1-ლი ივნისიდან 19 ნოემბრის ჩათვლით პარტიებმა შემოწირულობის სახით 16 418 892 ლარი მიიღეს

სახელმწიფო აუდიტის სამსახურის ინფორმაციით, 1-ლი ივნისიდან 19 ნოემბრის ჩათვლით პოლიტიკურმა პარტიებმა შემოწირულების სახით 16 418 892 ლარი მიიღეს. შემოწირულების 90%-ზე მეტი ”ქართული ოცნებამ” მიიღო. ნათქვამია სახელმწიფო აუდიტის სამსახურის პოლიტიკური პარტიების ფინანსური მონიტორინგის სამსახურის 2017 წლის ადგილობრივი თვითმმართველობის ორგანოების არჩევნებისა და წინასაარჩევნო პერიოდის მონიტორინგის ანგარიშში. 

ამ პერიოდში პარტიების მიერ მიღებული პოლიტიკური შემოწირულება ასეთია: ”ქართული ოცნება - დემოკრატიული საქართველო” – 14 815 653 ლარი, ”ევროპული საქართველო” – 951 834 ლარი, ”ნაციონალური მოძრაობა” – 134 700 ლარი, ”საქართველოს პატრიოტთა ალიანსი” – 66 392 ლარი, ”ახალი საქართველო” – 59 600 ლარი, ”დემოკრატიული მოძრაობა - ერთიანი საქართველო” – 38 259 ლარი, ”ეროვნული ფორუმი/შენების მოძრაობა” – 39 182 ლარი, ”ლეიბორისტული პარტია” – 23 196 ლარი, ”პროგრესულ - დემოკრატიული მოძრაობა” – 4 150 ლარი. 

დამოუკიდებელ კანდიდატებზე კი შემოწირულობები ასე გადანაწილდა: ალექსანდრე ელისაშვილი - 148 912 ლარი, დომენტი სიჭინავა - 53 150 ლარი, გულო ზუმბაძე - 23 410 ლარი, მალხაზ უდესიანი - 8 850 ლარი, კონსტანტინე შარაშენიძე - 7 300 ლარი.

ამასთან, 2017 წლის 1 ივნისიდან 19 ნოემბრის ჩათვლით პერიოდში, პოლიტიკური პარტიების ხარჯებმა 27 270 568 ლარი შეადგინა. ჯამური ხარჯის 65%-მდე „ქართულ ოცნებაზე“ მოდის. 

გაწეული ხარჯები ასეთია: ”ქართული ოცნება - დემოკრატიული საქართველო” – 17 600 948 ლარი, ”ერთიანი ნაციონალური მოძრაობა” – 2 078 378 ლარი, ”საქართველოს პატრიოტთა ალიანსი” – 1 523 360 ლარი, ”ევროპული საქართველო” – 1 484 891 ლარი, ”გაერთიანებული დემოკრატიული მოძრაობა” – 668 346 ლარი, ”ეროვნული ფორუმი/შენების მოძრაობა” – 543 596 ლარი, ”დემოკრატიული მოძრაობა - ერთიანი საქართველო” – 558 814 ლარი, ”სამოქალაქო პლატფორმა - ახალი საქართველო” – 508 302 ლარი, ”საქართველოს ლეიბორისტული პარტია” – 453 978 ლარი, ”მოძრაობა - სახელმწიფო ხალხისთვის” – 434 978 ლარი, ”ახალი ქრისტიან - დემოკრატები” – 428 834 ლარი, ”თავისუფლება - ზვიად გამსახურდიას გზა” – 426 798 ლარი, ”ქართველ ტრადიციონალისტთა კავშირი” – 415 811 ლარი. 

ამავე პერიოდში დამოუკიდებელი კანდიდატების ხარჯები კი ასე გამოიყურება: ალექსანდრე ელისაშვილი - 126 105 ლარი, დომენტი სიჭინავა - 51 723 ლარი, გულო ზუმბაძე - 23 206 ლარი, კონსტანტინე შარაშენიძე - მალხაზ უდესიანი - 5 075 ლარი.

სახელმწიფო აუდიტის სამსახურის პოლიტიკური პარტიების ფინანსური მონიტორინგის სამსახურმა 2017 წლის ადგილობრივი თვითმმართველობის ორგანოების არჩევნებისა და წინასაარჩევნო პერიოდის მონიტორინგის ანგარიში გამოაქვეყნა, რომელმაც სამსახურის გადაწყვეტილებით მოიცვა 1 ივნისიდან 19 ნოემბრის ჩათვლით პერიოდი. სახელმწიფო აუდიტის სამსახურის ინფორმაციით, წინასაარჩევნო პერიოდში პოლიტიკური პარტიები და კანდიდატები თანხას ძირითადად ხარჯავდნენ რეკლამაში.