შსს-მ კანაფის მავნე ზეგავლენის წინააღმდეგ ახალი რეგულაციები მოამზადა
ფოტო: shutterstock.com
შინაგან საქმეთა სამინისტრო კანაფის მოხმარებასთან დაკავშირებით საკონსტიტუციო სასამართლოს 2018 წლის 30 ივლისის გადაწყვეტილების პრაქტიკაში აღსრულების მიზნით, შსს-ში დაგეგმილი ღონისძიებების შესახებ საზოგადოებას ინფორმაციას აწვდის.
შსს-ში მიაჩნიათ, რომ ნებისმიერი დაყოვნება საფრთხეს უქმნის იმ ლეგიტიმურ ინტერესებს, რომელთა დასაცავად კანაფის გარკვეულ გარემოებებში მოხმარების შეზღუდვა თავად საკონსტიტუციო სასამართლომ მიიჩნია დასაშვებად. "ამასთან, შესაბამისი საკანონმდებლო ჩარჩოს არარსებობა აფერხებს ნარკოტიკული საშუალების უკანონო ბრუნვის წინააღმდეგ ეფექტიან ბრძოლას და ხელს უწყობს მისი მოხმარების წახალისებას.
შესაბამისად, შინაგან საქმეთა სამინისტრომ კანაფის მოხმარების მავნე ზეგავლენისგან საზოგადოების (განსაკუთრებით მოზარდების) დასაცავად, კანაფის უკანონო ბრუნვის რისკების თავიდან ასაცილებლად, საკონსტიტუციო სასამართლოს გადაწყვეტილებიდან გამომდინარე, მოამზადა საკანონმდებლო ცვლილებები, რომელსაც მთავრობას უახლოეს სხდომაზე წარუდგენს", - წერია უწყების განცხადებაში.
"ამ მიზნით, კანონპროექტის მიხედვით, კანაფის მოხმარება მოექცევა მკაცრ სამართლებრივ ჩარჩოებში. კერძოდ, სანქციის პროპორციულობის კონსტიტუციური პრინციპის გათვალისწინებით, დაისჯება კანაფის მოხმარება: საზოგადოებრივი თავშეყრის ნებისმიერ ადგილას; ყველა სახის საზოგადოებრივ ტრანსპორტში; არასრულწლოვნის თანდასწრებით; სასწავლო-საგანმანათლებლო დაწესებულების, 18 წლამდე ასაკის პირებისთვის განკუთვნილი სხვა დაწესებულების შენობა-ნაგებობებში და მათ საკუთრებაში არსებულ ტერიტორიებზე; არასრულწლოვნებისთვის განკუთვნილ საზოგადოებრივ შეკრებებზე ან მათ მიმდებარე ტერიტორიაზე განსაზღვრულ რადიუსში; სამსახურებრივი მოვალეობის შესრულებისას გარკვეული პროფესიის ადამიანებისთვის (მაგალითად, პედაგოგებისთვის, ექიმებისთვის, საჯარო მოხელეებისთვის).
კანონპროექტის მიხედვით, საზოგადოებრივი უსაფრთხოების და კანაფის მავნე ზეგავლენისგან მოზარდების დასაცავად, შედარებით მკაცრად, სისხლის სამართლის წესით დაისჯება სატრანსპორტო საშუალების მართვა ნებისმიერი ნარკოტიკული საშუალების ზემოქმედების ქვეშ და არასრულწლოვნისთვის კანაფის სასყიდლით ან უსასყიდლოდ გასაღება/გადაცემა ან კანაფის მოხმარებაზე დაყოლიება.
ასევე, კანონპროექტის მიხედვით გარკვეული პროფესიის ადამიანებს კანაფის მოხმარებისთვის ჩამოერთმევათ პროფესიული საქმიანობის უფლება და შეეზღუდებათ სამოქალაქო უფლებები.
ამასთან, საზოგადოებას შევახსენებთ, რომ ნებისმიერი ნარკოტიკული საშუალების მოხმარების პოპოლარიზაცია ან რეკლამა წარმოადგენს ადმინისტრაციული სამართალდარღვევას და იწვევს შესაბამის პასუხისმგებლობას", - წერია შინაგან საქმეთა სამინისტროს მიერ გავრცელებულ განცხადებაში.
30 ივლისს საკონსტიტუციო სასამართლომ პარტია "გირჩის" წევრების სარჩელი დააკმაყოფილა და მარიხუანის მოხმარებისთვის ადმინისტრაციული სასჯელი გააუქმა. თუმცა არსებობს გარკვეული გამონაკლისები. თუ მოქალაქე კანაფს საზოგადოებრივი თავშეყრის ადგილებში, სასწავლო-სააღმზრდელო დაწესებულებებში მოწევს, ან მისი მოხმარება საფრთხეს შეუქმნის სხვა ადამიანს, მოქალაქე დაჯარიმდება.
ყველა სიახლე
24 მარტი 2023, 00:42
პოლიტიკა
სოზარ სუბარი: სიტყვა თურქეთი არ მიხსენებია, ტარიელ ნაკაიძე არის მატყუარა
„სიტყვა თურქეთი არ მიხსენებია, არცერთი თემა მუსლიმურ თემთან დაკავშირებული არ ყოფილა და ახლა ცდილობს ამას შეაფაროს თავი, რადგან თვითონ თავს ვერანაირად ვერ იმართლებს თავისი არაკაცური გამონათქვამების გამო და ახლა ცდილობს ისეთ სიბრტყეში გადაიტანოს, რომ მე კი არ დამესხნენ თავს, არამედ თავს დაესხნენ რელიგიას და საზოგადოების გარკვეულ ნაწილსო, რაც არის ტყუილი“, - აღნიშნა სოზარ სუბარმა.
24 მარტი 2023, 00:32
პოლიტიკა
სოზარ სუბარი: ოპოზიციას საზოგადოების მხარდაჭერის იმედი ვერ ექნება, თუმცა მგონი თვითონაც დაიჯერეს, რომ მათ ჰქონდათ საზოგადოების გარკვეული ნაწილის, მათ შორის ახალგაზრდობის მხარდაჭერა, რაც აბსოლუტური ტყუილია
„საზოგადოების ნებისმიერ ფენასა და ასაკში არსებობს გარკვეული ჯგუფი, რომელიც რაღაც პოლიტიკურ მიმართულებას უჭერს მხარს, ეს ერთი და მეორე - რაღაც ნაწილმა დაიჯერა, რომ მართლა რუსულ კანონზეა საუბარი. დაიჯერეს არა იმიტომ, რომ ოპოზიციას დაუჯერეს. მთლიანობაში საზოგადოების მხარდაჭერა ოპოზიციას არა აქვს ყოველდღიურად უფრო და უფრო მეტი ადამიანი რწმუნდება, რომ ეს იყო ქარიშხალი ჭიქაში“, - განაცხადა სუბარმა.
24 მარტი 2023, 00:26
პოლიტიკა
გერმანიის საგარეო საქმეთა მინისტრი ანალენა ბერბოკი თბილისშია
საქართველოს ორდღიანი ოფიციალური ვიზიტით გერმანიის ფედერაციული რესპუბლიკის საგარეო საქმეთა მინისტრი ანალენა ბერბოკი ეწვია. გერმანიის საგარეო უწყების ხელძმღვანელს აეროპორტში საქართველოს საგარეო საქმეთა მინისტრის მოადგილე ხათუნა თოთლაძე დახვდა.
24 მარტი 2023, 00:20
პოლიტიკა
სოზარ სუბარი პარლამენტიდან გაწვეულ კანონპროექტებზე: ძალიან ბევრი ქვეყანა წავა ამ გზით, რადგნ ეს არის ძალიან მნიშვნელოვანი გამჭვირვალობისთვის
ძალიან ბევრი ქვეყანა წავა ამ გზით, იმიტომ რომ ეს არის ძალიან მნიშვნელოვანი გამჭვირვალობისთვის, რაც გაძლევს საშუალებას, თავიდან აიცილო საფრთხეები: ეს შეიძლება იყოს კორუფცია, ეროვნული უსაფრთხოება და უამრავი სხვა რამ, - ამის შესახებ გადაცემაში „იმედი LIVE“ „ხალხის ძალის“ ერთ-ერთმა ლიდერმა, დეპუტატმა სოზარ სუბარმა განაცხადა, რითაც „უცხოური გავლენის გამჭვირვალობის შესახებ“ პარლამენტიდან გაწვეულ კანონპროექტების შესახებ დასმულ კითხვას უპასუხა.
24 მარტი 2023, 00:08
პოლიტიკა
გია გაჩეჩილაძე: რა რუსული კანონი, რის რუსული კანონი, მეორე და მესამე დღეს ვნახეთ, რომ თვითონ ევროპარლამენტი იღებს ამ კანონს
რა რუსული კანონი, რის რუსული კანონი, მეორე და მესამე დღეს ვნახეთ, რომ თვითონ ევროპარლამენტი იღებს ამ კანონს და ვნახეთ ევროპარლამენტარები, რომლებიც მოგვიწოდებენ, რომ პირიქით, თქვენ თავს გაუფრთხილდითო, - ამის შესახებ მუსიკოსმა და ტელეწამყვანმა გია გაჩეჩილაძემ „იმედი LIVE“-ში განაცხადა.
24 მარტი 2023, 00:06
პოლიტიკა
სოზარ სუბარი: დღეს „ნაცმოძრაობის“ მიერ მართულ არხებზე გამოჩნდა ასეთი სათაურები - „ქართული გაზაფხული“, „თბილისური გაზაფხული“ - ეს არის ძალიან საშიში ტენდენცია
დღეს „ნაცმოძრაობის“ მიერ მართულ არხებზე გამოჩნდა ასეთი სათაურებიც - „ქართული გაზაფხული“, „თბილისური გაზაფხული“, ამის სუნი იგრძნეს ევროპელებმა... გივი თარგამაძემ გამოაქვეყნა პარიზის ფოტოები, პოლიციის დამწვარი მანქანები, განადგურებული ქუჩები და დაწერა, რომ ეს არის ნამდვილი ევროპა, ასეთი უნდა იყოს ევროპელი და ქართველი ახალგაზრდობა. ეს ძალიან საშიში ტენდენციაა, - ამის შესახებ გადაცემაში „იმედი LIVE“ „ხალხის ძალის“ ერთ-ერთმა ლიდერმა, დეპუტატმა სოზარ სუბარმა განაცხადა.
24 მარტი 2023, 00:05
პოლიტიკა
გია გაჩეჩილაძე დაანონსებულ შეკრებაზე: უნდა დავანახოთ, სად დგას ქართველების უმრავლესობა და რა მოთხოვნები აქვს
„ეს შეკრება ამიტომ არის აუცილებელი, რომ ყველამ დაინახოს, რომ სიმართლე არ არის იქ, სადაც ეს სამი დღე იყო. ეს არ არის პოლიტიკისა და პოლიტიკოსების შეხვედრა, ეს არის ხალხის შეხვედრა ვისაც ყელში ამოუვიდა ეს ამდენი ხარახურა, რაც ქვეყანაში ხდება. “, - აღნიშნა გია გაჩეჩილაძემ.
23 მარტი 2023, 23:50
სამართალი
რატი ბრეგაძე: სტრასბურგის სასამართლოს გადაწყვეტილებით დადასტურდა, რომ „კორტების სპეცოპერაცია“, რომლის დამგეგმავები და განმახორციელებლები თითქმის გმირებად შერაცხეს, იყო მიზანმიმართული მკვლელობა
სტრასბურგის სასამართლოს გადაწყვეტილებით დადასტურდა ის, რაზეც დიდი ხნის განმავლობაში საუბრობდა ქართველი ხალხი, რომ „სპეცოპერაცია“, რომლის დამგეგმავები და განმახორციელებლები თითქმის გმირებად შერაცხეს, იყო მიზანმიმართული მკვლელობა, და არა საზოგადოებრივი წესრიგის დაცვა, - ამის შესახებ გადაცემაში „იმედი LIVE“ იუსტიციის მინისტრმა, რატი ბრეგაძემ განაცხადა.
23 მარტი 2023, 23:48
პოლიტიკა
რატი ბრეგაძე: მტკნარი სიცრუეა, თითქოს პოლონელ ექიმებს მიხეილ სააკაშვილთან არ უშვებენ
რამდენიმე დღის წინ კვლავ იყო ამ თემის აქტუალიზების მცდელობა და ითქვა, რომ თითქოსდა დაქოქოლია თვითმფრინავი, რომელშიც სხედან პოლონელი ექიმები და მათ არ უშვებენ მიხეილ სააკაშვილთან - ეს მტკნარი სიცრუეა, - ამის შესახებ იუსტიციის მინისტრმა, რატი ბრეგაძემ „იმედი LIVE“-ში განაცხადა.
23 მარტი 2023, 23:40
სამართალი
რატი ბრეგაძე „ვივამედის“ განცხადებაზე: ეს არ არის ერთი ხელმოსმით გადასაწყვეტი, ჩვენ გამოვიყენებთ რჩევებს და ამ საკითხს კომპლექსურად განვიხილავთ
რატი ბრეგაძის განცხადებით, სააკაშვილის გარემოცვა მიზანმიმართულად ცდილობს გააუარესოს მისი ჯანმრთელობის მდგომარეობა. როგორც იუსტიციის მინისტრმა გადაცემა „იმედი LIVE“-ში აღნიშნა, მიხეილ სააკაშვილი არა თუ „ვივამედში“, არამედ პენიტენციურ დაწესებულებაში შესვლის დღიდან მიმართავს მიზანდასახულად თვითდაზიანებას, რომ ამ ფორმით მოეპოვებინათ თავისუფლება.
23 მარტი 2023, 23:30
სამართალი
რატი ბრეგაძე: სააკაშვილი უნდა დაემორჩილოს მკურნალობის კურსს და მისმა მომხრეებმაც ხელი უნდა შეუწყონ მკურნალობაში, თუ მისი მიზანი ჯანმრთელად ყოფნაა
მიხეილ სააკაშვილი უნდა დაემორჩილოს მკურნალობის კურსს და მისმა მომხრეებმაც ხელი უნდა შეუწყონ ამ ადამიანს მკურნალობაში, თუ მისი მიზანი ჯანმრთელად ყოფნაა. ჩვენ გვინდა, რომ ეს ადამიანი იყოს კარგად, ხოლო მას არ უნდა, რომ იყოს კარგად, იმიტომ რომ ცუდად ყოფნით ეძებს ციხიდან გამოსასვლელ გზას - ეს არ მოხდება, - ამის შესახებ გადაცემაში „იმედი LIVE“ იუსტიციის მინისტრმა, რატი ბრეგაძემ განაცხადა.
23 მარტი 2023, 23:16
პოლიტიკა
რატი ბრეგაძე: რაც ხდება სააკაშვილის გარშემო, არახალია - მის მიერ საზღვრის უკანონოდ კვეთის შემდეგ დაიწყო ეს სერიალი, რომელიც დღემდე გრძელდება და მაშინ აქტიურდება, როდესაც მათ სიტუაციურად აწყობთ
რაც ხდება მსჯავრდებულ მიხეილ სააკაშვილის გარშემო, არახალია - მის მიერ საქართველოს საზღვრის უკანონოდ კვეთის შემდეგ დაიწყო ეს სერიალი, რომელიც დღემდე გრძელდება და რომელიც მაშინ აქტიურდება, როდესაც მათ სიტუაციურად აწყობთ, - ამის შესახებ იუსტიციის მინისტრმა, რატი ბრეგაძემ „იმედი LIVE“-ში განაცხადა.
23 მარტი 2023, 23:13
პოლიტიკა
ხატია დეკანოიძე „ნაციონალურ მოძრაობას“ ტოვებს
„ნაციონალური მოძრაობის“ ერთ-ერთი ლიდერი, დეპუტატი ხატია დეკანოიძე პარტიას ტოვებს. ამის შესახებ მან „ტვ პირველის“ ეთერში განაცხადა.
23 მარტი 2023, 22:30
პოლიტიკა
გიორგი ვოლსკი: დარწმუნებული ვარ, რადიკალურ ოპოზიციას პრემიერ-მინისტრთან კითხვები კი არ ექნება, არამედ საბოტაჟის რეჟიმს მიმართავს
„ეს არ არის ბოიკოტი, ეს არის საბოტაჟი. დარწმუნებული ვარ, პრემიერ-მინისტრთან კითხვები კი არ ექნებათ, არამედ საბოტაჟის რეჟიმს მიმართავენ. მათი მთავარი ამოცანაა, არანაირი ცივილური განხილვა არ იყოს. დიდი ხანია, ისინი ამ რეჟიმში მუშაობენ. ეს არის ადამიანების გუნდი, რომელსაც შეიძლება, რევოლუციური კომიტეტი ვუწოდოთ, რომლის მიზანია სხვა ამოცანების განხორციელება და არა – რეკომენდაციების შესრულება“, – განაცხადა ვოლსკიმ.
23 მარტი 2023, 22:22
მსოფლიო
უკრაინის გენერალურმა შტაბმა უარყო მის მიერ გავრცელებული განცხადება, რომ ოკუპანტებმა ნოვა-კახოვკა დატოვეს
უკრაინის შეიარაღებული ძალების გენერალურმა შტაბმა უარყო მის მიერ გავრცელებული განცხადება, რომ რუსმა ოკუპანტებმა ხერსონის ოლქის ქალაქი ნოვა-კახოვკა დატოვეს.
23 მარტი 2023, 22:18
სამართალი
პროკურატურამ თბილისში, მუხიანის დასახლებაში დამამძიმებელ გარემოებებში განზრახ მკვლელობის ფაქტზე ერთ პირს ბრალდება წარუდგინა
„სამართალდამცველებმა დანაშაულის ჩამდენი პირი იმავე დღეს დააკავეს. მას ბრალდება საქართველოს სისხლის სამართლის კოდექსის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს“.
23 მარტი 2023, 21:52
პოლიტიკა
ხატია დეკანოიძე: თუ გვინდა ევროპული კლუბის წევრობა და ეს ასეა, მაშინ ჩვენ უნდა მოვიქცეთ, როგორც ევროპელები - ვფიქრობ, რომ ბოიკოტში ყოფნა არ გამოადგება პარტიას
მე მუდმივად ვფიქრობდი, რომ თუ ჩვენ პარლამენტში შემოვედით, ჩვენი მანდატი უნდა გამოგვეყენებინა, -ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.
23 მარტი 2023, 21:38
მსოფლიო
უკრაინის შეიარაღებული ძალების გენერალური შტაბი: რუსმა ოკუპანტებმა ნოვა-კახოვკა დატოვეს
უკრაინის შეიარაღებული ძალების გენერალური შტაბის ინფორმაციით, რუსმა ოკუპანტებმა ხერსონის ოლქის ქალაქი ნოვა-კახოვკა დატოვეს.
23 მარტი 2023, 21:20
მსოფლიო
საერთაშორისო ოლიმპიური კომიტეტის პრეზიდენტი: თუ პოლიტიკა გადაწყვეტს, ვის შეუძლია მონაწილეობა მიიღოს შეჯიბრში, მაშინ სპორტი და სპორტსმენები პოლიტიკის ინსტრუმენტები გახდებიან
საერთაშორისო ოლიმპიური კომიტეტის პრეზიდენტმა, ტომას ბახმა პოლიტიკოსებს მოუწოდა, პოლიტიკა და სპორტი ერთმანეთისგან გამიჯნონ და დაიცვა საერთაშორისო ოლიმპიური კომიტეტის გეგმა 2024 წლის პარიზის თამაშებზე რუსი და ბელარუსი სპორტსმენების ჩართვის შესახებ. ინფორმაციას ამის შესახებ ტელეკომპანია CNN-ი ავრცელებს.
23 მარტი 2023, 20:20
სამართალი
სპეციალურმა საგამოძიებო სამსახურმა სამართალდამცველები ძალადობრივ დანაშაულებში ამხილა
სპეციალურმა საგამოძიებო სამსახურმა აჭარაში, სამეგრელოსა და თბილისში ჩატარებული საგამოძიებო და საპროცესო მოქმედებების შედეგად, მიმდინარე წლის იანვარ-მარტის თვეში, საქართველოს შინაგან საქმეთა სამინისტროს სამი თანამშრომელი არასათანადო მოპყრობასა და ძალადობრივ დანაშაულში ამხილა.