ლევან ნიკოლეიშვილი: შემიძლია დარწმუნებით გითხრათ, ძალიან მალე გამოჩნდება, რომ უნგრეთი არ შეიცვლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია

შემიძლია დარწმუნებით გითხრათ, ძალიან მალე გამოჩნდება, რომ უნგრეთი არ შეიცვლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ რეგიონულმა მდივანმა ლევან ნიკოლეიშვილმა.

მისი თქმით, ევროკავშირს თავისი გაჭირვება ჰყოფნის და ტაშისკვრა იმის გამო, რომ ერთი ლიდერი მეორით შეიცვალა, არაფერს ნიშნავს.

„დიდი ხანია უნგრეთს ევროპა აქვს არჩეული. ევროკავშირის და ნატო-ს წევრი ქვეყანაა, საკმაოდ გავლენიანი ქვეყანაა, მათ შორის ევროკავშირში. ვიღაცას თუ ჰგონია ამ ხელისუფლების ცვლილებით მოხდება ისე, რომ ახალი ხელისუფალი ფეხქვეშ გაეგება ან ფონ დერ ლაიენს, ან კალასის ამბიციურ და სრულიად უსუსურ, გაუაზრებელ გეგმებს, ძალიან ცდებიან ამასთან დაკავშირებით.

კიდევ ერთხელ, შემიძლია დარწმუნებით გითხრათ, რომ ძალიან მალე გამოჩნდება, უნგრეთი არ შეიცვლის თავის ეროვნულ ინტერესებს, იმ კურსს, რაც მისთვის სასიცოცხლოდ მნიშვნელოვანია. შესაძლოა ტაქტიკურად ცოტა სხვანაირად წარმოაჩინონ ეს ყველაფერი, განსხვავებით ორბანისგან, მაგრამ რეალობაში მე ასეთ ცვლილებებს არ ველოდები.

ევროკავშირს თავისი გაჭირვება ჰყოფნის და ტაშისკვრა იმის გამო, რომ ერთი ლიდერი მეორით შეიცვალა, არაფერს ნიშნავს. გაცილებით უკეთესი იქნება ევროკავშირის ხელმძღვანელობა თუ მიხედავს საკუთარ თავს“, - აღნიშნა მან.