პიტერ სიიარტო: ვერც საქართველო და ვერც უნგრეთი ვერ გატეხეს ყოველდღიური ზეწოლის ფონზე. ჩვენ არ მივცემთ სხვებს უფლებას, რომ დაგვამარცხონ

ვერც საქართველო და ვერც უნგრეთი ვერ გატეხეს ყოველდღიური ზეწოლის ფონზე. ჩვენ არ მივცემთ სხვებს უფლებას, რომ დაგვამარცხონ, - განაცხადა უნგრეთის საგარეო საქმეთა მინისტრმა პიტერ სიიარტომ საქართველოს საგარეო საქმეთა მინისტრ მაკა ბოჭორიშვილთან შეხვედრის შემდეგ გამართულ ერთობლივ ბრიფინგზე.

სიიარტოს თქმით, საქართველო და უნგრეთი ყოველდღიურად განაგრძობენ ბრძოლას სუვერენიტეტისთვის, დამოუკიდებლობისთვის.

„ჩვენ ყოველთვის მოხარული ვართ, როდესაც ვმასპინძლობთ ჩვენს ქართველ მეგობრებს. ასე, რომ მადლობას გიხდით. მადლობა, რომ მიიღეთ ჩვენი მოწვევა ბუდაპეშტში. ახლა განსაკუთრებით მნიშვნელოვანი დროა, ეს დღეები განსაკუთრებით მნიშვნელოვანია, რადგანაც იქმნება ახალი მსოფლიო დღის წესრიგი, ახალი მსოფლიო წესრიგი, რომელიც შექმნის შესაძლებლობას, რომ დავიცვათ სახელმწიფოთა სუვერენიტეტი და დამოუკიდებლობა. იმ სახელმწიფოების, რომლებიც განსაკუთრებულ ყურადღებას უთმობენ სუვერენიტეტს, რომლებიც არ დაუშვებენ საკუთარი ქვეყნის შიდა საქმეებში ჩარევას.

უნგრეთი და საქართველო ამის მკაფიო მაგალითია. ესენი არიან სახელმწიფოები, რომლებმაც არ დაუშვეს, რომ ჩარეულები ყოფილიყვნენ ომში და რომლებიც ასევე არ უშვებენ გარეშე ძალები ჩაერიონ მის შიდა პოლიტიკურ ცხოვრებაში. არ უშვებენ იყვნენ სულელი აქტორები გარეშე ძალის წინაშე. ეს არის ბრძოლა, რომელიც არასდროს დასრულდება. ჩვენ განვაგრძობთ ბრძოლას ყოველდღიურად ჩვენი სუვერენიტეტისთვის, ჩვენი დამოუკიდებლობისთვის. ამის მიზეზი ის გახლავთ, რომ ბრიუსელი სხვა მიმართულებით მიდის. ვიდრე ევროკომისიის პრეზიდენტი ურსულა ფონ დერ ლაიენი იქნება, ჩვენ მოგვიწევს წინააღმდეგობის გაწევა პროვოკაციების წინააღმდეგ. უნდა გავაკეთოთ ყველაფერი, რომ თავიდან ავირიდოთ უკრაინის ომში ჩარევა. საქართველომ და უნგრეთმა შეძლეს, რომ გაეძლოთ გარეშე ზეწოლისთვის, რადგან მათ ჰყავთ ძალიან ძლიერი ლიდერები. ვერც საქართველო და ვერც უნგრეთი ვერ გატეხეს ყოველდღიური ზეწოლის ფონზე. ჩვენ არ მივცემთ სხვებს უფლებას, რომ დაგვამარცხონ. ჩვენ ვამაყობთ იმ ფაქტით, რომ უნგრეთი და საქართველო ის ქვეყნებია, რომლებიც არიან პიონერები გლობალური პატრიოტული რევოლუციისა. ეს არის ორი სახელმწიფო, რომლებიც მკაფიოდ წარმოაჩენენ, თუ რა წარმატებები მოაქვს პატრიოტულ რევოლუციას. ბრიუსელის მიერ ხდება არჩევნებში ჩარევა“, - აღნიშნა მან.

მისივე თქმით, საქართველო არის დამოუკიდებელი, სუვერენული სახელმწიფო, არჩეული მთავრობით.

„უნგრელები ყოველთვის დადგებიან საქართველოს გვერდით. ჩვენ წინააღმდეგობა გავუწიეთ ყველა სახის სანქციას საქართველოს წინააღმდეგ, საქართველოს მთავრობის მაღალჩინოსნების წინააღმდეგ. ჩვენ ყოველთვის ვეწინააღმდეგებოდით სავიზო შეზღუდვების დაწესებას და არასოდეს ვეთანხმებოდით, რომ საქართველომ უნდა დათმოს საკუთარი სუვერენიტეტი იმისათვის, რომ შეუერთდეს ევროკავშირს“, - განაცხადა პიტერ სიიარტომ.

მომზადებულია სინქრონული თარგმანის მიხედვით.