როგორ აფინანსებს ჯანდაცვის საყოველთაო პროგრამა დაბალშემოსავლიან მოქალაქეებს

საყოველთაო ჯანდაცვის პროგრამაში დიფერენცირებული პაკეტები 2017 წლის 1 მაისიდან ამოქმედდა. თუმცა ჯანმრთელობასთან დაკავშირებული პროცედურების დაფინანსების შესახებ საზოგადოების ინტერესი მაინც მაღალია.

ამ თემაზე imedinews-ს საყოველთაო ჯანდაცვის პროგრამის დეპარტამენტის უფროსმა მაია მაღლაკელიძე - ხომერიკმა დაბალშემოსავლიანი მოქალაქეების დაფინანსების შესახებ მიაწოდა ინფორმაცია.

ხომერიკის განმარტებით, მოქალაქეები, რომელთა შემოსავალი წელიწადში 40 000 ლარს აღემატება, საყოველთაო ჯანდაცვის პროგრამით ვერ სარგებლობენ. თუმცა პროგრამის ფარგლებში ფინანსდება მშობიარობა/საკეისრო კვეთა.

საყოველთაო ჯანდაცვის პროგრამის დეპარტამენტის ინფორმაციით, პროგრამაში ჩართული მოქალაქეების დაფინანსება სხვადასხვა პრინციპით ხდება.

კერძოდ, 1000 ლარზე ნაკლები შემოსავლის მქონე პირებსა და საშუალო შემოსავლის მქონე მოქალაქეებს, რომელთა ყოველთვიური შემოსავალი 1000 ლარზე მეტია, მაგრამ წლიური შემოსავალი არ აღემატება 40 000 ლარს, ასეთი პირები სარგებლობენ ან საყოველთაო ჯანდაცვის პროგრამის შეზღუდული სერვისებით ან კერძო სადაზღვევო პაკეტით.

კერძო სადაზღვეო პაკეტით მოსარგებლეებს უნარჩუნდებათ ონკოლოგიური ქიმიო და ჰორმონოთერაპია დაავადებების მკურნალობა, მშობიარობა და საკეისრო კვეთის დაფინანსება.

ხომერიკის განმარტებით, სოციალურად დაუცველი ოჯახების მონაცემთა ერთიან ბაზაში რეგისტრირებულ, 100 000-მდე სარეიტინგო ქულის მქონე მოქალაქეებს, ქრონიკული დაავადებების სამკურნალო მედიკამენტები უფინანსდებათ.

ასევე, პროგრამის ფარგლებში ყველა მოქალაქეს, გარდა ბიუჯეტით დაზღვეული პირებისა, უნარჩუნდება მშობიარობა და საკეისრო კვეთის დაფინანსება.

ამასთან საყოველთაო ჯანდაცვის პროგრამის დეპარტამენტში აცხადებენ, რომ საყოველთაო ჯანდაცვის პროგამის პრალელურად, ყველა მოქალაქეს შეუძლია ჯანდაცვის სამინისტროს სხვადასხვა სახელმწიფო პროგრამებით და სერვისებით სრულფასოვნად სარგებლობა.