შალვა პაპუაშვილი: შვედეთის საგარეო საქმეთა მინისტრის პარტიის წევრი, 2024 წელს თბილისში მოუწოდებდა „მაიდნისკენ“ ანუ სისხლიანი გადატრიალებისკენ. ამ დამოკიდებულების შედეგია, რომ დღეს ძალადობა ევროპის სახელით ხორციელდება საქართველოში

შვედეთის საგარეო საქმეთა მინისტრის პარტიის წევრი 2024 წელს იყო თბილისში და მოუწოდებდა „მაიდნისკენ“. „მაიდანი“ ნიშნავს სისხლიან გადატრიალებას. ამ დამოკიდებულების შედეგია, რომ დღეს ძალადობა ევროპის სახელით ხორციელდება საქართველოში, - განაცხადა ჟურნალისტებთან საქართველოს პარლამენტის თავმჯდომარემ, რითაც შვედეთის საგარეო საქმეთა სამინისტროს მიერ გამოთქმულ კრიტიკას გამოეხმაურა.

შალვა პაპუაშვილის თქმით, სწორედ შვედეთის საგარეო საქმეთა მინისტრი არის იმ პარტიის ლიდერი, რომლის წევრიც საქართველოში 2024 წელს აქციის მონაწილეებს ძალადობისა და „მაიდანიზაციისკენ“ მოუწოდებდა.

„2024 წელს ეს სამარცხვინო განცხადება მთელს საქართველოს ახსოვს, როდესაც შვედეთის პარლამენტის კომიტეტის თავმჯდომარემ რადიკალური ოპოზიციის წარმომადგენლებს მოუწოდა „მაიდნის“ მოწყობისკენ. ის არ არის უბრალოდ პარლამენტის წევრი და კომიტეტის თავმჯდომარე. ეს ადამიანი, ერიკ ოტოსონი არის იმ პარტიის წევრი, რომლის პარტიის ლიდერიც არის შვედეთის მოქმედი საგარეო საქმეთა მინისტრი. ეს არის იმ პარტიის წევრი, რომელიც ახალგაზრდულმა ფრთამ სულ ახლახან მისი რაღაც ჯილდო მიანიჭა „მოლოტოვის კოქტეილის“ მსროლელებს, მიანიჭა მოძალადეებს, მიანიჭა უჩა აბაშიძეს, რომელიც თავისი ცოლის სექსუალურ ექსპლუატაციას ახდენდა. აი, ეს არის ის ცივილიზაციური და ღირებულებითი კრიზისი, რომელშიც დღეს ევროპა არის. როდესაც დღეს ჩვენ გვესმის შვედეთის საგარეო საქმეთა სამინისტროსგან დეზინფორმაციული თავდასხმები საქართველოზე, მის ხელისუფლებაზე, თითქოსდა საქართველოს ხელისუფლება მისი განცხადებებით თანამშრომლობას აზიანებს, რაზე არის საუბარი, საგარეო საქმეთა მინისტრის პარტიის წევრი 2024 წელს იყო თბილისში და მოუწოდებდა „მაიდნისკენ“. და „მაიდანს“ შევახსენებ კიდევ რას ნიშნავს, ეს ნიშნავს ას დაღუპულ ადამიანს და სისხლიან გადატრიალებას. ასე რომ როდესაც გვესმის ჩვენ ასეთი განცხადებები, რა თქმა უნდა პირველი, რაც უნდა გააკეთო განმარტო მანამდე მათი საქციელი და უპრიანი იქნებოდა ამასთან დაკავშირებით წუხილი მაინც გამოთქვან.

სწორედ ასეთი დამოკიდებულების შედეგია, რომ დღეს ძალადობა ევროპის სახელით ხორციელდება საქართველოში. სადაც მოდის ევროკავშირის დროშა ოპოზიციონერების ხელში, იქ მოდის ძალადობა. ასე გააიგივა, სამწუხაროდ, ბრიუსელმა ევროკავშირის დროშა ძალადობასთან“, - განაცხადა შალვა პაპუაშვილმა.