გია ყანჩელს სახელმწიფო ჰიმნის შეცვლა სურს

კომპოზიტორი გია ყანჩელი საქართველოს სახელმწიფო ჰიმნის შეცვლის იდეით გამოდის. ამის შესახებ მან ღია წერილი გამოაქვეყნა. ყანჩელი ფიქრობს, რომ საქართველოს ჰიმნი აკომპანიმენტის გარეშე ადვილი შესასრულებელი უნდა იყოს. 

"თით­ქმის მი­ვაღ­წიე 83 წელს. მეს­მის, რომ ჩემი ქვეყ­ნის გა­ერ­თი­ა­ნე­ბას მე ვერ მოვესწრე­ბი. ვფიქ­რობ, რომ გა­ერ­თი­ა­ნე­ბულ ქვე­ყა­ნას და­ამ­შვე­ნებ­და სი­ცო­ცხლით სავ­სე, ხა­ლი­სი­ა­ნი და ამა­ვე დროს ად­ვი­ლად სამ­ღე­რი სა­ხელ­მწი­ფო ჰიმ­ნი. ჩემი, რო­გორც მუ­სი­კო­სის და­მო­კი­დე­ბუ­ლე­ბა არ­სე­ბუ­ლი ჰიმ­ნის მი­მართ, სამ­წუ­ხა­როდ, საკ­მა­რი­სად კრი­ტი­კუ­ლია.

ჰიმ­ნის შემ­ქმნე­ლი ბა­ტო­ნი იო­სებ კე­ჭაყ­მა­ძე გახ­ლავთ ქარ­თუ­ლი პრო­ფე­სი­უ­ლი სა­გუნ­დო მუ­სი­კის რე­ფორ­მა­ტო­რი. მის მიერ შექ­მნი­ლი სა­გუნ­დო ნა­წარ­მო­ე­ბე­ბი ჩვე­ნი ქვეყ­ნის სი­ა­მა­ყეა. რომ არა მისი გან­სა­კუთ­რე­ბუ­ლი თავ­დაბ­ლო­ბა, მას არ და­ჭირ­დე­ბო­და ზა­ქა­რია ფა­ლი­აშ­ვი­ლის თე­მე­ბის გა­მო­ყე­ნე­ბა და იგი შექ­მნი­და სრულ­ყო­ფილ სა­ქარ­თვე­ლოს ჰიმნს.

ზა­ქა­რია ფა­ლი­აშ­ვი­ლის თე­მე­ბი შე­სა­ნიშ­ნა­ვია, მაგ­რამ ჰარ­მო­ნი­უ­ლი თან­ხლე­ბის (აკომ­პო­ნი­მენ­ტის) გა­რე­შე საკ­მა­რი­სად ძნე­ლი სამ­ღე­რია. რა­მო­დე­ნი­მე წლის მან­ძილ­ზე ვაკ­ვირ­დე­ბი შემ­დეგ გა­რე­მო­ე­ბას: ჩა­წე­რი­ლი ჰიმ­ნის ჟღე­რა­დო­ბა სავ­სე­ბით მაკ­მა­ყო­ფი­ლებს, ამა­ვე დროს, თან­ხლე­ბის გა­რე­შე მისი მოს­მე­ნი­სას მიჩ­ნდე­ბა არა მხო­ლოდ უკ­მა­რი­სო­ბის, არა­მედ უხერ­ხუ­ლო­ბის გრძნო­ბა. არ­სე­ბობს ერ­თა­დერ­თი გა­მო­სა­ვა­ლი: კომ­პო­ზი­ტორ ან­დრია ყა­რაშ­ვი­ლის მიერ, მე­ო­ცე სა­უ­კუ­ნის და­სა­წყის­ში შექ­მნი­ლი “სამ­შობ­ლოს” პირ­ვე­ლი ნა­ხე­ვა­რი წარ­მო­ად­გენს სრულ­ყო­ფილ, ად­ვი­ლად სამ­ღერ (თან­ხლე­ბის გა­რე­შე), სი­მარ­ტი­ვით და ამა­ვე დროს დი­დე­ბით აღ­სავ­სე ბრწყინ­ვა­ლე ჰიმნს. ამ ად­ვი­ლად და­სა­მახ­სოვ­რე­ბელ მე­ლო­დი­ას ერთი მოს­მე­ნი­თაც კი და­ი­მახ­სოვ­რებს და გა­ი­მე­ო­რებს ყვე­ლა, მათ შო­რის სა­ბავ­შვო ბა­ღის აღ­საზ­რდე­ლიც.

დარ­წმუ­ნე­ბუ­ლი ვარ, რომ ჩემ­ზე ბევ­რად ახალ­გაზ­რდა ნი­კო­ლოზ რაჭ­ვე­ლი (ეროვ­ნუ­ლი სიმ­ფო­ნი­უ­რი ორ­კესტრის სამ­ხატ­ვრო ხელ­მძღვა­ნე­ლი) და სვი­მონ ჯან­გუ­ლაშ­ვი­ლი (სა­პატ­რი­არ­ქოს ვაჟ­თა მგა­ლო­ბელ­თა გუნ­დის ხელ­მძღვა­ნე­ლი) მო­ეს­წრე­ბი­ან ჩემ­თვის ნა­ნატრ დღეს და სა­კად­რი­სად გა­ნა­ხორ­ცი­ე­ლე­ბენ ჩემს ოც­ნე­ბას. რა თქმა უნდა ვი­სურ­ვებ­დი, რომ ახა­ლი ჰიმ­ნის­თვის სი­ტყვე­ბის შექ­მნა და­ვით მაღ­რა­ძემ ითა­ვოს. პა­ტი­ვის­ცე­მით, გია ყან­ჩე­ლი", – წერს კომ­პო­ზი­ტო­რი ღია წე­რილ­ში.

2018 წლის 26 მაისს საქართველოს პირველი რესპუბლიკის 100 წლის იუბილე აღინიშნა. სწორედ 100 წლის წინ, 1919 წლის 12 მარტს დამფუძნებელმა კრებამ შექმნა საქართველოს სახელმწიფოს დროშა, გერბი და ჰიმნი. პირველი სახელმწიფო ჰიმნის სახელწოდებაა "დიდება", ტექსტი და მუსიკა კომპოზიტორ კოტე ფოცხვერაშვილს ეკუთვნის. 

2003 წლის მოვლენების შემდეგ, კერძოდ კი 2004 წლის აპრილში „დიდება“ ახალი სახელმწიფო ჰიმნით შეიცვალა, რომლის სახელწოდებაც არის „თავისუფლება“. მაშინ ჰიმნის შეცვლის ერთ-ერთ მიზეზად, "დიდების" გერმანიის ჰიმნის მელოდიასთან მსგავსება დასახელდა. 

"თავისუფლების" ტექსტის ავტორია დავით მაღრაძე, მუსიკა ეკუთვნის ზაქარია ფალიაშვილს, რომელიც ჰიმნად დაამუშავა იოსებ კეჭაყმაძემ.