დავით მათიკაშვილი BBC-ს სტატიაზე: ტრამპს მოუხადა ამ არხმა ბოდიში, შევიდა კიდევ იმ არხების სიაში, რომელიც ტყუილს ავრცელებს, ახლა მოუწევთ ბოდიშების მოხდა საქართველოსთან მიმართებით, თუკი ელემენტარული პასუხისმგებლობა კიდევ დარჩათ

დონალდ ტრამპს მოუხადა ამ არხმა ბოდიში, შევიდა კიდევ იმ არხების სიაში, რომელიც ტყუილს და ფეიკს ავრცელებს, ახლა მოუწევთ მათ ბოდიშების მოხდა საქართველოსთან მიმართებით, თუკი ელემენტარული პასუხისმგებლობა კიდევ დარჩა, ბუნებრივია, ამ არხს, - განაცხადა გადაცემაში „დღის ქრონიკა“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა BBC-ს სტატიასთან დაკავშირებით.

მათიკაშვილის თქმით, მსგავსი მასშტაბის ტყუილი, დაბრალება, გაშავების მცდელობა, ეს ყველაფერი რეაგირების გარეშე არ უნდა დარჩეს არცერთ შემთხვევაში.

„სისულელის და არაადეკვატურობის ზღვარი, აქამდე რომ გვეგონა არსებობს, მას შემდეგ, რაც „ბიბისიზე“ სრულიად აბსურდული და წარმოუდგენელი შინაარსის განცხადებები გაკეთდა, ჩვენ მივხვდით, რომ ეს ზღვარი ელემენტარულად თანამედროვე სამყაროში აღარ არსებობს. აბსოლუტურად ყველაფრის დაბრალება და ყველაფერზე ხელის მოწერა შეუძლიათ საქართველოს ფარგლებს შიგნით რადიკალებს და საქართველოს ფარგლებს გარეთ კიდევ იმ ძალებს, რომლებსაც ჩვენ არაფორმალურ მმართველობით ძალებს, იგივე „დიფ სთეითს“ ვეძახით.

მე ვფიქრობ, რომ ამ არხს კიდევ მოუწევს ბოდიშების მოხდა და კიდევ მოუწევს ხელმძღვანელების გათავისუფლება დაკავებული თანამდებობებიდან თუ პროდიუსერების, ვინაიდან მსგავსი მასშტაბის ტყუილი, დაბრალება, გაშავების მცდელობა, ეს ყველაფერი რეაგირების გარეშე არ უნდა დარჩეს არცერთ შემთხვევაში. ამიტომაც მზადდება სწორედ სარჩელი, ამიტომაც დაიწყო სახელმწიფო უსაფრთხოების სამსახურმა გამოძიება, რომ დოკუმენტალურ მტკიცებულებით დონეზე დადასტურდეს აბსოლუტურად ყველაფერი. ამ ბრალდების გამავრცელებლებს სათანადოდ არგუმენტირებული პასუხი მიეცეს უკვე საგამოძიებო ორგანოებიდან. მახსენდება, სააკაშვილი როგორ მორჩა დემენციისგან, რომ განიკურნა დემენციისგან, დაახლოებით იმ შინაარსის თემაა იმიტომ, რომ დემენციისგან განკურნება არავის წარმოუდგენია და ასევე არავის წარმოუდგენია, ვერავინ წარმოიდგენს კიდევ იმ სისულელეს, რაც „ბიბისიზე“ გაჟღერდა. დონალდ ტრამპს მოუხადა ამ არხმა ბოდიში, შევიდა კიდევ იმ არხების სიაში, რომელიც ტყუილს და ფეიკს ავრცელებს, ახლა მოუწევთ მათ ბოდიშების მოხდა საქართველოსთან მიმართებით, თუკი ელემენტარული პასუხისმგებლობა კიდევ დარჩა, ბუნებრივია ამ არხს“, - აღნიშნა დავით მათიკაშვილმა.

ცნობისთვის, BBC-მ გამოაქვეყნა სტატია, რომელშიც საუბარია იმაზე, რომ „ქართული ოცნების“ ხელისუფლებამ აქციაზე პირველი მსოფლიო ომის დროინდელი ქიმიური იარაღი გამოიყენა. „ქართული ოცნება“ BBC-ის წინააღმდეგ საერთაშორისო სასამართლოებში სამართლებრივ დავას იწყებს. ამასთან, სახელმწიფო უსაფრთხოების სამსახურმა BBC-ის მიერ საჯარო სივრცეში დანაშაულის შესახებ გავრცელებულ ინფორმაციასთან დაკავშირებით გამოძიება დაიწყო.