ცაგარეიშვილი: საქართველო გარკვეულწილად რთულ ვითარებებში კონსოლიდაციამ გადაარჩინა და ვფიქრობ, ახლა ასეთი რთული ვითარებაა. ჩვენ გჭირდება კონსოლიდაცია, როგორც „იმედი“ არის შემოკრებილი მაკა ლომიძის გარშემო - ჩვენ ვდგავართ და ვიდგებით

გადაცემის „შემდეგი გაჩერება“ წამყვანმა თამარ ცაგარეიშვილმა გადაცემაში „ღია ეთერი“ კონსოლიდაციის მნიშვნელობაზე ისაუბრა.

მან აღნიშნა, რომ მომავალს დიდი იმედით უყურებს.

„დარწმუნებული ვარ, ის ადამიანები, ვინც ამ საქმეს სანქციებამდე ემსახურებოდნენ, იცოდნენ, რასაც აკეთებდნენ და განაგრძობენ ისევ ისე, როგორც იყო გუშინ იმიტომ, რომ რწმენა არის მთავარი - შენს თავთან, შენს სინდისთან იყო სუფთა. არ შემიძლია, მაკა ლომიძე არ ვახსენო. ყველაზე უფრო რთულ მომენტში მაკა ლომიძე აღმოჩნდა მთავარი ატლანტი, რომლის მხრებზე დადგა „იმედი“ და დგას გასაოცრად. ის ჩვენ ყველას გვაძლევს მაგალითს“, - განაცხადა თამარ ცაგარეიშვილმა.

მან „იმედის“ ეთერში გამართულ საჯარო დებატებზეც ისაუბრა.

„ის სამი დებატი და კიდევ, რასაც ჩვენ სხვა არხზეც ვუყურებდით, ძალიან ბევრი რამის დასტური, ლუსტრაცია, რენტგენი იყო - გნებავთ, სხეულის ენით, გნებავთ გამომეტყველებით, არტიკულაციით, ლექსიკით. მონაწილეების სრული ლუსტრაცია მოხდა. დიდი სიამოვნებით ვუყურე. ვფიქრობ, რომ ძალიან სასარგებლო იყო და დიდი სიამოვნებით ვუყურებ, თუ განაგრძობენ, თუ ხელს შეუწყობენ ის ადამიანები ხელს ამ ქვეყანას წინსვლაში“, - აღნიშნა ცაგარეიშვილმა.

მან აქვე ისურვა, რომ საზოგადოებამ შეძლოს დიდი სურათის და იმ ამოცანის დანახვა, რომლის წინაშეც ქვეყანა დგას.

„ერთი რამ მინდა ვისურვო, რომ შევძლოთ დიდი სურათი დანახვა, სულ ამაზე ვლაპარაკობ ყველა გადაცემაში. გეოგრაფიულად რომ წარმოვიდგინოთ, სად ვართ, რა პატარები ვართ, რა ამოცანაა ჩვენს წინაშე და ამ ამოცანის განხორციელებაში რამდენად მნიშვნელოვანია, რომ ჩვენ დავდგეთ ერთად, ერთმანეთი კი არ ჩავძიროთ, არამედ შევძლოთ გადარჩენა.

ძალიან ბევრი ჭკვიანი ადამიანისთვის მიკითხავს, რამ გადაარჩინა საქართველო. საქართველო გარკვეულწილად რთულ ვითარებებში კონსოლიდაციამ გადაარჩინა და ვფიქრობ, ახლა ასეთი რთული ვითარებაა, ჩვენ გჭირდება კონსოლიდაცია, როგორც „იმედი“ არის შემოკრებილი მაკა ლომიძის გარშემო, ჩვენ ვდგავართ, ვიდგებით და გავაკეთებთ ამ საქმეს. ისე, როგორც ჩვენ ვდგავართ ყველანი ხელისუფლების გარშემო არა იმიტომ, რომ ვიღაც მიყვარს და ვიღაცისგან რაღაცას გამოველი და ველოდები - არამედ იმიტომ, რომ მე მჯერა, რომ ჩვენ გავალთ ერთობით და ამ პოლიტიკით ფონს“, - განაცხადა თამარ ცაგარეიშვილმა.

„შემდეგი გაჩერების“ წამყვანმა ასევე დასვა კითხვა, არის თუ არა დღეს საქართველოში სამაგალითო სიტყვის თავისუფლება.

„ვინმე მეტყვის, რომ დღეს საქართველოში სიტყვის თავისუფლება არ არის?“ - დასძინა ცაგარეიშვილმა.