ლევან მაჭავარიანი: ზოგადად ევროკომისია არ ითვალისწინებს ხოლმე რეზოლუციებს, თუმცა იმდენად ირაციონალურია ის გადაწყვეტილებები, რასაც დღევანდელი ბრიუსელის მმართველი კლასი დგამს, რომ ფიზიკურად ვერაფერს გამორიცხავ

ზოგადად ევროკომისია არ ითვალისწინებს ხოლმე რეზოლუციებს, თუმცა იმდენად ირაციონალურია ის გადაწყვეტილებები, რასაც დღევანდელი ბრიუსელის მმართველი კლასი დგამს, რომ ფიზიკურად ვერაფერს გამორიცხავ, - განაცხადა ფრაქცია „ქართული ოცნების” თავმჯდომარის პირველმა მოადგილემ ლევან მაჭავარიანმა გადაცემაში „დღის ქრონიკა".

მისი თქმით, ბრიუსელი დღეს არათანმიმდევრული და ირაციონალურია არა მხოლოდ საქართველოსთან მიმართებით, არამედ ზოგადად, თავისი გეოპოლიტიკური პოზიციების ჭრილში.

„ევროკომისია არ ითვალისწინებს ხოლმე რეზოლუციებს. ამას რაიმე იურიდიული ძალა არ გააჩნია. ეს არის ხოლმე ძირითადად გამოყენებული, როგორც საინფორმაციო ხმაურის მექანიზმი და რადიკალური პარტიების მფლობელობაში არსებული მედიასაშუალებებისთვის მიწოდება ერთგვარი მასალის, რაზეც შემდეგ უკვე 2-3 დღე საინფორმაციო გამოშვებების აწყობა შეუძლიათ. გამორიცხული არაფერია იქიდან გამომდინარე, რომ იმდენად ირაციონალურია ის გადაწყვეტილებები, რასაც დღევანდელი ბრიუსელის მმართველი კლასი დგამს, რომ ფიზიკურად ვერაფერს გამორიცხავ და ძალიან რთულია მათი ნაბიჯებისა და გადაწყვეტილებების პროგნოზირება. ამ შემთხვევაში ეს ასეა არა მხოლოდ საქართველოსთან მიმართებით, არამედ ზოგადად. ძალიან არათანმიმდევრულები არიან და გლობალურ ჭრილშიც და თავისი გეოპოლიტიკური პოზიციების ჭრილშიც, იგივე თუნდაც ჩინეთთან მიმართებაში როგორ გვაკრიტიკებდნენ ჩვენ. გავაღრმავეთ ურთიერთობა და რეებს ლაპარაკობდნენ საერთოდ ჩინეთზე, მაგრამ ბოლო თვეების განმავლობაში ფაქტობრივად რიგში იდგენენ ბატონ სი ძინპინთან შესახვედრად. აქედან გამომდინარე, ირაციონალურები არიან ისინი და ძალიან რთულია პროგნოზის გაკეთება“,- განაცხადა მაჭავარიანმა.