცერთ მათგანს ძალისხმევა არ გაუწევია იმისთვის, რომ საქართველო ყოფილიყო მართლაც ევროპული სტანდარტის ქვეყანა. 2012 წლის შემდეგ მოხდა ჩვენი ასოცირებაც, უვიზო რეჟიმიც და ყველაფერი, რამაც ევროპის გზაზე დაგვაყენა. დღეს თბილისში, როგორც სამაგალითო, წარმატებულ ქვეყანაში, გაიმართა დასავლეთ ბალკანეთის ევროკავშირის კანდიდატი ქვეყნების კონფერენცია. მას მასპინძლობდა ჩვენი წარმომადგენელი მაკა ბოჭორიშვილი და არა ის ადამიანი, რომელიც მონაწილეობას იღებდა სხვა ადამიანების და ამ სადისტური მმართველობის სისტემის შექმნაში“, - აღნიშნა ვოლსკიმ.