საგარეო ურთიერთობათა კომიტეტმა საქართველოში ადამიანის უფლებების დაცვის მდგომარეობის შესახებ საქართველოს 2025 წლის ეროვნული ანგარიშის განხილვის შედეგად საქართველოსთვის წარდგენილი რეკომენდაციები განიხილა
ფოტო: საქართველოს პარლამენტი
პარლამენტის საგარეო ურთიერთობათა კომიტეტის წევრებს საგარეო საქმეთა მინისტრის მოადგილემ, ხათუნა თოთლაძემ „გაერთიანებული ერების ორგანიზაციის ადამიანის უფლებათა საბჭოს უნივერსალური პერიოდული მიმოხილვის (UPR) მე-4 ციკლის ფარგლებში საქართველოში ადამიანის უფლებების დაცვის მდგომარეობის შესახებ საქართველოს 2025 წლის ეროვნული ანგარიშის განხილვის შედეგად საქართველოსთვის წარდგენილი რეკომენდაციები“ გააცნო.
მისი ინფორმაციით, ჟენევაში საქართველოს ეროვნული ანგარიშის განხილვისას, (რომელიც 2021-2025 წლებს მოიცავდა) საქართველოს დელეგაციამ ხელისუფლების მიერ ადამიანის უფლებათა დაცვის მდგომარეობის გაუმჯობესების მიზნით, ქვეყანაში განხორციელებული რეფორმების შესახებ ინფორმაცია წარადგინა.
ეროვნული ანგარიში საქართველოს საგარეო საქმეთა სამინისტროს კოორდინაციით, ყველა შესაბამისი სახელმწიფო უწყების მონაწილეობით მომზადდა.
საქართველოს შესახებ ანგარიშის განხილვაში, სადაც გაერო-ს 106-მა წევრმა სახელმწიფომ მიიღო მონაწილეობა, სესიის ფარგლებში, ქვეყნის მიმართ 307 რეკომენდაცია გაიცა.
როგორც მომხსენებელმა აღნიშნა, საქართველომ მხარი დაუჭირა 160-მდე რეკომენდაციას.
მათ შორის არის რეკომენდაციები: ადამიანის უფლებათა ჩარჩოს გაძლიერების შესახებ; ოკუპირებულ ტერიტორიებზე საერთაშორისო მექანიზმების წვდომის მიზნით საერთაშორისო ძალისხმევის მობილიზებისა და აღნიშნული ტერიტორიებიდან იძულებით გადაადგილებულ პირთა და ლტოლვილთა უსაფრთხო დაბრუნების მიზნით საერთაშორისო საზოგადოებასთან მჭიდრო თანამშრომლობის გაძლიერების თაობაზე; ადამიანის უფლებათა დაცვის ეროვნული სტრატეგიის ეფექტიანი და კოორდინირებული შესრულების შესახებ; რასიზმის, ქსენოფობიისა და სიძულვილის ენის პრევენციისა და მათ წინააღმდეგ ბრძოლის მიზნით ძალისხმევის თაობაზე; სამართალდამცავი ორგანოების თანამშრომლების განათლებისა და მომზადების გაძლიერების შესახებ; ჯანდაცვის სერვისებზე ხელმისაწვდომობის თაობაზე და ა.შ.
ხათუნა თოთლაძის ინფორმაციით, საქართველო მხარს არ უჭერს მთელ რიგ რეკომენდაციებს, რაც ცხრილში დასაბუთებით არის ასახული.
მისივე თქმით, ხშირ შემთხვევაში, ანგარიშში წარმოდგენილი არის ისეთი რეკომენდაციები, რომელიც საქართველოს უკვე შესრულებული აქვს, შესაბამისად, აღნიშნულ რეკომენდაციებსაც საქართველო მხარს არ უჭერს.
როგორც მინისტრის მოადგილემ აღნიშნა, რეკომენდაციების ცხრილი შესაბამისი პოზიციებითა და დასაბუთებით საგარეო საქმეთა სამინისტროს მიერ ინგლისურ ენაზე ითარგმნება და გაერო-ს ადამიანის უფლებათა საბჭოს ოფიციალურად წარედგინება.
საქართველოს ეროვნული ანგარიშის განხილვასთან დაკავშირებით საბოლოო ანგარიშის მიღება გაერო-ს ადამიანის უფლებათა საბჭოს 62-ე სესიის ფარგლებში, 2026 წლის ივნის-ივლისში მოხდება.
საგარეო ურთიერთობათა კომიტეტის სხდომაზე სარატიფიკაციოდ წარმოდგენილი დოკუმენტებიც განიხილეს.
ფინანსთა მინისტრის პირველმა მოადგილემ, გიორგი კაკაურიძემ კომიტეტის წევრებს „2022 წლის 15 ნოემბრის „საფრანგეთის განვითარების სააგენტოსა (გამსესხებელი) და საქართველოს (მსესხებელი) შორის საკრედიტო რესურსის ჩარჩო შეთანხმების“ N1 ცვლილება“ გააცნო, რომელიც ითვალისწინებს ჩარჩო შეთანხმების ვადის გახანგრძლივებას 9 თვით.
ადამიანური კაპიტალის განვითარების პროგრამის დასაფინანსებლად, საფრანგეთის განვითარების სააგენტომ საქართველოსთვის 100 მლნ. ევროს ოდენობის ფინანსური რესურსი გამოყო.
პირველი ტრანშის ფარგლებში საქართველოსთვის ხელმისაწვდომი იყო 50 მლნ. ევროს ოდენობის ფინანსური რესურსი. ამ ეტაპისთვის საფრანგეთის განვითარების სააგენტო მზადაა გაააქტიუროს მეორე ტრანში კიდევ 50 მლნ. ევროს ოდენობით.
კომიტეტის სხდომაზე „საქართველოს მთავრობასა და ჩინეთის სახალხო რესპუბლიკის მთავრობას შორის თავისუფალი ვაჭრობის შესახებ“ შეთანხმებაში ცვლილების შეტანის თაობაზე ოქმი განიხილეს, რომელიც საქართველოს ეკონომიკისა და მდგრადი განვითარების მინისტრის მოადგილემ, გენადი არველაძემ წარადგინა.
ოქმს ხელი მოეწერა 2026 წლის 22 აპრილს. იგი წარმოადგენს 2017 წლის 13 მაისის შეთანხმების განახლებას.
მისი მიზანია შეთანხმებაში არსებული გარკვეული ზოგადი დებულებების კონკრეტიზაცია და ახალი მიმართულებების დამატება.
შეთანხმების განახლება ხელს შეუწყობს ორმხრივი ინვესტიციების მოზიდვას, საგარეო ვაჭრობის პროცედურების გამარტივებას, სანიტარიული და ფიტოსანიტარიული ზომების ჩამოყალიბებას, ელექტრონული კომერციით გზით ეკონომიკური შესაძლებლობების გაძლიერებას და ა.შ.
ყველა სიახლე
15 ივნისი 2026, 18:49
პოლიტიკა
გიორგი ვოლსკი წითელი ჯვრის საერთაშორისო კომიტეტის წარმომადგენლებს შეხვდა
საქართველოს პარლამენტის თავმჯდომარის პირველი მოადგილე, პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი წითელი ჯვრის საერთაშორისო კომიტეტის დელეგაციის ხელმძღვანელს, ჯოანა ბარტონს და უგზო-უკვლოდ დაკარგულ პირთა საკითხებში წითელი ჯვრის საერთაშორისო კომიტეტის დესპანს კავკასიაში, ანიეს ქოთუს შეხვდა.
15 ივნისი 2026, 18:42
პოლიტიკა
გივი მიქანაძე: თბილისის სახელმწიფო უნივერსიტეტი აპირებს რამდენიმე ფაკულტეტზე გამოაცხადოს წამყვანი პროფესორების პოზიცია. ეს არ ანაცვლებს არცერთ მოქმედ აკადემიურ თანამდებობას, ეს არის დამატებითი პოზიციები
„თბილისის სახელმწიფო უნივერსიტეტი აპირებს რამდენიმე ფაკულტეტზე გამოაცხადოს წამყვანი პროფესორების პოზიცია. ეს არ ანაცვლებს არცერთ მოქმედ აკადემიურ თანამდებობას, ეს არის დამატებითი პოზიციები“, - განაცხადა გადაცემაში „დღის ქრონიკა“ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ.
15 ივნისი 2026, 18:40
მსოფლიო
ჯეი დი ვენსი: ჩვენი მოლოდინია, რომ გრძელვადიან პერსპექტივაში სრუტე უფასო ტრანზიტისთვის გაიხსნება და სწორედ ამ ტიპის საკითხებს გადავწყვეტთ ტექნიკურ მოლაპარაკებებზე
აშშ-ის ვიცე-პრეზიდენტმა, ჯეი დი ვენსმა განაცხადა, რომ ჰორმუზის სრუტის მუდმივად, ყოველგვარი გადასახადის გარეშე ხელახალი გახსნის საკითხი შემდგომ „ტექნიკურ მოლაპარაკებებზე“ განიხილება, რაც იმაზე მიანიშნებს, რომ ეს თემა ჯერ კიდევ ბოლომდე მოგვარებული არ არის.
15 ივნისი 2026, 18:33
საზოგადოება
ქუთაისის საერთაშორისო უნივერსიტეტში ახალგაზრდული პროექტი „გაეროს მოდელირება“ გაიმართა
ქუთაისის საერთაშორისო უნივერსიტეტმა (KIU) ახალგაზრდულ პროექტს - „გაეროს მოდელირებას“ უმასპინძლა. მასში იმერეთის რეგიონიდან 14-18 წლის მოსწავლეები მონაწილეობდნენ. პროექტი მიზნად ისახავდა ახალგაზრდებში გაერთიანებული ერების ორგანიზაციის საქმიანობის, საერთაშორისო ურთიერთობებისა და გლობალური გამოწვევების შესახებ ცნობიერების ამაღლებას.
15 ივნისი 2026, 18:32
ეკონომიკა
თამარ იოსელიანი: საქართველოს რკინიგზაში მიმდინარე რეფორმებისა და განახლების პირველადი შედეგები უკვე თვალსაჩინოა, 2025 წელს კომპანიის წმინდა მოგება დაახლოებით 2-ჯერ გაიზარდა
„ეს პოზიტიური ტენდენცია 2026 წელსაც გაგრძელდა. წლის პირველი ხუთი თვის განმავლობაში ტვირთბრუნვა 8%-ით გაიზარდა, ხოლო მარტი-მაისის პერიოდში ზრდამ უკვე 20%-ს მიაღწია. რაც აჩვენებს, რომ საქართველოს რკინიგზის სერვისებზე და ჩვენს სატრანზიტო მარშრუტზე მოთხოვნა იზრდება“, - აღნიშნა მინისტრის მოადგილემ.
15 ივნისი 2026, 18:22
პოლიტიკა
გურამ მაჭარაშვილი: ძალადობრივი აქციის წინააღმდეგ პოლიციელი იძულებულია, პროპორციული ძალა გამოიყენოს. უფრო მეტიც, ეს მისი ვალდებულებაა, სხვა მოქალაქეების უფლებების დაცვა რომ შეძლოს. ამის გამო კი რადიკალები მთელ სისტემას ჩირქს სცხებენ
პარტია „ხალხის ძალის“ აღმასრულებელმა მდივანმა, გურამ მაჭარაშვილმა, პოლიციელების მიერ მოქალაქის ცემის ფაქტზე მედიაში გავრცელებულ მასალაზე საუბრისას ხაზი გაუსვა რადიკალური ოპოზიციის მცდელობას, ჩირქი მოსცხოს მთელ სამართალდამცავ სისტემას.
15 ივნისი 2026, 18:21
მსოფლიო
ჯეი დი ვენსი: ირანთან შეთანხმებას ხელი ციფრულად კვირას მოეწერა
აშშ-ის ვიცე-პრეზიდენტმა, ჯეი დი ვენსმა განაცხადა, რომ ირანთან შეთანხმებას ხელი ელექტრონულად, უქმეებზე მოეწერა. მან მიანიშნა, რომ პირობები უკვე ძალაშია და ირანი არანაირ ახალ ფინანსურ შეღავათებს არ იღებს.
15 ივნისი 2026, 18:19
სამართალი
სიძულვილის ენის წინააღმდეგ ბრძოლის სამმართველოს შექმნიდან დღემდე, საერთო სასამართლოებს 60-მდე საქმე წარედგინა, 7 საქმე კი შემაჯამებელი გადაწყვეტილებით დასრულდა
2026 წლის პირველი ივნისიდან დღემდე, შინაგან საქმეთა სამინისტროს სიძულვილის ენის წინააღმდეგ ბრძოლის სამმართველოს მიერ საერთო სასამართლოებს 60-მდე საქმე წარედგინა. აქედან 30 საქმეზე ჩაინიშნა სასამართლოს მოსამზადებელი სხდომა. შემაჯამებელი გადაწყვეტილებით კი 7 საქმე დასრულდა.
15 ივნისი 2026, 18:17
მსოფლიო
ტრამპი აცხადებს, რომ გემები ჰორმუზის სრუტიდან თავისუფლად გადაადგილებას იწყებენ
აშშ-ის პრეზიდენტმა, დონალდ ტრამპმა განაცხადა, რომ გემები ჰორმუზის სრუტიდან თავისუფლად გადაადგილებას იწყებენ. მანამდე ვიცე-პრეზიდენტმა, ჯეი დი ვენსმა აღნიშნა, რომ ირანთან ციფრულ შეთანხმებას ხელი უკვე მოეწერა.
15 ივნისი 2026, 18:14
საზოგადოება
გივი მიქანაძე: მასწავლებლების გამოცდებზე რეკორდული რაოდენობის, თითქმის 30 ათასი მსურველი დარეგისტრირდა, ესენი არიან როგორც მოქმედი პედაგოგები, ასევე პედაგოგობის მსურველი პირები
რა უნდა იცოდნენ მასწავლებლებმა პედაგოგების გამოცდებზე და რა მოლოდინი აქვს განათლების სამინისტრო, ამ საკითხებზე „დღის ქრონიკაში“ განათლების მინისტრმა, გივი მიქანაძემ ისაუბრა. როგორც მინისტრმა აღნიშნა, სამინისტრო პედაგოგების გამოცდებს დიდ მნიშვნელობას ანიჭებს.
15 ივნისი 2026, 18:14
პოლიტიკა
გივი მიქანაძე: ჩვენი მიზანია რეგიონული უნივერსიტეტების გაძლიერება იმიტომ, რომ მათ აქვთ განსაკუთრებული და გამორჩეული როლი. ორ დღეში ზუგდიდის სახელმწიფო უნივერსიტეტში გვექნება რექტორთა საბჭოს გასვლითი სხდომა, სადაც ერთ-ერთ კომპონენტად სახელმწიფო უნივერსიტეტებისთვის დაფინანსების ახალ მოდელს განვიხილავთ
ჩვენი მიზანია რეგიონული უნივერსიტეტების გაძლიერება იმიტომ, რომ მათ აქვთ განსაკუთრებული და გამორჩეული როლი, - განაცხადა გადაცემაში „დღის ქრონიკა“ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ.
15 ივნისი 2026, 18:13
პოლიტიკა
ნინო წილოსანი: წარმოუდგენელია, ქართველ ხალხს დამსახურებული თავისუფალი მიმოსვლა შეუზღუდო და აუკრძალო მხოლოდ იმიტომ, რომ შენი ბრმა იარაღი არ გახდა ეს ქვეყანა. ალბათ ამას თავადაც აცნობიერებენ, ამიტომაც არის, რომ ამ მექანიზმს, ვიზალიბერალიზაციას ვგულისხმობ, აგრესიულად არ იყენებენ
წარმოუდგენელია, რომ ქართველ ხალხს თავის დამსახურებული, მათ შორის მათივე წესებით დაწესებული თავისუფალი მიმოსვლა შეუზღუდო და აუკრძალო მხოლოდ და მხოლოდ იმიტომ, რომ შენი ბრმა იარაღი არ გახდა ეს ქვეყანა და მისი მცხოვრებლები. ალბათ ამას თავადაც აცნობიერებენ. ამიტომაც არის, რომ ამ მექანიზმს, კონკრეტულად ვიზალიბერალიზაციას ვგულისხმობ, აგრესიულად არ იყენებენ, - განაცხადა „დღის ქრონიკასთან“ პარლამენტის თავმჯდომარის მოადგილემ, ნინო წილოსანმა ევროკავშირთან ურთიერთობაზე საუბრისას.
15 ივნისი 2026, 18:13
საზოგადოება
ღირებულებითი განათლების პროგრამაში ჩართული სასულიერო პირები და მოსწავლეები დაჯილდოვდნენ
სამინისტროს ინფორმაციით, გივი მიქანაძემ სასულიერო პირებს ახალგაზრდების აღზრდასა და ღირებულებითი განათლების გაძლიერებაში შეტანილი წვლილისთვის მადლობა გადაუხადა.
15 ივნისი 2026, 18:11
პოლიტიკა
ნინო წილოსანი: ყველა ანგარიშში, რომელსაც მათ შორის ევროკომისიის დაკვეთით ასრულებენ სხვადასხვა კვლევითი ორგანიზაციები, საქართველოს აქვს უმაღლესი შეფასება. ყველა კრიტერიუმის მიხედვით საქართველო იმსახურებს, როგორც მოლაპარაკებების გახსნას, ასევე შემდგომში ევროკავშირის წევრად გახდომას
ჩვენ კიდევ ერთხელ ვიხილეთ როგორ მიმზიდველად გამოაცხადებენ უკრაინისთვის და მოლდოვისთვის მოლაპარაკებების იმ კლასტერის გახნას, რომელსაც უკრაინა და მოლდოვა დაახლოებით ორი წელი ელოდა, რადგან 2024 წელს დააანონსეს, რომ მოლაპარაკებებს უხსნიან ამ ორ ქვეყანას, განსხვავებით საქართველოსგან, - განუცხადა „დღის ქრონიკას“ საქართველოს პარლამენტის თავმჯდომარის მოადგილე ნინო წილოსანმა საქართველოს მიმართ ევროკავშირის დამოკიდებულებაზე საუბრისას.
15 ივნისი 2026, 18:09
პოლიტიკა
ნინო წილოსანი შოთა თუთბერიძის დაჯარიმებაზე: ეს კონკრეტული პიროვნება არის „ნაციონალების“ ადვოკატი, მისთვის ეს შეურაცხყოფები ალბათ ჩვეულებრივია, თუმცა მიხარია, რომ მასაც ასწავლეს ჭკუა და არა მხოლოდ მას
„შინაგან საქმეთა სამინისტროს დეპარტამენტი შეისწავლის სიძულვილის ენას და შეურაცხმყოფელ განცხადებებს, რომელიც სოციალურ ქსელებში ტრიალებს. აღმოჩნდა, რომ ჩემს პოსტზე გაკეთებული კომენტარი იყო პირველი პრეცედენტი და მიხარია, რომ დამკვიდრდა ძალიან კარგი პრაქტიკა და კონკრეტული რეაგირება მოჰყვა იმ შეურაცხყოფებს, რომელსაც ასე უხვად აფრქვევენ განსაკუთრებით „ნაციონალური მოძრაობის“ წარმომადგენლები და მათი მხარდამჭერები. ეს კონკრეტული [შოთა თუთბერიძე] პიროვნება არის „ნაციონალების“ ადვოკატი, ამიტომ ზედმეტია იმაზე საუბარი, რომ რაიმე სტანდარტი, მორალი, ნორმა ამოძრავებდეს, ამიტომ მისთვის ეს შეურაცხყოფები ალბათ ჩვეულებრივია, თუმცა მიხარია, რომ მასაც ასწავლეს ჭკუა და არა მხოლოდ მას.
15 ივნისი 2026, 18:06
სამართალი
პაატა სალია: მნიშვნელოვანია მინისტერიალში მონაწილეობა, რადგან მართლმსაჯულების სისტემის განვითარება, სამართლის უზენაესობა, საერთაშორისო კავშირების გაღრმავება არის ერთ-ერთი უმნიშვნელოვანესი პრიორიტეტი
იუსტიციის სამინსიტროს ინფორმაციით, მინისტრი საუბრობს მაღალი დონის ღონისძიებისა და იმ პლატფორმის შესახებ, სადაც ადამიანის უფლებათა ევროპული სასამართლოს წარმომადგენლები და ექსპერტები მონაწილეობენ.
15 ივნისი 2026, 18:00
პოლიტიკა
საქართველოსა და სერბეთის პრეზიდენტების მეუღლეებმა საქართველოს ეროვნული მუზეუმის ოქროს ფონდი დაათვალიერეს
სერბეთის რესპუბლიკის პრეზიდენტის, ალექსანდარ ვუჩიჩის საქართველოში ოფიციალური ვიზიტის ფარგლებში, სერბეთის პირველ ლედის საქართველოს ეროვნულ მუზეუმში საქართველოს პრეზიდენტის მეუღლემ, თამარ ბაგრატიონმა უმასპინძლა.
15 ივნისი 2026, 17:55
ეკონომიკა
საქართველოს ინოვაციების და ტექნოლოგიების სააგენტო (GITA) Microsoft-ის ინვესტორთა ქსელის წევრი გახდა
საქართველოს ინოვაციების და ტექნოლოგიების სააგენტო (GITA) ოფიციალურად გახდა Microsoft-ის ინვესტორთა ქსელის წევრი, რაც ქართული ტექნოლოგიური ეკოსისტემისთვის სრულიად ახალ გლობალურ შესაძლებლობებს ქმნის.
15 ივნისი 2026, 17:54
პოლიტიკა
დავით სონღულაშვილი საქართველოში ინდოეთის რესპუბლიკის ელჩს ამიტ კუმარ მიშრას შეხვდა
შეხვედრაზე სოფლის მეურნეობის სფეროში გამოცდილების გაზიარების მნიშვნელობაზე ისაუბრეს. ყურადღება გამახვილდა ორმხრივად საინტერესო სექტორული პროგრამების განხორციელების და იმპორტ-ექსპორტის მიმართულებით თანამშრომლობის გაფართოების შესაძლებლობებზე.
15 ივნისი 2026, 17:42
ეკონომიკა
ეროვნული ბანკი: მაისში შემოსული ფულადი გზავნილების ნაკადების მოცულობა წლიურად 7.1%-ით გაიზარდა და 339.9 მლნ აშშ დოლარი შეადგინა
სებ-ის მიერ დღეს გამოქვეყნებული სტატისტიკით ირკვევა, რომ მაისში გზავნილების მაქსიმალური წილი ევროკავშირის ქვეყნებზე მოდის და 43.7%-ს შეადგენს, შესაბამისი 148.4 მლნ აშშ დოლარით, წლიური ზრდის ტემპი კი 6.0%-ს უტოლდება. ევროკავშირის ქვეყნებიდან აღსანიშნავია იტალიის, გერმანიისა და საბერძნეთის მაღალი წილი მთლიან ფულად გზავნილებში.