imedi /  08 მარტი 2017, 14:05 / სანდო წყარო

პროკურატურამ დეკანოზის საქმეზე მტკიცებულებათა ნაწილი გაასაჯაროვა

მთავარმა პროკურატურამ დეკანოზის საქმეზე გამოძიების შუალედური შედეგები და მტკიცებულებათა ნაწილი გაასაჯაროვა:

"მაღალი საჯარო ინტერესის გათვალისწინებით, გვსურს, საზოგადოებას მივაწოდოთ ინფორმაცია გამოძიების შუალედური შედეგების შესახებ.

ჩატარებულია ოცდაათზე მეტი მოწმის დაკითხვა, ოთხმოცდაათამდე საგამოძიებო/საპროცესო მოქმედება, დათვალიერებული და ამოღებულია მობილური ტელეფონები, კომპიუტერები და ელექტრონული ინფორმაციის სხვა მატარებლები, დაინიშნა ექსპერტიზები, ნაწილზე მივიღეთ დასკვნები, რაც შესაძლებლობას გვაძლევს, ვისაუბროთ გამოძიების შუალედურ შედეგებზე და გავასაჯაროვოთ საქმეში არსებული მტკიცებულებების ნაწილი.

გამოძიება დაიწყო 2017 წლის 2 თებერვალს მოქალაქე ირაკლი მამალაძის განცხადების საფუძველზე, რომელმაც მომართა პროკურატურას და მიუთითა, რომ მისმა ნაცნობმა მამა გიორგი მამალაძემ სთხოვა შხამიანი ნივთიერების - კალიუმის ციანიდის მოძიებაში დახმარება. ირაკლი მამალაძემ პროკურატურაში წარმოადგინა მის მიერ ფარულად ჩაწერილი გიორგი მამალაძესთან შეხვედრის ამსახველი აუდიო-ვიდეო მასალა და ფურცელი, რომელზეც იყო ბრალდებულის ხელნაწერი სიტყვები "კალიუმ ციანიდი". ირაკლი მამალაძემ შეხვედრაზე გაარკვია, რომ გიორგი მამალაძე გეგმავდა მაღალი იერარქიის სასულიერო პირის სიცოცხლის ხელყოფას. გიორგი მამალაძე ირაკლი მამალაძეს სთხოვდა შემჭიდროვებულ ვადებში კალიუმის ციანიდის მოძიებას, რის სანაცვლოდაც მზად იყო, გადაეხადა ფული, ხოლო გაწეული დახმარებისთვის ჰპირდებოდა არამართლზომიერ სარგებელს. ბრალდებული გეგმავდა გერმანიაში გამგზავრებას, სადაც პატრიარქი იმყოფებოდა თანმხლებ პირებთან, მათ შორის შორენა თეთრუაშვილთან ერთად. იგი ცდილობდა, სასწრაფო წესით შხამიანი ნივთიერების გერმანიაში გამგზავრებამდე შეძენას.

ვინაიდან ირაკლი მამალაძემ ნებაყოფლობით გამოთქვა სურვილი გამოძიებასთან თანამშრომლობაზე და მზადყოფნა, ჩართულიყო შესაბამის ღონისძიებებში, დაიგეგმა განმცხადებლის და ბრალდებულის შეხვედრები და ფარული აუდიო-ვიდეო ჩაწერა. ფარული საგამოძიებო მოქმედებების მიზანს წარმოადგენდა, გამოაშკარავებულიყო ბრალდებულის რეალური განზრახვა, მიზანი, მოტივი და შესაძლო თანამზრახველები. სასამართლოს განჩინების საფუძველზე დაიგეგმა და განხორციელდა ირაკლი მამალაძის გიორგი მამალაძესთან შეხვედრების ფარული აუდიო-ვიდეო გადაღება.

ჩანაწერებით დადასტურდა გიორგი მამალაძის მიერ კალიუმის ციანიდის შეძენის განზრახვა, რომ იგი შხამიანი ნივთიერების გამოყენებას გეგმავდა ადამიანის წინააღმდეგ.

პირველი შეხვედრისას ირაკლი მამალაძემ დეკანოზს აცნობა, რომ კალიუმის ციანიდის მოძიება განსაკუთრებულ სირთულეებთან იყო დაკავშირებული და შესთავაზა მის ნაცვლად ნატრიუმის ციანიდის შეძენა, რომელიც აქტიურად გამოიყენება და იწარმოება საქართველოში. ბრალდებული დაინტერესდა, ნატრიუმის ციანიდს ექნებოდა თუ არა რეაქცია და მიიღებდა თუ არა სასურველ შედეგს. შეხვედრისას, 4 თებერვლის 16 საათსა და 28 წუთზე, ბრალდებულმა ტელეფონის ინტერნეტში მოიძია ინფორმაცია ნატრიუმის ციანიდის შესახებ, გაარკვია, რომ იყო ძლიერმოქმედი  შხამი და მისი ზემოქმედების მომწამვლელი ეფექტი ადამიანზე კალიუმის ციანიდის  ანალოგიურია. ბრალდებულმა, დარწმუნდა რა, რომ ნატრიუმის ციანიდის გამოყენების შემთხვევაშიც შესაძლებელი იყო სასიკვდილო შედეგის დადგომა, ირაკლი მამალაძეს სთხოვა მისი შეძენა. საუბარში ჩანს, რომ გიორგი მამალაძე მისი ქმედებების შედეგებს უკავშირებდა იერარქიულ წინსვლას, რაც გაზრდიდა მის ძალაუფლებას საპატრიარქოში და ირაკლი მამალაძესაც ჰპირდებოდა კარგ ადგილს.

2017 წლის 6 თებერვლის შეხვედრის შემდეგ ბრალდებული ელოდებოდა თანხის გამოგზავნას ირაკლი მამალაძისთვის გადასაცემად. შეხვედრა აღარ შედგა. ბრალდებულმა ნატრიუმის ციანიდი დაუდგენელი პირისგან შეიძინა, და აღარ დაკავშირებია ირაკლი მამალაძეს.

ბრალდებულს წინა თვეებშიც ჰქონდა მცდელობა, კალიუმის ციანიდი შეეძინა სხვა პიროვნებისგანაც, რომელსაც სთხოვდა შხამიანი ნივთიერების უცხოეთიდან ჩამოტანას.

2017 წლის 10 თებერვალს თბილისის საერთაშორისო აეროპორტში ბრალდებულის სახით დააკავეს გიორგი მამალაძე. ბარგის ჩხრეკისას ამოღებულია ფარულად შენახული შხამიანი ნივთიერება ნატრიუმის ციანიდი.

ბრალდებულის SAMSUNG-ის ფირმის მობილურ ტელეფონზე ჩატარებული ექსპერტიზით დადგინდა, რომ გიორგი მამალაძე მკვლელობის მიზნით კალიუმის ციანიდის შესახებ ინფორმაციის მოძიებას ცდილობდა ინტერნეტ საძიებო სისტემა GooGle-ში. 2016 წლის 27 დეკემბრიდან მოყოლებული სისტემატიურად, ყველა შემთხვევაში ინტერესდებოდა შხამიანი ნივთიერების ზემოქმედებით ადამიანის ორგანიზმზე და მოწამვლის სიმპტომებით.

ირაკლი მამალაძის მიერ გამოძიებისთვის წარმოდგენილ ფურცელზე, ხელნაწერით "კალიუმ ციანიდი", ჩატარებული კალიგრაფიული ექსპერტიზით დადგინდა, რომ ხელნაწერი შესრულებულია გიორგი მამალაძის მიერ.

გიორგი მამალაძის საცხოვრებელი ბინის ჩხრეკისას ამოღებულია კუსტარული წესით დამზადებული უნომრო ცეცხლსასროლი იარაღი და 6 ცალი საბრძოლო ვაზნა, რომლებიც მან მართლსაწინააღმდეგოდ შეიძინა.

მოპოვებული მტკიცებულებების საფუძველზე გიორგი მამალაძეს ბრალდება წარედგინა შორენა თეთრუაშვილის მკვლელობის მომზადების, ცეცხლსასროლი იარაღის მართლსაწინააღმდეგოდ შეძენისა და  შენახვის ფაქტებზე.

ვინაიდან არსებობდა ეჭვები, რომ გიორგი მამალაძე შესაძლოა ამზადებდა სხვა პირების მკვლელობასაც, რომ იგი სავარაუდოდ მოქმედებდა თანამზრახველებთან ერთად, გაძლიერდა გერმანიაში მყოფი პატრიარქის უსაფრთხოება.

ვარაუდის საფუძველზე მთავარი პროკურატურა აგრძელებს მუშაობას რამდენიმე ვერსიაზე და ყველა მიმართულებით ინტენსიურად მიმდინარეობს საგამოძიებო მოქმედებები.

ამ ეტაპზე გასაჯაროვდა მხოლოდ ვიდეოჩანაწერების და ბრალდებულის მობილური ტელეფონიდან ამოღებული ინფორმაციის ნაწილი.

რაც შეეხება დაკითხვას, ბრალდებულმა ვერცერთ მნიშვნელოვან შეკითხვაზე დამაჯერებელი პასუხი ვერ გასცა, ზოგზე პასუხის გაცემაზე საერთოდ უარი განაცხადა. ინფორმაცია, რაც გიორგი მამალაძემ მიაწოდა გამოძიებას, პირდაპირ წინააღმდეგობაში მოდის იმ მტკიცებულებებთან, რომლითაც დასტურდება დანაშაულის ჩადენის შესაძლო ფაქტი, მათ შორის იმ მტკიცებულებებთან, რომლებიც დღეს გასაჯაროვდა. გიორგი მამალაძის ვერსია, რომ თითქოს შორენა თეთრუაშვილის თხოვნით ცდილობდა კალიუმის ციანიდის შეძენას, რომელიც თითქოს საჭირო იყო საპატრიარქოში მომუშავე ოქრომჭედლისთვის, არის აბსურდული და ცალსახად ტოვებს შთაბეჭდილებას, რომ ცდილობს დანაშაული გადააბრალოს იმ მხარეს, ვისთანაც არის დაპირისპირებული და ვის წინააღმდეგაც მიმართული იყო მისი ქმედება. ბრალდებული ცდილობს ბრალდების მოწმეების დისკრედიტაციას. მიზნად ისახავს წარმოჩნდეს მსხვერპლად და თავი აარიდოს მოსალოდნელ მძიმე სასჯელს.

პროკურატურის მიერ უკვე უზრუნველყოფილია ბრალდებულის ოჯახის წევრების უსაფრთხოება. იმედს ვიტოვებთ, გიორგი მამალაძე შეასრულებს პირობას და გასცემს პასუხებს გამოძიების შეკითხვებზე.

პროკურატურამ საზოგადოებას მიაწოდა ის შუალედური შედეგები, რომელიც არ დააზიანებს გამოძიების ინტერესებს.

გაცნობიერებული გვაქვს საქმის მიმართ განსაკუთრებულად მაღალი საჯარო ინტერესი. გამოძიება ინტენსიურ რეჟიმში გრძელდება. ყველას მოვუწოდებთ მოთმინებისკენ, რომ გამოძიებას მიეცეს შესაძლებლობა, ნორმალურ ვითარებაში ჩაატაროს სრულყოფილი და ობიექტური გამოძიება, რომლის საფუძველზეც ბრალდების მხარე წარსდგება სასამართლოს წინაშე.

პროკურატურა პერიოდულად გააგრძელებს საზოგადოების ინფორმირებას გამოძიების შედეგების შესახებ.

გამოძიება გრძელდება სისხლის სამართლის კოდექსის 18-108-ე და 236-ე მუხლებით, რაც სასჯელის სახედ და ზომად ითვალისწინებს თავისუფლების აღკვეთას ვადით შვიდიდან თხუთმეტ წლამდე".

ყველა სიახლე

16 ოქტომბერი 2021, 15:56

რეგიონი

ზუგდიდში, ფონდ ,,ქართუს“ დაფინანსებით რაგბის კომპლექსი შენდება

ზუგდიდში, ფონდ ,,ქართუს“ დაფინანსებით რაგბის კომპლექსი შენდება. ზუგდიდის სარაგბო ბაზა დააკმაყოფილებს საერთაშორისო მოთხოვნებს. რაგბის კომპლექსს ექნება, როგორც ბუნებრივსაფარიანი, ასევე ხელოვნურსაფარიანი მოედანი. სტადიონი საერთო ჯამში გათვლილია 5000-ზე მეტი მაყურებლისთვის.

16 ოქტომბერი 2021, 15:52

რეგიონი

რაჭა-ლეჩხუმში გასტროტური გაიმართა

კულინარიული ტურიზმის პოპულარიზაციის მიზნით, ეკონომიკისა და მდგრადი განვითარების სამინისტრის ტურიზმის ეროვნული ადმინისტრაცია საქართველოს რეგიონებში გასტროტურებს აგრძელებს.

16 ოქტომბერი 2021, 15:37

პოლიტიკა

ცესკო: მეორე ტური 20 თვითმმართველ ქალაქსა და თემში და 42 ადგილობრივ მაჟორიტარულ ოლქში გაიმართება

საოლქო საარჩევნო კომისიებმა 2 ოქტომბრის არჩევნები კანონიერ ძალაში შესული საუბნო საარჩევნო კომისიების შემაჯამებელი ოქმების და ყველა ინსტანციის სასამართლოს გადაწყვეტილების გათვალისწინებით შეაჯამეს.

დავით ოქიტაშვილი

16 ოქტომბერი 2021, 15:32

პოლიტიკა

დავით ოქიტაშვილი: მინდა ვუთხრა ჯალათ მიშას, რომ მისთვის ციხეში ყოფნა უკეთესია, თორემ ქუჩაში რომ გამოვიდეს, ქართველი ხალხი მას ჩაქოლავს

მინდა ვუთხრა ჯალათ მიშას, რომ მისთვის ციხეში ყოფნა უკეთესია. ქუჩაში რომ გამოვიდეს, ქართველი ხალხი მას ჩაქოლავს, - ამის შესახებ საქართველოს კულტურის პალატის პრეზიდენტმა, დავით ოქიტაშვილმა განაცხადა.

გია გურგულია

16 ოქტომბერი 2021, 15:25

პოლიტიკა

მსახიობი გია გურგულია: სააკაშვილი არის ერის მოღალატე, ტერიტორიების გამცემი, ჩვენი შვილების მკვლელი - ძალიან მალე დავანახებთ, რამდენ ადამიანს სძულს მისი რეჟიმი

„არ ვიცი ადამიანი, რომელსაც ვინმეს ციხეში ყოფნა უხაროდეს, მაგრამ სააკაშვილი არის ერის მოღალატე, ტერიტორიების გამცემი, ჩვენი შვილების მკვლელი. მარტო ის კი არა, ყველა ის ადამიანი უნდა გასამართლდეს, ვინც მასთან ერთად იყო“, - ამ სიტყვებით მიმართა მსახიობმა გია გურგულიამ რუსთავში, სასჯელაღსრულების მე-12 დაწესებულებასთან შეკრებილებს.

16 ოქტომბერი 2021, 15:12

სამართალი

სოცქსელში ვრცელდება პეტიცია, რომლითაც მოქალაქეები მსჯავრდებულ სააკაშვილის გასამართლებას ითხოვენ

სოციალურ ქსელში ვრცელდება პეტიცია, რომლითაც მოქალაქეები მსჯავრდებულ სააკაშვილის გასამართლებას ითხოვენ.

ნანა კაკაბაძე

16 ოქტომბერი 2021, 15:09

პოლიტიკა

ნანა კაკაბაძე: პატიმრები ყოველდღიურად ხედავდნენ ციხეებიდან გატანილ გვამებს - დღეს, ამ გვამების მთავარი „შემოქმედი“ ციხეში ითხოვს იმ ფუფუნებას, რომელსაც ზოგიერთი გარეთ მყოფიც კი ნატრობს და არ აქვს

„ის, რაც თქვენ გადაიტანეთ, ის, რაც სრულიად საქართველომ გადაიტანა სააკაშვილის რეჟიმის დროს, იყო სახადი, რომელიც ჩვენ მოვიხადეთ და რომელიც აღარასდროს განმეორდება, რადგან არსებობთ ადამიანები, რომელთაც დღემდე გაქვთ განცდა, რომ ეს იყო უსამართლო რეჟიმი, რომელიც ადამიანებს ქუჩაში უმოწყალოდ ხოცავდა“, - ამ სიტყვებით მიმართა ორგანიზაცია „ყოფილი პატიმრები ადამიანის უფლებებისთვის“ ხელმძღვანელმა, ნანა კაკაბაძემ რუსთავში, სასჯელაღსრულების მე-12 დაწესებულებასთან შეკრებილებს.

თორნიკე მოლაშვილი

16 ოქტომბერი 2021, 15:06

პოლიტიკა

თორნიკე მოლაშვილი: ჩვენი მოთხოვნაა, აიკრძალოს „ნაცმოძრაობა“ როგორც პარტია, სააკაშვილს კი სამუდამო პატიმრობა მიესაჯოს

ჩვენი მოთხოვნაა, აიკრძალოს „ნაცმოძრაობა“ როგორც პარტია, მიხეილ სააკაშვილს კი სამუდამო პატიმრობა მიესაჯოს, - ამის შესახებ რუსთავის ციხესთან მიმდინარე აქციაზე სულხან მოლაშვილის ძმამ, თორნიკე მოლაშვილმა განაცხადა.

ია მეტრეველი

16 ოქტომბერი 2021, 14:51

პოლიტიკა

ია მეტრეველი: სააკაშვილო, ბიჭების ჩახოცვით დაიწყე და მიწების გაყიდვით დაამთავრე - პოლიტპატიმრობა კი არა, სამუდამო პატიმრობა გეკუთვნის და ალბათ არ აგცდება კიდეც

გარეწარო სააკაშვილო, კიდევ პოლიტპატიმრობა გინდა? მეტი რაღა უნდა ჩაგედინა? ბიჭების ჩახოცვით დაიწყე და მიწების გაყიდვით დაამთავრე. რომელ პოლიტპატიმრობაზე გაქვს პრეტენზია, პოლიტპატიმრობა კი არა, სამუდამო პატიმრობა გეკუთვნის და ალბათ არ აგცდება კიდეც, - ამის შესახებ 2004 წელს მოკლული ბუტა რობაქიძის დედამ, ია მეტრეველმა რუსთავის ციხესთან მიმდინარე აქციაზე განაცხადა.

ტრისტან წითელაშვილი

16 ოქტომბერი 2021, 14:46

პოლიტიკა

ვეტერანი ტრისტან წითელაშვილი: 2008 წელს ჩემს სახლში სპეცოპერაცია ჩაატარეს, ჩემს პატარა ბიჭს, გიორგის, წიხლი ამოარტყეს, კიბიდან გადმოაგდეს და ის დღემდე სავარძელშია, პარალიზებულია - როგორ გგონიათ, ამას სააკაშვილს ვაპატიებ?

„მიხეილ სააკაშვილი არ არის პოლიტპატიმარი, ისაა მკვლელი, რომელმაც საქართველო სისხლში აცურავა. დღეს გამოდიან მისი მხარდამჭერები და რაღაც გაურკვეველ განცხადებებს აკეთებენ, თითქოს, მიხეილ სააკაშვილი პოლიტპატიმარია“, - ამ სიტყვებით მიმართა გენერალმა ტრისტან წითელაშვილმა რუსთავში, სასჯელაღსრულების მე-12 დაწესებულებასთან შეკრებილებს.

ლია კრიალაშვილი

16 ოქტომბერი 2021, 14:36

პოლიტიკა

ლია კრიალაშვილი: ერთად უნდა დავდგეთ და გავცეთ პასუხი იმ ხალხს, ვინც სააკაშვილის გათავისუფლებას ითხოვს

პოლკოვნიკ გია კრიალაშვილის და ლია კრიალაშვილი აცხადებს, რომ მიხეილ სააკაშვილისთვის 6 წელი ძალიან ცოტაა, ვინაიდან „მან სამშობლო გაყიდა და ტერიტორიები ჩააბარა“. ამის შესახებ მან რუსთავის ციხესთან მიმდინარე აქციაზე განაცხადა.

ანა ჟორჟოლიანი

16 ოქტომბერი 2021, 14:29

პოლიტიკა

თემურ ჟორჟოლიანის შვილი: მინდა ისეთ ქვეყანაში ვიცხოვრო, სადაც სამართალი იქნება, სააკაშვილს კი სამართლებრივად ეკუთვნის ციხეში ჯდომა და უნდა იჯდეს

არ მინდა იმ ქვეყანაში ცხოვრება, სადაც თუნდაც სააკაშვილის შვილი ისეთივე პირობებში გაიზრდება, როგორც მე. მე მინდა ისეთ ქვეყანაში ვიცხოვრო, სადაც სამართალი იქნება, - ამის შესახებ რუსთავის ციხესთან მიმდინარე აქციაზე თემურ ჟორჟოლიანის შვილმა, ანა ჟორჟოლიანმა განაცხადა.

ზაზა დავითაია

16 ოქტომბერი 2021, 14:22

პოლიტიკა

ზაზა დავითაია: სააკაშვილი პოლიტპატიმრად გამოცხადებას კი არ უნდა ელოდებოდეს - შიშით უნდა ძრწოდეს, მთელი საქართველო აქ მოვალთ - ილოცოს, რომ საკანი კარგად იყოს ჩაკეტილი

ჩვენი აქ მოსვლა, ასე სპონტანურად დაანონსებული აქციით, როცა ძალიან მწირი რესურსი გვაქვს იმისთვის, რომ ქართულ საზოგადოებასთან მჭიდრო კონტაქტი გვქონდეს, მიუხედავად ამისა, ერთი განცხადების შემდეგ აქ რომ ამდენი ადამიანი მოვიდა, ეს არაა ძალიან ბევრი, თუმცა ერთი დაძახების კვალობაზე არც ძალიან ცოტაა, - ამის შესახებ რუსთავის ციხესთან მიმდინარე აქციაზე ყოფილმა პოლიტპატიმარმა, ზაზა დავითაიამ განაცხადა.

თორნიკე მოლაშვილი

16 ოქტომბერი 2021, 14:10

პოლიტიკა

სულხან მოლაშვილის ძმა: მიხეილ სააკაშვილი ვერასდროს გახდება პოლიტპატიმარი, ვერც საქართველოს პრეზიდენტი ვერ იქნება

„მიხეილ სააკაშვილი ვეღარასდროს გახდება პოლიტპატიმარი. ეს პიროვნება არის დამნაშავე, კრიმინალი. ყველაფერს რომ თავი დავანებოთ, როგორც ტერორისტი, ისე შემოიპარა ქვეყანაში, არაჟნებში დამალული, კაცობაც კი არ ეყო“, - ამ სიტყვებით მიმართა სულხან მოლაშვილის ძმამ, თორნიკე მოლაშვილმა რუსთავში, სასჯელაღსრულების მე-12 დაწესებულებასთან შეკრებილებს.

16 ოქტომბერი 2021, 14:02

პოლიტიკა

რუსთავის ციხესთან სააკაშვილის რეჟიმის დროს დაზარალებული პირების საპროტესტო აქცია მიმდინარეობს

რუსთავის N12 პენიტენციურ დაწესებულებასთან, სადაც სასჯელს ექსპრეზიდენტი მიხეილ სააკაშვილი იხდის, „ნაციონალური მოძრაობის“ რეჟიმის დროს დაზარალებული პირების საპროტესტო აქცია მიმდინარეობს.

16 ოქტომბერი 2021, 13:33

კულტურა

კულტურის სამინისტროს მხარდაჭერით, ელისო ვირსალაძის პროექტი „თელავის ფესტივალი მუსიკოსებს“ ჩატარდება

17-22 ოქტომბერს, საქართველოს კულტურის, სპორტისა და ახალგაზრდობის სამინისტროს მხარდაჭერით, ელისო ვირსალაძის პროექტი თბილისში „თელავის ფესტივალი მუსიკოსებს“ ჩატარდება. დაგეგმილ კონცერტებსა და მასტერკლასებს თბილისის ვანო სარაჯიშვილის სახელობის სახელმწიფო კონსერვატორია უმასპინძლებს.

გიგი უგულავა

16 ოქტომბერი 2021, 13:18

სამართალი

გიგი უგულავა იზოლაციისა და კარანტინის წესების დარღვევისთვის 2000 ლარით დაჯარიმდა

გაერთიანებული ოპოზიციის ფოთის მერობის კანდიდატი გიგი უგულავა, იზოლაციისა და კარანტინის წესების დარღვევისთვის, ადმინისტრაციულ სამართალდარღვევათა კოდექსის 42-ე პრიმა-10 მუხლის მიხედვით 2000 ლარით დაჯარიმდა.

16 ოქტომბერი 2021, 13:17

რეგიონი

აჭარაში ერთ-ერთი ყველაზე დიდი ხიდი აშენდა

აჭარაში ერთ-ერთი ყველაზე მასშტაბური ინფრასტრუქტურული პროექტი დასრულდა. ქედაში, სოფელ წონიარისში, 72-მეტრიანი ახალი საავტომობილო ხიდი აშენდა.საავტომობილო ხიდი ბათუმი ახალციხის გზას-ხეობასთან აკავშირებს.

16 ოქტომბერი 2021, 13:10

მსოფლიო

აშშ-მა ოკუპირებულ ყირიმში რუსეთის მიერ მოსახლეობის აღწერა დაგმო

ამერიკის შეერთებული შტატები ოკუპირებულ ყირიმში რუსეთის მიერ მოსახლეობის აღწერას გმობს. ამის შესახებ Twitter-ზე სახელმწიფო დეპარტამენტის წარმომადგენელი ნედ პრაისი წერს.

ლევან ნიკოლეიშვილი

16 ოქტომბერი 2021, 13:09

პოლიტიკა

ლევან ნიკოლეიშვილი: რუსთავის საპატიმროსთან, გაწამებული, დახოცილი და განადგურებული ოჯახის წევრები მიდიან იმისთვის, რომ მიშას ფანატიკოს მხარდამჭერებს შეახსენონ, რატომაა სააკაშვილი დაპატიმრებული

„დღეს რუსთავის საპატიმროსთან გაწამებული, დახოცილი და განადგურებული ოჯახის წევრები იკრიბებიან, რომ თავის პროტესტი და გულისწყრომა გამოხატონ იმ სააკაშვილის მიმართ, რომელმაც შვილები, ძმები, მეუღლეები დაუხოცა. მიდიან იმისთვის, რომ კანონის აღსრულებას ელიან, მიდიან იმისთვის, რომ მიშას ფანატიკოს მხარდამჭერებს შეახსენონ (და შეარცხვინონ!) თუ რატომაა სააკაშვილი დაპატიმრებული“, - ასე ეხმიანება ექსპერტი ლევან ნიკოლეიშვილი დღეს დაგეგმილ აქციას სოციალურ ქსელში.