რატი იონათამიშვილი: გახარიას პარტია და სხვა პარტიები სინამდვილეში პოლიტიკური პროექტები რომ არიან, ეს ჩვენ ძალიან კარგად ვიცით. ამიტომ, მათი პატრონი რასაც უბრძანებს, ისე გააკეთებენ და პრაქტიკაში ამის არაერთი მაგალითი გვაქვს ნანახი

გახარიას პარტია და სხვა პარტიები სინამდვილეში პოლიტიკური პროექტები რომ არიან, ეს ჩვენ ძალიან კარგად ვიცით. ამიტომ, მათი პატრონი რასაც უბრძანებს, ისე გააკეთებენ და პრაქტიკაში ამის არაერთი მაგალითი გვაქვს ნანახი, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა „დღის ქრონიკაში“ რადიკალურ ოპოზიციაზე საუბრისას.

მისივე თქმით, როდესაც რადიკალებს უთხრეს ერთად ალიანსი შეექმნათ, შექმნეს; როდესაც უთხრეს, რომ სხვადასხვა მიმართულებით უნდა ემუშავათ, ისინი ასეც მოიქცნენ.

„რასაც უბრძანებენ, იმას უსიტყვოდ ასრულებენ. სხვა საკითხია, რომ შესრულებაშიც ოროსნები არიან, მაგრამ ყველაფერს რომ იკადრებენ საკუთარი პატრონების დავალებების შესასრულებლად, ეს ჩვენ კარგად ვიცით“, - აღნიშნა იონათამიშვილმა.

მისივე თქმით, საზოგადოებამაც იცის, რომ რადიკალების მოთხოვნებს ფასი არ აქვს - ფანტასმაგორიებით საზრდოობენ.

„არასდროს ითვალისწინებენ საკუთარი, თუნდაც მცირერიცხოვანი მხარდამჭერების ინტერესებს და მათ საწინააღმდეგოდაც მიდიან. რა თქმა უნდა, მათ არანაირი პოლიტიკური კაპიტალი საქართველოში არ გააჩნიათ. არც არჩევნებში აქვთ იმის შესაძლებლობა, რომ რაიმე წარმატება მოიპოვონ და არც სხვაგან. ყველა მიმართულებით მათ საკუთარი თავი გაინადგურეს. აქედან გამომდინარე, მათ პერსპექტივა არ გააჩნიათ. საქართველოს სტაბილურობას ისინი ხელს ვერ შეუშლიან“, - განაცხადა იონათამიშვილმა.