იან პრაუდი: ევროპასა და ბრიტანეთში ცდილობენ ომი არ შეწყდეს, ისინი უარს აცხადებენ დიპლომატიაზე, ევროპელი ლიდერები რუსეთს არ ესაუბრებიან, არადა მათ ეს უნდა გააკეთონ. დიპლომატია მოწინააღმდეგესთან საუბრის გარეშე გაუგებარი მოცემულობაა

ევროპასა და ბრიტანეთში ცდილობენ, რომ პირიქით ომი არ შეწყდეს, ისინი უარს აცხადებენ დიპლომატიაზე, ევროპელი ლიდერები რუსეთს არ ესაუბრებიან, არადა მათ ეს უნდა გააკეთონ. დიპლომატია მოწინააღმდეგესთან საუბრის გარეშე გაუგებარი მოცემულობაა, - განაცხადა ბრიტანელმა დიპლომატმა, გლობალური კრიზისების მართვის ექსპერტმა იან პრაუდმა გადაცემაში „თბილისის დროით“.

გადაცემის წამყვანმა ბრიტანელ დიპლომატს ჰკითხა, თუ როგორ შეაფასებდა რუსეთისთვის დაწესებული სანქციების ეფექტიანობას.

„უნდა გავითვალისწინოთ, რომ რუსეთის წინააღმდეგ სანქციები უკვე 12 წელია დაწესებულია. 12 წლის თავზე ვითარება კი უცვლელია, სანქციებმა არ შეუშალა ხელი ომის დაწყებას 2022 წელს, არც 2026 წელს მოხერხდა სანქციებით ომის შეჩერება. 2019 წელს შემუშავებული სანქციების სამართლებრივი განმარტება კი გვეუბნება, რომ მათი მიზანი უკრაინაში რუსეთის დამანგრეველი ქმედების შეწყვეტაა.

რა შუაშია აქ ქართული ტელევიზია, ბრალდება, რომ ტელეკომპანია იმედი პრორუსულ დეზინფორმაციას ეწევა, არის სრული სისულელე, ყველა ჩემს შესანიშნავ ქართველ კოლეგასთან შეხვედრისას, მათ შორის ტელეკომპანია „იმედშიც“, ყველას საქართველოს შესახებ მიმდინარე მოვლენები აინტერესებდა, ის რაც აინტერესებს მაყურებელს, რა შუაშია აქ კრემლის პროპაგანდა, საქართველოს რუსეთთან დიპლომატიური ურთიერთობაც კი არ აქვს, ეს არის სრული სისულელე, მაგრამ ბრიტანული ხელისუფლებისთვის რომელმაც უკვე 2 ათასზე მეტი სანქცია დააწესა, როგორც ჩანს მათ გამოელიათ სამიზნეები და ახლა ქართულ ტელევიზიებზე გადავიდნენ. ეს ჩემთვის, როგორც ბრიტანელისთვის და ამავე დროს რუსეთისთვის სანქციების დაწესების თანამონაწილესათვის, ძალიან სამარცხვინო საქციელია. როგორ მივედით იმ წერტილამდე, რომ ქართულ ტელევიზიებს ვუწესებთ სანქციებს !

მათი თქმით, კრემლზე ზეწოლა სურთ რომ ომი შეწყდეს, ეს არის სანქციების მიზანი, მაგრამ ეს უშედეგო პროცესია, 2022 წელს ომის დასაწყისში, ჩვენ რუსეთს ასობით სანქცია დავუწესეთ, არცერთმა იმუშავა.

ევროპასა და ბრიტანეთში ცდილობენ, რომ პირიქით ომი არ შეწყდეს, ისინი უარს აცხადებენ დიპლომატიაზე, ევროპელი ლიდერები რუსეთს არ ესაუბრებიან, არადა მათ ეს უნდა გააკეთონ. დიპლომატია მოწინააღმდეგესთან საუბრის გარეშე გაუგებარი მოცემულობაა .

უკრაინის მმართველები კი, ვოლოდიმირ ზელენსკი და მისი კორუმპირებული გარემოცვა ომის გაგრძელებას უჭერს მხარს, მათ არ აქვთ პრობლემა ასი ათასობით ადამიანის სიკვდილზე, რადგან მანამ სანამ ომი გრძელდება, უკრაინაში მილიარდობით დოლარი შედის. ეს ფული კი კორუფციაში იხარჯება. უკრაინა სხვებს აკრიტიკებს, მაგალითად საქართველოს, ქართულ დემოკრატიას - მაშინ როდესაც უკრაინაში 2019 წლის შემდეგ არჩევნები არ გამართულა. უკრაინის ხელისუფლება ყველაფერს ცდილობს ომის გაგრძელებისთვის, მათ უნგრეთთან და სლოვაკეთთან დამაკავშირებელი მილსადენებიც კი დაბომბეს - ეს ორი სახელმწიფო კი ნატოსა და ევროკავშირის წევრია. ამ ომის დასრულება უკრაინელი ერის ინტერესშია, მაგრამ უკრაინის ხელისუფლებაში მშვიდობა ბევრს არ სურს. მათ არ ადარდებთ საქართველო, დიდი სიამოვნებით ჩაითრევდნენ საქართველოს ომში რათა ის არ შეწყდეს“, - აღნიშნა დიპლომატმა.