მარკ რუტე: გვჯერა, რომ საქართველოსა და ნატოს ურთიერთობის შენარჩუნება ღირებულია

საქართველოსა და ნატოს ურთიერთობაზე როცა ვსაუბრობთ, ჩვენ გვჯერა, რომ ამ ურთიერთობის შენარჩუნება ღირებულია, - განაცხადა ნატოს გენერალურმა მდივანმა, მარკ რუტემ პრესკონფერენციაზე.

მისივე თქმით, დღეს საქართველოში დემოკრატიისა და კანონის უზენაესობის მხრივ გარკვეული შეშფოთება არსებობს და დიალოგი და დისკუსია მნიშვნელოვანია.

„საჭიროა იმის უზრუნველყოფა, რომ საქართველო დარჩეს დემოკრატიის, კანონის უზენაესობის ტრაექტორიაზე. ცხადია ამ მხრივ ამ წუთას არსებობს შეშფოთების საფუძველი, თუმცა საჭიროა დიალოგი და დისკუსია. ჩვენი პოზიციაა, რომ უმჯობესია შევინარჩუნოთ ურთიერთობა და გვქონდეს ამ საკითხებზე დისკუსიების შესაძლებლობა, ვიდრე ვთქვათ, რომ რაღაც არ მოგვწონს და ამის გამო ურთიერთობა სრულად გავწყვიტოთ“, - აღნიშნა რუტემ.