შალვა პაპუაშვილი: ირონიით ამბობდნენ, რომ „ვიღაც ქართველობას გვართმევსო“. ქართველობა წართმეული ადამიანები არიან ისინი, ვისაც ფეხბურთელებზე ბულინგის კამპანია აქვთ. ისინი არიან ბრიუსელისგან ქართველობა აყრილი ადამიანები

ირონიით ამბობდნენ, რომ „ვიღაც ქართველობას გვართმევსო“. ქართველობა წართმეული ადამიანები არიან ისინი, ვისაც ფეხბურთელებზე ბულინგის კამპანია აქვთ. ისინი არიან ბრიუსელისგან ქართველობა აყრილი ადამიანები, - განაცხადა გადაცემაში „იმედი LIVE“ საქართველოს პარლამენტის თავმჯდომარე შალვა პაპუაშვილმა, ფეხბურთელების ბულინგთან დაკავშირებით.

მისი თქმით, სწორედ ასეთი საქართველოს ხილვა სურს ბრიუსელს, როდესაც დამარცხებულ გუნდს თანამემამულეები თანადგომას არ უცხადებენ.

„პირველ რიგში შევხედოთ ვინ არიან ისინი, ვინც ამ სიძულვილს აფრქვევენ. ესენი არიან თვითგამოცხადებული პროევროპელები, რომლებისთვისაც ბრიუსელს მიცემული აქვს სერტიფიკატი, რომ ესენი არიან ნამდვილი პროევროპულები. ახლა რა არის თურმე პროევროპულობა და ამას ხედავს ქართველი ხალხი და ამას გვეკითხება ჩვენც მოსახლეობა, რომ რასთან გვაქვს საქმე, როდესაც სადაც კი ევროპა, პროევროპულობა და ევროკავშირის დროშა არის, იქ არის სიძულვილი. სადაც ევროკავშირის დროშა გამოჩნდება, იქ მოდის ძალადობა. სადაც გამოჩნდებიან ევროპული ყიჟინით, იქ არის ზიზღი. როგორ დავიდა აქამდე ევროკავშირი თავისი ბრიუსელით, რომ თავი გააიგივა სიძულვილთან, თავი გააიგივა ზიზღთან, ძალადობასთან.

ირონიით ამბობდნენ, რომ „ვიღაც ქართველობას გვართმევსო“. კი მაგრამ ის ხალხი, ვინც ფეხბურთელებზე, სპორტსმენებზე, მანამდე მათ შორის ჩვენი გუნდის წევრებზე - ოლიმპიურ ჩემპიონებზე ევროპული ზიზღის კასკადი რომ ჰქონდათ, ესენი არ არიან ქართველობა წართმეულები?! და განა ქართველობა წართმეული არ არიან ის ადამიანები, ვინც ლევან გაჩეჩილაძეზე, ლაშა ბასლანძეზე, გარდაცვლილ ადამიანებზე საზიზღარი, ამაზრზენი კამპანია ჰქონდათ?! ესენი არ არიან ქართველობა წართმეული ადამიანები? განა ქართველობა წართმეული არ არიან, ვინც პატრიარქს ეგზარქოსს ეძახიან. განა მათ ქართველობა არ წაართვეს?! და ისინი არიან ბრიუსელისგან ქართველობა აყრილი ადამიანები. ამ ჯგუფთან გვაქვს ჩვენ საქმე, რომელიც დღეს მოწყვეტილია ქართველობას.

რომ ხედავენ, რომ უსამშობლოები გახდნენ, ამიტომ აქვთ ამაზე განსაკუთრებული რეაქცია. ამიტომ დიახ, ქართველობა წართმეული ადამიანები არიან ისინი, ვისაც ფეხბურთელებზე ბულინგის კამპანია აქვთ“, - განაცხადა შალვა პაპუაშვილმა.