მრავალშვილიანის სტატუსზე საკანონმდებლო ცვლილებები ბიუროს სხდომაზე დარეგისტრირდა

საქართველოში მრავალშვილიანის სტატუსთან დაკავშირებით სამოქალაქო კოდექსში დაგეგმილი ცვლილებების პროექტი პარლამენტის ბიუროს სხდომაზე დარეგისტრირდა. ცვლილების მიხედვით, მრავალშვილიანი ოჯახის სტატუსი ოთხი და მეტშვილიან ოჯახებს მიენიჭებათ.

სტატუსი განსაზღვრის შემდეგ ეს ოჯახები სოციალურ დახმარებას მიიღებენ. საკანონმდებლო ცვლილებების ავტორები ჯანდაცვის კომიტეტის თავმჯდომარე აკაკი ზოიძე და მისი მოადგილე დიმიტრი ხუნდაძე არიან.

მრავალშვილიანი ოჯახი, რომელსაც ოთხი ბავშვი ჰყავს, ყოველთვიურად 20 ლარს მიიღებს, ხოლო ხუთ ან მეტშვილიანი ოჯახი მე-5 და მომდევნო ბავშვზე – დამატებით 10-10 ლარს. საქსტატის მონაცემებით, (2014 – საყოველთაო აღწერის შედეგები) 12369 შინამეურნეობაა, სადაც ოთხი და მეტი არასრულწლოვანი ცხოვრობს. შესაბამისად, სარგებლის სახით, ჯამური ფინანსური შედეგი წლიურად დაახლოებით 3 489 000 ლარი იქნება”, – აღნიშნა ხუნდაძემ.

ამასთან, კანონმდებლის თქმით, შეღავათს ის ოჯახები მიიღებენ, რომელთა სოციალურ-ეკონომიკური მდგომარეობის მაჩვენებელი სარეიტინგო ქულა ტოლი ან ნაკლები 300 000 იქნება.

საკანონმდებლო ცვლილების განმარტებით ბარათში წერია, რომ საქსტატის მონაცემებით, საქართველოში 12 369 შინამეურნეობაა სადაც ოთხი ან მეტი არასრულწლოვანი ცხოვრობს. სარგებელის სახით, ჯამური ფინანსური შედეგი წლიურად დაახლოებით 3 489 000 ლარი იქნება. წლის განმავლობაში, ერთ მრავალშვილიან ოჯახზე ფინანსური შედეგი მინიმუმ – 240 ლარი იქნება. შესაბამისად, 120 ლარით უფრო მეტი იქნება ყოველი მომდევნო შვილის შემთხვევაში