„ალტერნატივა გერმანიისთვის“ წევრი: ბრალდებები ჩვენს წინააღმდეგ არის სისულელე. ჩვენ არ ვართ პრორუსები და არც პროუკრაინულები, არც პროამერიკულები. ჩვენ ვართ პროგერმანულები. ვფიქრობთ, რომ იაფი ენერგეტიკა გვჭირდება, ამიტომ, ხანგრძლივი თვალსაზრისით, რუსეთთან ურთიერთობის ნორმალიზება გვჭირდება

ბრალდებები ჩვენს წინააღმდეგ არის სისულელე. პრორუსებს გვეძახიან. ჩვენ არ ვართ პრორუსები და არც პროუკრაინულები, არც პროამერიკულები. ჩვენ ვართ პროგერმანულები. ვფიქრობთ, რომ იაფი ენერგეტიკა გვჭირდება, ამიტომ, ხანგრძლივი თვალსაზრისით, რუსეთთან ურთიერთობის ნორმალიზება გვჭირდება, - განაცხადა ევროპარლამენტარმა, პოლიტიკური პარტია „ალტერნატივა გერმანიისთვის“ წევრმა ტომაშ ფროელიხმა გადაცემაში „იმედი LIVE“.

წამყვანმა ჰკითხა, რამ განაპირობა მისი აზრით მოთხოვნა, რომ AFD-ს პარტია აიკრძალოს და ელის თუ არა, რომ ეს შეიძლება რეალობა გახდეს.

„თუ ეცდებიან აკრძალონ AFD-ი, ამით დასრულდება დემოკრატია. ვერ აკრძალავ ყველაზე ძლიერ პარტიას გერმანიაში, რომელსაც 10 მილიონი ადამიანი უჭერს მხარს. ამ პარტიის დასასრული, ნიშნავს დემოკრატიის დასასრულს. არ ვიცი რა მოხდება ამის შემდეგ, მაგრამ მგონია, რომ უზარმაზარი პროტესტი აგორდება, რადგან მოსახლეობა ამას არ მიიღებს. ეშინიათ, რომ ჩვენ შევცვლით მთელ პოლიტიკურ ლანდშაფტს და უკვე შევცვალეთ კიდეც. ბრალდებები ჩვენს წინააღმდეგ არის სისულელე. პრორუსებს გვეძახიან. ჩვენ არ ვართ პრორუსები და არც პროუკრაინულები, არც პროამერიკულები. ჩვენ ვართ პროგერმანულები. ვფიქრობთ, რომ იაფი ენერგეტიკა გვჭირდება, ამიტომ, ხანგრძლივი თვალსაზრისით, რუსეთთან ურთიერთობის ნორმალიზება გვჭირდება. არა იმიტომ, რომ რუსეთზე ვართ შეყვარებული. ეს ჩვენს ინტერესებში შედის.

მაგალითისთვის ვგმობთ რუსეთის აგრესიას უკრაინაში. ვიცით, ძალიან რთული ისტორია ჰქონდა ამას, სანამ ომი დაიწყებოდა. გაცილებით უფრო რთული იყო, ვიდრე ამას დასავლეთის მედია გვიყვებოდა. ბოლო ოთხი წლის განმავლობაში, სიტუაცია უკრაინისთვის კიდევ უფრო რთული გახდა. უკრაინა ძალზედ ცუდ სიტუაციაში იმყოფება როდესაც საქმე მიდგება მოლაპარაკებებზე რუსეთთან. უკრაინის ლიდერები ჩვენ პარტიას რომ გვისმენდნენ, გაცილებით უკეთეს პოზიციაში იქნებოდნენ. პრობლემა გახლავთ ის, რომ გერმანია ძალიან დიდ ფულს დებს, ჩვენი საზოგადოება ღარიბდება. უკრაინა გახლავთ ერთ-ერთი ყველაზე კორუმპირებული ქვეყანა ევროპაში, ეს არ არის შეთქმულების თეორია, შეგიძლიათ ციფრებს შეხედოთ „საერთაშორისო გამჭვირვალეობის“ ვებგვერდზე და ფული, რომელსაც უკრაინაში ვხარჯავთ და დავხარჯეთ, ჩვეულებრივ უკრაინელებს კი არ მოხმარდა, არამედ უკრაინელი ოლიგარქების ჯიბეში დაილექა. გვინდა ეს შევწყვიტოთ. გვსურს მხარი დავუჭიროთ დიპლომატიურ, სამშვიდობო ინიციატივებს. ევროპაში მხოლოდ ორი მთავრობა უჭერდა ამ ინიციატივას მხარს - ვიქტორ ორბანი, რომელიც აღარ აირჩიეს, რადგან საარჩევნო კამპანიაში დიდი ჩარევა იყო საზღვარგარეთიდან და სლოვაკეთში რობერტ ფიცო“, - აღნიშნა პოლიტიკოსმა.

გერმანიაში, საქსონია-ანჰალტის ფედერალურ მიწებზე ფრიდრიხ მერცის პარტია დამარცხდა, გაიმარჯვა პარტიამ „ალტერნატივა გერმანიისთვის“. ახლა ოფიციალურ ბერლინში მერცის გადადგომას ითხოვენ.