ირაკლი ქადაგიშვილი: არსებობს სტრასბურგის სასამართლოს გადაწყვეტილება ამასთან დაკავშირებით, სადაც ცალსახად არის განმარტებული, რომ გინება და უწმაწური სიტყვების ძახილი არც გამოხატვის თავისუფლებაა და არც ცივილიზაციის კონტექსტში ჯდება

ირაკლი ქადაგიშვილი კითხვით მიმართავს ევროპარლამენტარებს, რომლებიც ვახო სანაიას პატიმრობას აპროტესტებენ. რეგიონული პოლიტიკისა და თვითმმართველობის კომიტეტის თავმჯდომარეს აინტერესებს რა მოხდებოდა, ჟურნალისტს ანალოგიური ქმედება მათ სახელმწიფოში რომ ჩაედინა. დეპუტატმა ამ თემაზე „დღის ქრონიკაში“ ისაუბრა და აღნიშნა, რომ ამ ტიპის ჟურნალისტიკას მათ ქვეყნებში ეკრანებზე არავინ გამოაჩენდა.

„არსებობს სტრასბურგის სასამართლოს გადაწყვეტილება ამასთან დაკავშირებით, სადაც ცალსახად არის განმარტებული - სამწუხაროა, რომ დღევანდელ კაცობრიობას ამის განმარტება უწევს, რომ გინება და უწმაწური სიტყვების ძახილი, ადამიანების წყევლა, კრულვა და ათასი უბედურება არც გამოხატვის თავისუფლებაა და არც ცივილიზაციის კონტექსტში ჯდება. ეს არის მხოლოდ და მხოლოდ ბოროტების ენა, რომელიც საზოგადოებაში დაპირისპირებას, გახლეჩას და ყველანაირ ეროზიას იწვევს ქვეყნისა და სახელმწიფოსა, მისი არსებობის წინააღმდეგ არის მიმართული ასეთი კლიმატის დამკვიდრება ქვეყანაში, საზოგადოებაში, რომელიც შემდეგ ოჯახებში გადადის. ამიტომ, ეს ყოვლად წარმოუდგენელია. ვინც ამბობს, რომ ასეთი რამ არის გამოხატვის თავისუფლება, მაშინ უნდა ვთქვათ, რომ ამ ადამიანებს ადამიანობის გაგების მიმართ აბსოლუტური განსხვავება აქვთ“, - აცხადებს ქადაგიშვილი.

მისივე თქმით, კრიტიკა და პოლემიკას არავის ეკრძალება.