პრემიერი: 2 272 ლარი არის დასავლეთ ევროპასთან შედარებით დაბალი ხელფასი, მაგრამ როცა 2020-ის შემდეგ 712,5 ლარიდან გაქვს მკვეთრი გაუმჯობესება, ეს არის მთავარი, რითაც შეიძლება, შეფასდეს, არის თუ არა წარმატებული ხელისუფლების საქმიანობა
ირაკლი კობახიძე
ფოტო: IMEDI/ვიდეოკადრი
დებატებში სტატისტიკის გარეშე საუბარი შეუძლებელია, რადგან საბოლოო ჯამში სტატისტიკა არის ის, რაც გარკვეულ ფაქტებს ადასტურებს, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერში“.
როგორც მთავრობის მეთაურმა აღნიშნა, სტატისტიკის გათვალისწინების გარეშე დებატებს აზრი არ ექნება.
„ჩვენ რაღაც ფაქტებს უნდა დავეფუძნოთ და სტატისტიკის გარეშე ამ ფაქტებზე ვერ ვისაუბრებთ. რაც შეეხება ეკონომიკას, ჯერ კიდევ ჩვენი ეკონომიკის მდგომარეობა არის არასახარბიელო. დაახლოებით 2,5-ჯერ გვისწრებს გერმანია, 2-ჯერ გვისწრებს საფრანგეთი, 40 პროცენტით საბერძნეთი, ეს არის დღევანდელი მოცემულობა და ასეთ პირობებში მიგრაციის ტენდენციაც არის უარყოფითი. ანალოგიურად, ევროკავშირის ქვეყნებიდანაც ბევრი გადადის საცხოვრებლად და სამუშაოდ აშშ-ში, რადგან რომ შევადაროთ ერთმანეთს ბულგარეთი და აშშ, სხვაობა ეკონომიკებს შორის არის დაახლოებით სამმაგი. იქაც არის ასეთი სხვაობები. ამიტომ, ეკონომიკის მდგომარეობით ჩვენ კმაყოფილი არ ვართ, ჩვენი ეკონომიკა ნომინალური არის 10 000 დოლარი, 2020 წელს იყო 4300 დოლარი, ახლა გადასცდა 10 000 დოლარს. მსყიდველობითი უნარის გათვალისწინებით, 33 ათასი დოლარია ჩვენი მაჩვენებელი, რითაც ჩამოვრჩებით დასავლეთ ევროპის ქვეყნებს. მთავარია, ტენდენცია გვაქვს კარგი, თუ არ გვაქვს კარგი. ჩვენ რაღაც საზომი უნდა ავიღოთ, საწყისი წერტილი და იმის მერე პროგრესი, წინსვლა დავაფიქსირეთ თუ ვერა, ეს უნდა აღვნიშნოთ. განსხვავებით დემოგრაფიული მაჩვენებლებისგან, იქ ვსაუბრობთ სტატისტიკაზე, რომელიც ჩვენს წინააღმდეგ მეტყველებს, რადგან არის კლება, უარყოფითი ტენდენციები. რაც შეეხება ეკონომიკას, აქ განსხვავებული მაჩვენებლები გვაქვს. მაგალითად საშუალო ხელფასი, 2012 წელს იყო 712,5 ლარი და 2025 წლის მესამე კვარტლის მონაცემებით, არის 2272 ლარი, ესეც ცოტაა, მაგრამ არის მკვეთრი სხვაობა 2020 წელთან შედარებით“, - განაცხადა ირაკლი კობახიძემ.
მისივე თქმით, უმუშევრობის დონე იყო 2012 წელს იყო 26,7 პროცენტი, 2020 წელს ჩამოვიდა 18,5 პროცენტამდე და 2025 წლის მაჩვენებელი არის 13,9%, რაც კლების მკვეთრ ტენდენციაზე მიუთითებს.
„მაგალითად, 2020 წელს დასაქმებული იყო მილიონ 242 ათასი კაცი, ახლა არის მილიონ 390 ათასი ადამიანი. აქ კმაყოფილი ვერ ვიქნებით, ჯერ კიდევ არის არადამაკმაყოფილებელი მაჩვენებლები, მაგრამ ტენდენცია არის მკვეთრად დადებითი. კიდევ ერთი მაჩვენებელი, ეს ეკონომიკური ზრდა აისახება თუ არა ადამიანების ჯიბეებზე და ჯიბეში იგულისმება ადამიანების შემოსავალი. რაც შეეხება საშემოსავლო გადასახადს, ახლა გეტყვით, რამდენს იხდიდნენ ჩვენი მოქალაქეები საქართველოში საშემოსალო გადასახადის სახით. 1,8 მილიარდი იყო 2012 წელს, 3,3 მილიარდი გახდა 2020 წელს და 8,3 მილიარდი გახდა 2025 წელს, ანუ 2020 წელთან შედარებითაც კი 2,5-ჯერ არის გაზრდილი ადამიანების შემოსავლები. ფიზიკურ პირებზე ყველა სახის ფულადი განაცემი ჯამურად შეგვიძლია დავიანგარიშოთ 58,6 მილიარდი, 2020 წელს იყო დაახლოებით 2,5-ჯერ ნაკლები, დაახლოებით 22 მილიარდი იყო. ეს მაჩვენებელიც არ არის კარგი, დამაკმაყოფილებელი. 2272 ლარი არის დასავლეთ ევროპასთან შედარებით დაბალი ხელფასი, მაგრამ როცა იწყება 712,5 ლარიდან და 2020-ის შემდეგ გაქვს მკვეთრი გაუმჯობესება, ეს არის მთავარი, რითაც შეიძლება შეფასდეს, ხელისუფლების საქმიანობა არის თუ არა წარმატებული. ასევე დეპოზიტები ბანკებში იყო 34,6 მილიარდი ლარი, არის გაზრდილი 65,6 მილიარდ ლარამდე“, - განაცხადა პრემიერ-მინისტრმა.
ყველა სიახლე
07 მარტი 2026, 22:55
ეკონომიკა
მარიამ ქვრივიშვილი: საქართველო არის გამორჩეულად წარმატებული მაგალითი, თუ როგორ შეძლო ჩვენმა ხელისუფლებამ ლიბერალური სავიზო პოლიტიკით ტურიზმის სექტორის სწრაფი ზრდის უზრუნველყოფა
„ვფიქრობ, ყველა ვხედავთ იმ რეკორდულ მონაცემებს, რომლებიც ყოველწლიურად ტურიზმის სექტორში ფიქსირდება. მაგალითისთვის შეგვიძლია ავიღოთ გასული წელი და ვთქვათ, რომ სწორედ სახელმწიფოს ძალისხმევით რეკორდული, ისტორიული იყო ის მონაცემები, რომელიც 2025 წელს ქვეყანაში მივიღეთ ტურიზმიდან - 4,7 მლრდ აშშ დოლარზე მეტი შემოვიდა უშუალოდ ტურიზმიდან, ქვეყანამ შეძლო და უმასპინძლა 7,8 მილიონზე მეტ საერთაშორისო ვიზიტორს“ - განაცხადა მინისტრმა.
07 მარტი 2026, 22:36
პოლიტიკა
ირაკლი კობახიძე: Eagle Hills-ის პროექტის საერთო ინვესტიცია არის 6,6 მლრდ დოლარი, მარტო მშენებლობის პროცესში შეიქმნება 24 000-ზე მეტი დროებითი სამუშაო ადგილი, შემდგომ უკვე 8 000-ზე მეტი მუდმივი სამუშაო ადგილი
Eagle Hills-ის პროექტის საერთო ინვესტიცია არის 6,6 მლრდ დოლარი, მარტო მშენებლობის პროცესში შეიქმნება 24 000-ზე მეტი დროებითი სამუშაო ადგილი, შემდგომ უკვე 8 000-ზე მეტი მუდმივი სამუშაო ადგილი - ეკონომიკაში ამ პროექტის შედეგად შემოვა 11 მილიარდი ლარი, რაც ძალიან დიდი მაჩვენებელია, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი-დებატები“.
07 მარტი 2026, 22:34
ეკონომიკა
პრემიერი: 60 000 ბინა გაიყიდა მარტო ამ რამდენიმე წელიწადში უცხოელებზე და ამ საფუძვლით მხოლოდ 5 000-მა უცხოელმა მიიღო საქართველოში ბინადრობის ნებართვა, ეს მიგრაციაში მაინცდამაინც დიდ წილს არ ქმნის
107 000 მოქალაქეს აქვს მინიჭებული საქართველოში ბინადრობის უფლება, 30% არიან რუსეთის მოქალაქეები, ინდოელები არიან 22% - ძირითადად ესენი არიან სტუდენტები, მერე მოდის აზერბაიჯანი, უკრაინა და ა.შ., - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“ პრემიერის თქმით, 70% საქართველოში მცხოვრები მიგრანტების არიან პოსტსაბჭოთა ქვეყნებიდან, ევროკავშირის ქვეყნებიდან, ამერიკის შეერთებული შტატებიდან და ისრაელიდან.
07 მარტი 2026, 22:29
ეკონომიკა
პრემიერი: „იგლ ჰილსთან“ დადებული კონტრაქტის ყველა დეტალი გამოვიტანეთ, არაფერი მოსახლეობისთვის დასამალი არ არის, არის კომერციული ინტერესებიდან გამომდინარე გასაიდუმლოებული იურიდიული ასპექტები, რომელთა გასაჯაროება შეიძლება, არ უნდოდეს კომპანიას
„იგლ ჰილსთან“ დადებული კონტრაქტის ყველა დეტალი გამოვიტანეთ, იქ არის კონკრეტული იურიდიული ნიუანსები, რისი გახმაურებაც არ უნდა კომპანიას, რადგან ეს არის მიღებული პრაქტიკა, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“. როგორც მთავრობის მეთაურმა აღნიშნა, კონტრაქტში არაფერი მოსახლეობისთვის დასამალი არ არის.
07 მარტი 2026, 22:23
ეკონომიკა
პრემიერი: 2004 წელს გაწევრიანდნენ ლიეტუვა და ლატვია ევროკავშირში, მათ მიეცათ უვიზოდ გადაადგილების საშუალება და ეკონომიკებს შორის იყო დიდი სხვაობა, 2003 წლის შემდეგ 18%-ით დაიკლო ლიეტუვის მოსახლეობამ, ლატვიის შემთხვევაში 20%-ით
2004 წელს გაწევრიანდა ლიეტუვა და ლატვია ევროკავშირში და შესაბამისად, მათ მიეცათ უვიზოდ გადაადგილების საშუალება და ეკონომიკებს შორის იყო ძალიან დიდი სხვაობა, ლიეტუვის მოსახლეობა, 2003 წლის შემდეგ შემცირდა 3 415 000-დან 2 800 000-მდე, 18%-ით, 615 000-ით დაიკლო ლიეტუვის მოსახლეობამ, ლატვიის შემთხვევაში მოსახლეობა იყო 2003 წელს 2 289 000 და შემცირდა 1 836 000-მდე, დაიკლო 20%-ით, 453 000 ადამიანით, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 22:22
პოლიტიკა
ლევან ჯაფარიძე ლომჯარიაზე, ხიდაშელზე, სანიკიძესა და კანდელაკზე: ამ უჯიშო, უსამშობლო, ხროვის გამოხტომებზე გამახსენდა, რა ზუსტად აღწერს ვიკიპედია მათ და მათი დამქაშების სახელწოდებას - მეხუთე კოლონა
დღეს ამ უჯიშო, უსამშობლო, ხროვის გამოხტომებზე კიდევ ერთხელ გამახსენდა რა ზუსტად აღწერს ვიკიპედია მათ და მათი დამქაშების სახელწოდებას: მეხუთე კოლონა — ადამიანთა ჯგუფი, რომელიც სახელმწიფოს ან ხალხის რაიმე გაერთიანებას უთხრის ძირს მტრის, მოწინააღმდეგის სასარგებლოდ, - წერს კრწანისის რაიონის მაჟორიტარი, ლევან ჯაფარიძე, ნინო ლომჯარიას, თინა ხიდაშელის, გუბაზ სანიკიძისა და გიორგი კანდელაკის შესახებ.
07 მარტი 2026, 22:20
ეკონომიკა
მარიამ ქვრივიშვილი „იგლ ჰილსის” პროექტზე: გამჭვირვალედ ვსაუბრობთ, რომ არცერთი ფორმის გარანტია, არც ფინანსური, არც იურიდიული ინვესტორისთვის არ მიგვიცია
„ეს არის ორი უმაღლესი სტანდარტის კომპლექსი, სადაც უმაღლესი სტანდარტის განთავსების ობიექტები აშენდება, გონიოს ტერიტორიაზე მოეწყობა სრულიად ახალი ტურისტული პროდუქტი, რომელიც ასობით მილიონი დოლარის ინვესტიციას გულისხმობს იახტკლუბის სახით. ამავდროულად მოეწყობა უნიკალური სარეკრეაციო სივრცეები, რომელიც დღეს არცერთ ტერიტორიაზე არ არის, შეიქმნება ახალი სამუშაო ადგილები“.
07 მარტი 2026, 22:14
პოლიტიკა
პრემიერი: ჩაითვალა, რომ არ არის მიზანშეწონილი იმ სფეროებში უცხოელების შემოყვანა, სადაც ხელოვნურად ვუმცირებთ ხელფასებს საქართველოს მოქალაქეებს, სწორედ ამის გამო განისაზღვრა შესაბამისი ჩამონათვალი მთავრობის სამართლებრივ აქტში
უცხოელები და უმეტესად, ეს იყვნენ უცხოელები, მუშაობდნენ ე.წ. დამდებებად, ნარკოტიკების რეალიზატორებად და ესეც იყო ერთ-ერთი მიზეზი, რატომაც მათ მოახერხეს ხელოვნურად ფასის დაგდება, - განაცხადა გადაცემაში “ღია ეთერი - დებატები” საქართველოს პრემიერ-მინისტრმა ირაკლი კობახიძემ. მთავრობის მეთაურის თქმით, კომპლექსური პრობლემა იყო და შესაბამისად, ჩაითვალა მიზანშეწონილად, უცხოელებისთვის მუშაობის შეზღუდვა.
07 მარტი 2026, 22:05
პოლიტიკა
ირაკლი კობახიძე: 2018 წლის შემდეგ ვერავითარი მიწა ვერ გაიყიდებოდა უცხოელებზე, რადგან ჩავკეტეთ სასოფლო-სამეურნეო დანიშნულების მიწის გასხვისება უცხოელებზე, რასაც ოპოზიციამ მხარი არ დაუჭირა
როდესაც საუბარია სასოფლო-სამეურნეო დანიშნულების მიწაზე, 2018 წლის შემდეგ ვერავითარი მიწა ვერ გაიყიდებოდა უცხოელებზე, რადგან მთლიანად ჩაკეტილია, - განაცხადა გადაცემაში “ღია ეთერი - დებატები” = საქართველოს პრემიერ-მინისტრმა ირაკლი კობახიძემ. როგორც მთავრობის მეთაურმა აღნიშნა, მიწებზე დანიშნულების შეცვლაც ძალიან მკაცრად კონტროლდება.
07 მარტი 2026, 21:55
ეკონომიკა
ზურაბ მახარაძე: ახლანდელი ჩვენი ბაზარი „იგლ ჰილსის” გარეშეც კი უკვე გაჯერებულია და ამას რომ დაემატება 16 ათასი ბინა, ჩემი მოლოდინი, რომ ეს ძირითადად გარემომხმარებელზეა გათვლილი, მაღალი ალბათობის მატარებელია
„საქართველოში, ახლა, ამ წუთას „იგლ ჰილსის” გარეშე რა ბაზარიც გვაქვს დეველოპერული ასეთი მონაცემებია, რომ წელიწადნახევრის წინ, ქართულმა ბანკებმა, რომ შეხედეს რამდენი შენდება და მოთხოვნა რა არის, მიხვდნენ, რომ უკვე, ახლა მოთხოვნას აჭარბებს მიწოდება ქართულ ბაზარზე, ანუ უფრო მეტი შენდება, ვიდრე მოთხოვნაა და რაღაც პერიოდი „თიბისის“ და საქართველოს ბანკსაც“ საერთოდ გაჩერებული ჰქონდა სესხების გაცემა დეველოპერულ სფეროზე, ახლა გახსნეს, მაგრამ მაინც დაბალზეა“, - აღნიშნა მახარაძემ.
07 მარტი 2026, 21:50
პოლიტიკა
იაგო ხვიჩია „იგლ ჰილსის” პროექტზე: თუ ჯერ ქართველები ყიდულობენ და მერე შენდება, სად არის 6 მლრდ დოლარი?
ვიცით ის, რომ დაიწყო წინასწარი გაყიდვები [„იგლ ჰილსის“ პროექტში] და ქართველებმა იყიდეს 60%-ზე მეტი, რა დასკვნა გამოდის აქედან? ჯერ ფული არ შემოუტანიათ არაბებს, ქართველებმა 60% იყიდეს უკვე, ანუ ქართველების მიერ შეტანილი ფულით შენდება პროექტი, - განაცხადა გადაცემაში „ღია ეთერი - დებატები“ „გირჩის“ ლიდერმა იაგო ხვიჩიამ. „იგლ ჰილსის“ პროექტი დგას ერთ დიდ ტყუილზე, სწორედ ამიტომ იმალება კონტრაქტი, რომ ვერ მიხვდეს ქართველი ხალხი რაში ატყუებენ. საუბარი იყო, რომ 16 000 ერთეული ფართი უნდა აშენებულიყო, როგორც არაბმა დამფუძნებელმა თქვა 60% უნდა გაყიდულიყო უცხოელზე. ჩვენ გვითხრეს, რომ 6 მლრდ-იანი ინვესტიცია შემოვიდოდა. ეს არის რაც ვიცით. ვიცით ის, რომ წინასწარი გაყიდვები დაიწყო და ქართველებმა იყიდეს 60%-ზე მეტი. კონტრაქტი არ მაქვს ნანახი. რა დასკვნა გამოდის აქედან? ჯერ ფული არ შემოუტანიათ არაბებს, ქართველებმა 60% იყიდეს უკვე, ანუ ქართველების მიერ შეტანილი ფულით შენდება პროექტი. ცხადია 16 000 ბინაზე 300 ბინით დასკვნების გაკეთება არ არის სწორი, მაგრამ ასე ხომ დაიწყეს? თუ ჯერ ქართველები ყიდულობენ და მერე შენდება, სად არის 6 მლრდ დოლარი?“, - განაცხადა იაგო ხვიჩიამ.
07 მარტი 2026, 21:49
პოლიტიკა
მარიამ ქვრივიშვილი ლორთქიფანიძეს: როგორ წარმოგიდგენიათ მრეწველობის ინდუსტრიის განვითარება იაფიანი ენერგორესურსების გარეშე? თქვენ ხართ ადამიანი, რომელიც წლების წინ აკრიტიკებდა უმნიშვნელოვანესი ჰესის პროექტის მშენებლობას
„როგორ წარმოგიდგენიათ მრეწველობის ინდუსტრიის განვითარება იაფიანი ენერგორესურსების გარეშე? თქვენ ხართ ადამიანი, რომელიც წლების წინ აკრიტიკებდა უმნიშვნელოვანესი ჰესის პროექტის მშენებლობას“, - მიმართა საქართველოს ეკონომიკის მინისტრმა, მარიამ ქვრივიშვილმა გადაცემაში „ღია ეთერი - დებატები“ მოძრაობა „სოციალური დემოკრატიისთვის“ წევრს ლევან ლორთქიფანიძეს.
07 მარტი 2026, 21:48
პოლიტიკა
ირაკლი კობახიძე: წელს სამიზნე მაჩვენებელი არის 4 000 არალეგალი მიგრანტის გაძევება, ასეთი ტემპით 4 წელიწადშიც შეგვიძლია ქვეყანაში არალეგალური მიგრაციის აღმოფხვრა
ჩვენი მოქალაქეების მფარველობა, ეს არის ჩვენი ვალდებულება, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:42
პოლიტიკა
პრემიერი: თუკი სადმე იყო ზეწოლა, ეს იყო ჰესების მშენებლობაზე, შეგვიძლია დავდოთ პირობა, მომავალში ჰესები აშენდება ისე, როგორც სჭირდება ქვეყანას, თუ ეს არ მოხდა, მრეწველობასაც მეტი პრობლემა შეექმნება და საერთოდ, ეკონომიკა ვერ განვითარდება
თუკი სადმე იყო ძალიან სერიოზული ზეწოლა, ეს იყო სწორედ ჰესების მშენებლობაზე, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:40
პოლიტიკა
თამარ ჩიბურდანიძე: ღრმად ვარ დარწმუნებული, არც ერთ ქართველ ებრაელს, ვისთვისაც საქართველო მეორე სამშობლოა, არ მოეწონებოდა ისრაელის საელჩოს განცხადება. მსგავსი განცხადებებით არ შენარჩუნებულა ჩვენი 26-საუკუნოვანი მეგობრობა
ისრაელის საელჩოს განცხადებას სოციალურ ქსელში გამოეხმაურა პარტია „ხალხის ძალის" წევრი თამარ ჩიბურდანიძე და აღნიშნა, რომ საელჩოს მსგავსი პოზიცია შეიძლება კრიტიკულად შეფასდეს როგორც ქართულ, ისე ებრაულ საზოგადოებაში.
07 მარტი 2026, 21:39
ეკონომიკა
მარიამ ქვრივიშვილი უცხოელ სტუდენტებზე: 37 ათასია ის რაოდენობა, რომელიც დღეს საქართველოში ფიქსირდება, ამ მიმართულებით ჭარბობენ ინდოეთის მოქალაქეები
„მინდა აღვნიშნო, რომ უცხოელი სტუდენტების ეფექტი ჩვენი ქვეყნის ეკონომიკაზე შეადგენს მილიარდ 200 მილიონ ლარს, ბიუჯეტი აღნიშნული მიმართულებიდან ყოველწლიურად 300 მილიონი ლარი შემოსავალს ნახულობს. ერთი უცხოელი სტუდენტი სწავლის გადასახადში დაახლოებით 15 500 ლარს იხდის და ამავდროულად სხვა დამატებით სექტორებში ხარჯავს 16 300 ლარს. არ უნდა დაგვავიწყდეს პირდაპირი შემოსავალი, რომელსაც საგანმანათლებლო დაწესებულებები იღებენ - 576 მილიონი ლარის მოცულობით და სხვა სექტორებში ასევე ეს დადებითი ეფექტი ნაწილდება დაახლოებით 605 მილიონი ლარით“, - აღნიშნა მინისტრმა.
07 მარტი 2026, 21:35
პოლიტიკა
ლევან ლორთქიფანიძე „იგლ ჰილსის” პროექტზე: ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ დარგებში
„იგლ ჰილსის” პროექტს უამრავი პრობლემა აქვს, ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ დარგებში, - განაცხადა გადაცემაში „ღია ეთერი - დებატები“ მოძრაობა „სოციალური დემოკრატიისთვის“ წევრმა ლევან ლორთქიფანიძემ. “იგლ ჰილსის” პროექტს უამრავი პრობლემა აქვს, ეს პროექტი დაასაქმებს ისევ მშენებლობის და მომსახურების სფეროში ადამიანებს და არა რომელიმე ახალ, სერიოზულ, მეცნიერებადტევად და ინდუსტრიულ დარგში, ეს პრობლემაა. არსებობს საფუძვლიანი ეჭვი, იმ ხელშეკრულებით სადაც გასაიდუმლოებული მუხლებია, რომ მთელი მოგება ინვესტორს, მთელი - რისკი სახელმწიფოს. დასცინიან ხოლმე მწვანე საკითხებს, სერიოზული ეკოლოგიური შედეგები ექნება ამ პროექტსაც”, - განაცხადა ლევან ლორთქიფანიძემ.
07 მარტი 2026, 21:34
ეკონომიკა
პრემიერი: 8 მილიარდამდე იყო და 25 მილიარდს გადასცდა მრეწველობის ბრუნვა, 2012 წელს განხორციელდა 646 მილიონი ლარის ინვესტიცია, 2024 წლის მაჩვენებელი იყო 1,9 მილიარდი - ეს ყველაფერი იქნებოდა შეუძლებელი სახელმწიფოს მხარდაჭერის გარეშე
დიდი მხარდაჭერაა მთავრობისგან, იმისათვის, რომ მრეწველობის დონე არ ჩამორჩეს ეკონომიკის განვითარებას, არ არსებობს საწარმო, სადაც სახელმწიფო არ ახდენს სუბსიდირებას, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემაში „ღია ეთერი - დებატები“.
07 მარტი 2026, 21:31
პოლიტიკა
პრემიერი: დღემდე გრძელდება ძალიან სერიოზული ზეწოლა იმ კანონთან დაკავშირებით, რომელიც ეხება არასრულწლოვანთა უფლებებს და ოჯახურ ფასეულობებს - იყო წლები, როდესაც ამას ვერ გარისკავდა ხელისუფლება, შეუძლებელი იყო ზეწოლის გაძლება
დღემდე გრძელდება ძალიან სერიოზული ზეწოლა იმ კანონთან დაკავშირებით, რომელიც ეხება არასრულწლოვანთა უფლებებს და ოჯახურ ფასეულობებს, არის სერიოზული ზეწოლა გენდერული თანასწორობის შესახებ კანონმდებლობის ცვლილებასთან დაკავშირებით, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ გადაცემა „ღია ეთერი - დებატებში“.
07 მარტი 2026, 21:23
პოლიტიკა
იაგო ხვიჩია: პაკისტანელ და ინდოელ კურიერებს რომ ებრძვიან, ეს არის აბსურდის უკიდურესი შემთხვევა, ლეგალურად უნდა შემოვუშვათ, ყველას უნდა მიცეთ მუშაობის უფლება, რომ მოგვემსახუროს
პაკისტანელ და ინდოელ კურიერებს რომ ებრძვიან, ეს არის აბსურდის უკიდურესი შემთხვევა, ლეგალურად უნდა შემოვუშვათ, ყველას უნდა მიცეთ მუშაობის უფლება, რომ მოგვემსახუროს, - განაცხადა გადაცემაში „ღია ეთერი - დებატები“ „გირჩის“ ლიდერმა იაგო ხვიჩიამ. მისი თქმით, მისი სურვილია, რომ საქართველოში ხალხი შემოდიოდეს იაფფასიანი და მძიმე ფიზიკური სამუშაოსთვის.