ირაკლი ქადაგიშვილი: ის აღრეულობა, რაც „ნაციონალურ მოძრაობაში“ ხდება კიდევ ერთხელ მკაფიოდ აჩვენებს საზოგადოებას, რომ პარტიის პოლიტიკამ საქართველოში სრული კრახი განიცადა

ირაკლი ქადაგიშვილმა „ნაციონალურ მოძრაობაში“ მიმდინარე მოვლენები შეაფასა. რეგიონული პოლიტიკისა და თვითმმართველობის საპარლამენტო კომიტეტის თავმჯდომარე მიიჩნევს, რომ პარტიაში არსებული კრიზისი საქართველოში მისი პოლიტიკის კრახის ნიშანია.

„ის აღრეულობა, რაც „ნაციონალურ მოძრაობაში“ ხდება კიდევ ერთხელ მკაფიოდ აჩვენებს საზოგადოებას, რომ „ნაციონალური მოძრაობის“, როგორც პარტიის პოლიტიკამ საქართველოში სრული კრახი განიცადა. აქედან გამომდინარე, ვხედავთ, რომ გადაწყვეტილებებსაც ვერ იღებენ. პარტია კანონმდებლობითა გათვალისწინებული წესით ვეღარ მუშაობს“, - მიიჩნევს ქადაგიშვილი.

მიხეილ სააკაშვილმა „ნაციონალურ მოძრაობაში“ დამოუკიდებელ რეფორმატორთა საბჭოს შექმნა დააანონსა, რომლის თავმჯდომარეც თვითონ იქნება, აღმასრულებელი მდივანი კი ნანუკა ჟორჟოლიანი. პარალელურად თავმჯდომარის გარეშეა დარჩენილი ნაციონალური მოძრაობა. მოქმედ ხელმძღვანელობას ვადა უკვე ამოეწურა. გარდამავალი პერიოდი ექვს თვეს გაგრძელდება, თვის ბოლოს კი ახალ თავმჯდომარეს აირჩევენ