არჩილ გორდულაძე RSF-ს სტატიაზე: განცხადებაში მოყვანილ ფაქტებზე შეგვიძლია ვთქვათ, რომ კეზერაშვილის საქმიანობა გადმოიტანეს, შემდეგ კეზერაშვილის ნაცვლად მიუთითეს ბატონი ბიძინა ივანიშვილის და ამ ყველაფრის შემოსაღებას ცდილობენ

განცხადებაში მოყვანილ ფაქტებზე, თითიდან გამოწოვილ დეზინფორმაციაზე მარტივად შეგვიძლია ვთქვათ, რომ კეზერაშვილის საქმიანობა გადმოიტანეს, შემდეგ სახელი და გვარი კეზერაშვილის ნაცვლად მიუთითეს ბატონი ბიძინა ივანიშვილის და ახლა ამ ყველაფრის შესაღებას ცდილობენ საზოგადოებისთვის, რომ ვითომ ბიძინა ივანიშვილი აკონტროლებს მედია წარმომადგენლებს, ან ბრძოლა მიდის თავისუფალი სიტყვის წინააღმდეგ, - განაცხადა გადაცემაში „იმედის კვირა“ იურიდიულ საკითხთა კომიტეტის თავმჯდომარემ არჩილ გორდულაძემ ორგანიზაციის - „რეპორტიორები საზღვრებს გარეშე“ მომზადებულ სტატიაზე საუბრისას.

მისვე თქმით, რეალობა აბსოლუტურად საწინააღმდეგოა.

„როდესაც მზია ამაღლობელზეა საუბარი, მაშინ განცხადებები გააკეთონ საფრანგეთის ერთ კონკრეტულ ჟურნალისტზე, რომელმაც ხელი გაარტყა მაკრონს და შემდეგ პასუხისმგებლობა დაეკისრა დაახლოებით იმავე დოზით და ფორმით, რაც ქალბატონ მზია ამაღლობელს. ვხედავთ ისევ და ისევ უსტანდარტობას, რომ ამ კონკრეტულ ადამიანზე განცხადებები არ კეთდება, მაგრამ შემოსაღებაა კონკრეტულ სამართალდამცავზე ხელის გარტყმის და თავდამსხმელის, როგორც გმირის, ან თავისუფალი სიტყვის გამომხატველისა, რაც არის აბსოლუტური ტყუილი.

ნიკა გვარამია, ადამიანი, რომელიც მხილებულია და საზოგადოებამ ძალიან კარგად იცის, რომ ეს არის ადამიანი, რომელიც პირველ რიგში ებრძოდა თანამდებობაზე ყოფნის დროს თავისუფალ სიტყვას. ეს არის ადამიანი, რომელიც „იმედზე“ თავდასხმაზე განცხადებებს აკეთებდა და მთავარი პროკურორის მოადგილე იყო. საუბრობდა, რომ თურმე „იმედი“ არ ავრცელებდა მათთვის მოსაწონ ინფორმაციას და ამიტომ უნდა დახურულიყო.

ის უმსგავსო კანონდარღვევები და თავდასხმა „იმედზე“, რაც მოხდა წარსულში 2003-2012 წლებში კარგად ვნახეთ. მას მოჰყვა მოდელირებული „ქრონიკა“ და ათასი უბედურება, მაგრამ წარმოგვიჩინეს, რომ ეს ადამიანი არის თურმე სიტყვისა და გამოხატვის თავისუფლებისთვის მებრძოლი. როდესაც ნიკა გვარამიას შეაფასებენ ასე, რეალურად საკუთარ თავს აფასებენ და საკუთარ თავზე უფრო მეტს მეტყველებენ, ვიდრე ჩვენს ქვეყანაში მიმდინარე მოვლენებზე“, - აღნიშნა არჩილ გორდულაძემ.