ანდრეი სიბიგა: მქონდა კარგი შესაძლებლობა შევხვედროდი ჩემს ქართველ კოლეგას მაკა ბოჭორიშვილს. ვაგრძელებთ ქართულ-უკრაინული დიალოგის გამჭვირვალე, პრაგმატულ და კონსტრუქციულ განვითარებას

უკრაინის საგარეო საქმეთა მინისტრი, ანდრეი სიბიგა საქართველოს ვიცე-პრემიერს, საგარეო საქმეთა მინისტრ მაკა ბოჭორიშვილს შეხვდა.

როგორც უკრაინის პირველმა დიპლომატმა სოციალურ ქსელ X-ში აღნიშნა, შეხვედრა მოლდოვაში ევროპის საბჭოს მინისტრთა კომიტეტის სესიის ფარგლებში გაიმართა.

„მქონდა კარგი შესაძლებლობა შევხვედროდი ჩემს ქართველ კოლეგას მაკა ბოჭორიშვილს ევროპის საბჭოს მინისტრთა კომიტეტის სესიაზე. ჩვენი მოლაპარაკებები ევროპის პოლიტიკური საზოგადოების სამიტის ფარგლებში უკრაინის პრეზიდენტის ვოლოდიმირ ზელენსკისა და საქართველოს პრემიერ-მინისტრის ირაკლი კობახიძეს შორის გამართული შეხვედრის პირდაპირი გაგრძელებაა.

განვიხილეთ ორმხრივი თანამშრომლობის საკითხების ფართო წრე, ჩვენი ურთიერთობები საერთაშორისო ორგანიზაციების ფარგლებში, კერძოდ, სუამში და პოლიტიკური ტენდენციები საერთო ღირებულებების სივრცეში, ევროპიდან სამხრეთ კავკასიამდე.

ვაგრძელებთ ქართულ-უკრაინული დიალოგის გამჭვირვალე, პრაგმატულ და კონსტრუქციულ განვითარებას“, - დაწერა სიბიგამ.

I had a great opportunity to meet with my Georgian colleague @MakaB__ at the Ministerial Session of the Committee of Ministers of the Council of Europe.

Our conversation served as a direct follow-up to the recent dialogue between President of Ukraine Volodymyr Zelenskyy and the… pic.twitter.com/MZBPZKUa7g

— Andrii Sybiha 🇺🇦 (@andrii_sybiha) May 15, 2026