მიხეილ ყაველაშვილი: გვეამაყება ამ ბიჭების გმირობა, მაგრამ უნდა ვიცოდეთ, ყოველდღიურად ვგრძნობდეთ მათ გაკეთებულ საქმეს, რომ ჩვენს ყოფიერებაში, განსაკუთრებით ჩვენს შვილებს, მომავალ თაობას ჩავუნერგოთ ეს სულისკვეთება, რა სულისკვეთებითაც იბრძოდნენ და ცხოვრობდნენ ჩვენი შინდისის გმირები

გვეამაყება ამ ბიჭების გმირობა, მაგრამ უნდა ვიცოდეთ, ყოველდღიურად ვგრძნობდეთ მათ გაკეთებულ საქმეს, რომ ჩვენს ყოფიერებაში, განსაკუთრებით ჩვენს შვილებს, მომავალ თაობას ჩავუნერგოთ ეს სულისკევეთება, რა სულისკვეთებითაც იბრძოდნენ და ცხოვრობდნენ ჩვენი შინდისის გმირები, - განაცხადა საქართველოს პრეზიდენტმა მიხეილ ყაველაშვილმა.

მანვე აღნიშნა, რომ სწორედ შინდისის გმირების გმირობა გვაძლევს რწმენას, რომ საქართველო უკვდავი და მარადიულია.

„დღეს ჩვენ პატივს მივაგებთ ჩვენი ეპოქის გამორჩეულ ქართველ მებრძოლებს, შინდისის გმირებს, რომლებმაც ენით აღუწერელი გმირობა ჩაიდინეს, თვით მტერიც კი აღაფრთოვანეს და განაცვიფრეს მათი ვაჟკაცობით, თავიანთი სულისკვეთებით, მებრძოლი სულით და დაანახეს ყველას, რომ ქართველი მებრძოლი სულგაუტეხელია და არასდროს შეეგუება საქართველოს თავისუფლების დაკარგვას. ეს არის გმირობის მაგალითი, რომელიც მარადიულად დარჩება ჩვენს მეხსიერებაში. თითოეულმა ჩვენგანმა უნდა იამაყოს ამ ბიჭებით. სწორედ მათი გმირობა გვაძლევს რწმენას, რომ საქართველო უკვდავი და მარადიულია. კიდევ ერთხელ დიდება და პატივი მათ სულებსა და სახელებს. მე ვნახე მშობლები ამ გმირებისა და კიდევ ერთხელ გადავუხადე მადლობა მათ ღირსეული მამულიშვილების აღზრდისთვის. ჩვენ ნამდვილად გვეამაყება ამ ბიჭების გმირობა, მაგრამ უნდა ვიცოდეთ, ყოველდღიურად ვგრძნობდეთ მათ გაკეთებულ საქმეს, რომ ჩვენს ყოფიერებაში, განსაკუთრებით ჩვენს შვილებს, მომავალ თაობას ჩავუნერგოთ ეს სულისკვეთება, რა სულისკვეთებითაც იბრძოდნენ და ცხოვრობდნენ ჩვენი შინდისის გმირები“, - განაცხადა ყაველაშვილმა.