ვოლსკი ირანის თემაზე გაკეთებულ ანტისახელმწიფოებრივ განცხადებებზე: რა კატეგორიის ხალხთან გვაქვს საქმე - რამდენად მძიმეა იმის გათვითცნობიერება, რომ მთელი ამ დეზინფორმაციული სტრატეგიის სათავეში ქართული გვარების მქონე ადამიანები არიან

სიცრუის გარდა, კიდევ უნდა გავითვალისწინოთ ერთი რამ - ეს არის მანიფესტაცია იმისა, თუ ვისთან გვაქვს საქმე. რა კატეგორიის ხალხთან გვაქვს ჩვენ საქმე, - განაცხადა პარლამენტის პირველმა ვიცე-სპიკერმა, გიორგი ვოლსკიმ ქართველი ავტორების მიერ გამოქვეყნებული სტატიებისა და საჯაროდ გაკეთებული განცხადებების შეფასებისას, რომელთა ავტორები ცდილობენ, დაამტკიცონ, რომ საქართველოში ირანული გავლენები მზარდია.

„რამდენად მძიმეა იმის გათვითცნობიერება, რომ მთელი იმ დეზინფორმაციული სისტემისა და სტრატეგიის სათავეში ქართული გვარების მქონე ადამიანები არიან ამ დეზინფორმაციული სტრატეგიის სათავეში და მსოფლიოსთვის, რეგიონისთვის ამ უმძიმეს დროს უნდათ, რომ გახადონ აქტუალური", - განაცხადა გიორგი ვოლსკიმ.

გიორგი კანდელაკის და ლუკ კოფის ერთობლივი კვლევა, სათაურით „საქართველოს ირანული შეტრიალება: თეირანის გავლენის სწრაფი გაფართოება ერთ დროს ამერიკის ძლიერ მოკავშირე ქვეყანაში“, ჰადსონის ინსტიტუტმა“ გამოაქვეყნა, კვლევაში ავტორები ცდილობენ ამტკიცონ, რომ საქართველოში ირანის გავლენები გაიზარდა.

ერთ-ერთი ტელეკომპანიის ეთერში გენერალ-მაიორმა ვახტანგ კაპანაძემ იმ სტრატეგიულ ობიექტებზე ისაუბრა, რომლებიც შესაძლოა ირანის სამიზნე გახდეს და მიუთითა, რას იზამდა თავად ირანის ხელისუფლების ადგილზე.

ახლო აღმოსავლეთში მიმდინარე პროცესების პარალელურად, მორიგი შეტევა და უსაფუძვლო ბრალდებები საქართველოს მიმართ - სტატია სათაურით „საქართველო ირანისთვის სანქციებისთვის თავის არიდების ცენტრად იქცევა“ The Hill-ში გამოქვეყნდა.

თავდაცვის ყოფილმა მინისტრმა, არასამთავრობო ორგანიზაცია „სამოქალაქო იდეის“ თავმჯდომარემ, თინა ხიდაშელმა განაცხადა, რომ საქართველოში ტერორისტების სკოლა, ე.წ. უნივერსიტეტი ფუნქციონირებს.