როგორ აფასებს ქართული ოპოზიცია ევროპარლამენტში ჩატარებულ არჩევნებს

„ქართული ოცნების“ დასრულების პოლიტიკამ გაიმარჯვა ევროპარლამენტში. კი, პირდაპირ გეუბნებით, იმიტომ, რომ არცერთი ანტიდემოკრატიული, ფაშისტური და ავტორიტარული ძალა ვერ იქნება მხარდაჭერილი იმ ძალების მხრიდან, ვინც ევროკავშირში გაიმარჯვა. EPP-ს ყველაზე მეტად რომ ლანძღავს „ქართული ოცნება“, მათ უფრო მეტი მანდატი და ადგილი აიღეს, ვიდრე აქამდე ჰქონდათ. რაც შეეხება თანამდებობებს, არცერთი ორბანისტი არცერთ თანამდებობაზე არ იქნება, - ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ ჟურნალისტებთან საუბრისას განაცხადა, რითაც ევროპარლამენტში ჩატარებულ არჩევნებს გამოეხმაურა.

ევროპის არჩევანი შეაფასა პარტია „ახალის“ თანათავმჯდომარემ ნიკა გვარამიამაც.

„2026 წლის არჩევნებზე ორბანის პარტია, რომელიც დღეს „ქართული ოცნების“ ერთადერთი მოკავშირეა ევროპაში, სლოვაკეთი ფიცოსთან ერთად, დამარცხდება. რაც შეეხება ფიცოს პარტიას, მანაც 3%-ზე მეტით წააგო პროევროპულ და პროდასავლურ პარტიებთან“, - აღნიშნა გვარამიამ.

დამოუკიდებელი დეპუტატი თეონა აქუბარდია კი თვლის, რომ ევროპარლამენტში ჩატარებული არჩევნების შედგები „ქართული ოცნებისთვის“ არახელსაყრელია.

„წინასწარი შედგებით, რომელიც სახეზეა, სრულიად გაქარწყლდა „ქართული ოცნების“ მცდელობა მანიპულაციურად წარმოედგინათ ის, რომ აქ გარკვეული ხელსაყრელი პირობები ექნებოდათ მათ. რაც შეეხება უკვე დაგეგმილ და გამოცხადებულ არჩევნებს საფრანგეთში, მათ შორის ბრიუსელის პრემიერის გადადგომას, ეს მათი შიდა საკითხებია“, - აღნიშნა აქუბარდიამ.

ევროპარლამენტში არსებითად არაფერი შეცვლილა პარტია „საქართველოსთვის“ წევრი ბექა ლილუაშვილისთვის, რომელიც საქართველოს მმართველი პარტიის შეფასებებს ღიმილისმომგვრელს უწოდებს.

„ჩვენ ვისმენთ აბსოლუტურად ღიმილისმომგვრელ ანალიზს „ქართული ოცნების“, რომელიც გადართულია რაღაც კონსერვატიული ძალების გაძლიერების მესიჯბოქსზე, რომლითაც თავს იმშვიდებს. ევროპარლამენტში არსებითად არაფერი შეცვლილა“, - აღნიშნა ლილუაშვილმა.