თენგიზ შარმანაშვილი ხაზარაძე-გახარიას ვერშემდგარ გაერთიანებაზე: იმდენად კარგად ესმის უკვე ქართველ ამომრჩეველს ამ თამაშის არსი, დარწმუნდნენ, რომ ამის გაკეთება არ ღირდა და გასცეს ახალი განკარგულება, რომ ეს პროცესი გაჩერებულიყო

იმდენად კარგად ესმის უკვე ქართველ ამომრჩეველს ამ თამაშის არსი, დარწმუნდნენ, რომ ამის გაკეთება არ ღირდა და გასცეს ახალი განკარგულება, რომ ეს პროცესი გაჩერებულიყო, - განაცხადა საპარლამენტო უმრავლესობის წევრმა თენგიზ შარმანაშვილმა მამუკა ხაზარაძისა და გიორგი გახარიას პარტიების ვერშემდგარ გაერთიანებაზე.

„ისინი თავის გადაწყვეტილებებში დამოუკიდებლები არ არიან. ამ შეკვეთის გამცემები დარწმუნდნენ იმაში, რომ ეს სპექტაკლი, რომ ვითომდა, ქართულ შიდა პოლიტიკაში საქართველოს გადარჩენის რაღაც გლობალური პროცესი ხდებოდა, რომელსაც სათავეში ედგა სალომე ზურაბიშვილი, „დემოკრატიის დედა, აღარ გამოვიდოდა. იმდენად გაიშიფრნენ, იმდენად კარგად ესმის უკვე ქართველ ამომრჩეველს ამ თამაშის არსი, დარწმუნდნენ, რომ ამის გაკეთება არ ღირდა და გასცეს ახალი განკარგულება, რომ ეს პროცესი გაჩერებულიყო”, - განაცხადა თენგიზ შარმანაშვილმა.

მამუკა ხაზარაძესა და გიორგი გახარიას შორის რამდენიმედღიანი მოლაპარაკების შემდეგ, რომელშიც პრეზიდენტი ზურაბიშვილიც იყო ჩართული, დღეს ცნობილი გახდა, რომ პარტიების - „ლელოს“ და „საქართველოსთვის” გაერთიანება ვერ შედგა. „როგორც ჩანს, „ლელომ“ შიდა კონსენსუსს ვერ მიაღწია, საარჩევნო დრო უკვე შეზღუდულია, შესაბამისად, ამ ეტაპზე შეთანხმების მიღწევა ვერ მოხერხდა,“ - აღნიშნულია პარტიის „საქართველოსთვის“ დღეს გამოქვეყნებულ განცხადებაში.