მამუკა მდინარაძე Byline Times-ის სტატიაზე: გარანტირებულად შემიძლია ვთქვა, ეს სტატია არის დაფინანსებული და შეკვეთილი

„ქართული ოცნების“ აღმასრულებელი მდივანი, საპარლამენტო უმრავლესობის ლიდერი, ფრაქცია „ქართული ოცნების“ თავმჯდომარე მამუკა მდინარაძე მედიასთან აცხადებს, რომ Byline Times-ის სტატია არის შეკვეთილი და დაფინანსებული.

„გარანტირებულად შემიძლია ვთქვა, რომ ეს სტატია არის დაფინანსებული და შეკვეთილი, რადგან შეკვეთის გარეშე ასეთი სიცრუეები არ ხდება. ან არის „დიფ სთეითის“ სხვადასხვა აგენტურის მიერ დაფინანსებული ან შეკვეთილი ან პირდაპირ ფულია გადახდილი. სადმე რომ სტატია იბეჭდება, რომელიც სერგი კაპანაძისა და საბანაძის მოსაზრებებზე აიგება, მის ობიექტურობაზე რაღა ვილაპარაკოთ?! სოროსელები დღემდე, ამ ქვეყანაში მავნებლობას ახერხებენ“, - აღნიშნა მამუკა მდინარაძემ.

„მოსკოვის კავშირები ქართულ რეჟიმთან კენსინგტონისა და ჩელსის გავლით გადიოდა"- ამ სახელწოდების სტატია ბრიტანულმა გამოცემა Byline Times-მა გამოაქვეყნა. სტატიამ ოპოზიციური მედიის ყურადღება მაშინვე მიიპყრო და „ნაცმოძრაობის“ ნარატივის მატარებელი ახალი ამბებიც მალევე გამოჩნდა ინტერნეტსივრცეში. ირკვევა, რომ სტატია, სადაც ავტორი ბიძინა ივანიშვილის რუსულ კავშირებზე მიანიშნებს, შეკვეთილი და დაფინანსებულია სოროსის ფონდის საქართველოს ოფისის მიერ და სერგი კაპანაძისა და ნატალია საბანაძის მოსაზრებებზეა აგებული.