ჯონ ლაფლენდი: თუკი ცეცხლის შეწყვეტა უკრაინაში ნატოს ჯარების შეყვანას ნიშნავს, რუსები ცეცხლის შეწყვეტას არასოდეს დათანხმდებიან. აქედან გამომდინარე, 6 იანვრის და მსგავსი შეხვედრების მიზანი იყო, რომ უკრაინაში ომი არ შეწყდეს

ევროპელებს მიაჩნიათ, რომ გამოფიტვის ომი წარმატებული იქნება და რუსეთს აჯობებენ. ძალიან მეეჭვება ამ თეორიის, - განაცხადა დემოკრატიისა და თანამშრომლობის ინსტიტუტის კვლევითი პროგრამების დირექტორმა, ფილოსოფიის დოქტორმა, ჯონ ლაფლენდმა გადაცემაში „თბილისის დროით“.

გადაცემის წამყვანმა, ბრიტანელმა დიპლომატმა, გლობალური კრიზისების მართვის ექსპერტმა, იან პრაუდმა აღნიშნა, რომ ევროპა ახლა პანიკაშია, შედეგად კი უკრაინაში ომის დასასრული ჯერ კიდევ არ ჩანს. „ევროპა კი ახლა იმდენად არის ტრამპზე კონცენტრირებული, რომ ნაკლებად სავარაუდოა, უკრაინისთვის მოიცალონ“, - განაცხადა პრაუდმა.

ჯონ ლაფლენდმა 6 იანვარს გამართული შეხვედრა გაიხსენა, სადაც მისივე თქმით, გაცხადდა, რომ ცეცხლის შეწყვეტის შემთხვევაში უკრაინაში საფრანგეთი და ბრიტანეთი ჯარებს გაგზავნიან. ლაფლენდმა ამ შეხვედრის შესახებ გადაცემაში საკუთარი აზრი დააფიქსირა.

„გრენლანდიის მოვლენებს უკრაინის ომზე რა გავლენა ექნება, არ ვიცი, მაგრამ მარკ რუტემ დავოსში განაცხადა, რომ დიდი ძალისხმევა იქნება გაწეული ყურადღების კვლავ უკრაინისაკენ გადატანის მიზნით. ევროპული პოლიტიკა ნათელია. ევროპარლამენტმა კენჭი დადებითად უყარა უკრაინისათვის 90 მილიარდის სესხის საკითხს, ევროპული პოლიტიკა წარმოუდგენლად უსაგნოა, ის წარუმატებლობისთვისაა განწირული.

პოლონეთის საგარეო საქმეთა მინისტრმა 10 დღის წინ განაცხადა, რომ ევროპელებს სჯერათ რუსეთის მომავალი ჩამოქცევის. 90 მილიარდით უკრაინა კიდევ ორ წელიწადს იომებს და სწორედ ამ ორ წელიწადში მოსკოვს ფული გამოელევა, შეიარაღებაც და ომს წააგებს. აი, ესაა ევროპული პოლიტიკა.

ევროპელებს მიაჩნიათ, რომ გამოფიტვის ომი წარმატებული იქნება და რუსეთს აჯობებენ. ძალიან მეეჭვება ამ თეორიის. ევროპელების მიზანი ტრამპის სამშვიდობო პოლიტიკის ჩაშლაა. მე ეჭვი არ მეპარება, რომ ევროპას მშვიდობა არ სურს. ეს ვიცით პარიზში, 6 იანვარს გამართული შეხვედრის კვალდაკვალ, სადაც გაცხადდა, რომ ცეცხლის შეწყვეტის შემთხვევაში უკრაინაში საფრანგეთი და ბრიტანეთი ჯარებს გაგზავნიან. ყველამ იცის, რომ თუკი ცეცხლის შეწყვეტა უკრაინაში ნატოს ჯარების შეყვანას ნიშნავს, რუსები ცეცხლის შეწყვეტას არასოდეს დათანხმდებიან. გამომდინარე აქედან, 6 იანვრის და მსგავსი შეხვედრების მიზანი იყო, რომ უკრაინაში ომი არ შეწყდეს“, - განაცხადა ჯონ ლაფლენდმა.