imedi /  06 ნოემბერი 2018, 19:40 / სანდო წყარო

იურიდიულმა კომიტეტმა უცხოელებისთვის ბინადრობის მინიჭების გამკაცრებას მხარი დაუჭირა

უცხო ქვეყნის მოქალაქეებისთვის ბინადრობის მიღება მკაცრდება

პარლამენტის იურიდიულ საკითხთა კომიტეტმა „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში ცვლილების შეტანის თაობაზე“ კანონპროექტს, მეორე მოსმენით დაუჭირა მხარი. ინფორმაციას პარლამენტის პრესსამსახური ავრცელებს.

კანონპროექტი ცვლის საინვესტიციო, მოკლევადიანი ბინადრობის ნებართვისა და D5 კატეგორიის ვიზის გაცემის წესებს. ასევე, არეგულირებს საინვესტიციო ბინადრობის ნებართვის, მოკლევადიანი ბინადრობის ნებართვის და მუდმივი ბინადრობის ნებართვის გაცემასთან დაკავშირებულ საკითხებს.

კანონპროექტის ერთ-ერთი ინიციატორის, ივლიანე წულაიას თქმით, იმისთვის, რომ უცხოელმა ერთწლიანი ბინადრობის მოწმობა აიღოს, უნდა შეიძინოს უძრავი ქონება, რომლის საბაზრო ღირებულება აღემატება 100 ათასი დოლარის ეკვივალენტს ლარში,ნაცვლად 35 ათასი აშშ დოლარის ეკვივალენტისა.

ასევე:

უცხოელს შრომითი ბინადრობის ნებართვის აღება შეეძლება იმ შემთხვევაში, თუ ის დასაქმებულია ისეთ კომპანიაში, რომელსაც აქვს არანაკლებ 50 ათასი ლარის ბრუნვა ერთ დასაქმებულ უცხოელზე. ასევე, განისაზღვრება მინიმალური ანაზღაურება თითოეული დასაქმებულისთვის და თუ შეწყდა შრომითი ურთიერთობა, კომპანიამ აუცილებლად, დაუყოვნებლივ უნდა აცნობოს იუსტიციის სამინისტროს იმისთვის, რომ გაუქმდეს შრომის ბინადრობის ნებართვა;

საინვესტიციო ბინადრობის ნებართვა გაიცემა უცხოელზე, თუ მან საქართველოში განახორციელა არანაკლებ 300 000 აშშ დოლარის ინვესტიცია, ნაცვლად 300 000 ლარისა; 

მუდმივი ბინადრობის ნებართვის აღების მსურველ უცხოელზე ასეთი ნებართვა თავიდან მხოლოდ 5 წლის ვადით გაიცემა, ოღონდ იმ შემთხვევაში, თუ აღნიშნული პირი ყოველწლიურად წარმოადგენს 120 ათასი აშშ დოლარის ეკვივალენტის ლარში ბრუნვის დამადასტურებელ დოკუმენტს; 

საინვესტიციო ბინადრობის ნებართვის მქონე უცხოელს, რომელსაც 5 წლის განმავლობაში უდასტურდება ყოველწლიური არანაკლებ 120 ათასი აშშ დოლარის ეკვივალენტი ლარში ბრუნვა და ამავე დროს, შენარჩუნებული აქვს 300 ათასი აშშ დოლარის ინვესტირება, შეეძლება აიღოს მუდმივი ბინადრობის ნებართვა.

კომიტეტმა მხარი დაუჭირა კანონპროექტის პლენარულ სხდომაზე განხილვას. 

6 ნოემბერს თბილისის მერმა და პარტია "ქართული ოცნება - დემოკრატიული საქართველოს" გენერალურმა მდივანმა კახა კალაძემ ბრიფინგზე უცხო ქვეყნის მოქალაქეებისთვის ბინადრობის უფლების მინიჭების საკითხზე განმარტება გააკეთა. 

ყველა სიახლე

მარინა ეზუგბაია

03 ივნისი 2020, 10:37

COVID19

ინფექციურ საავადმყოფოში 2 ახალი პაციენტი საბურთალოს კლასტერიდანაა

„2 პაციენტი გამოჯანმრთელდა, მათ კლინიკა უკვე დატოვეს. მძიმე პაციენტები ამ ეტაპზე აღარ გვყავს. ძირითადად საშუალო სიმძიმის პაციენტები ჭარბობს და მცირე რაოდენობით მსუბუქი მიმდინარეობით“, - აღნიშნა ეზუგბაიამ.

03 ივნისი 2020, 10:34

ეკონომიკა

Express-ი: საქართველო იმ ქვეყნებს შორისაა, რომელთაც ბრიტანეთი უსაფრთხო დასვენების მიზნით „საჰაერო ხიდის“ იდეის ფარგლებში განიხილავს

როგორც სტატიის ავტორი, დევიდ მედოქსი აღნიშნავს, გაერთიანებული სამეფოს მინისტრები წნეხის ქვეშ მოექცნენ უცხოეთის მთავრობების მხრიდან, რომლებიც კარანტინის წესების გადასინჯვას მოითხოვენ, რათა ბრიტანელებმა მიმდინარე წლის ზაფხულის პერიოდში უცხოეთში დასვენება შეძლონ.

საფრანგეთი საპროტესტო აქცია

03 ივნისი 2020, 10:25

მსოფლიო

პარიზში პოლიციის ძალადობის საწინააღმდეგო აქციაში 20 ათასმა ადამიანმა მიიღო მონაწილეობა

დემონსტრაცია პოლიციასთან შეტაკებაში გადაიზარდა. აქციის მონაწილეები სამართალდამცველებს ქვებს და ბოთლებს ესროდნენ, ცეცხლი წაუკიდეს ნაგვის ურნებს და ველოსიპედებს. პოლიციელებმა კი ცრემლსადენი გაზი და რეზინის ტყვიები გამოიყენეს. აქციები საფრანგეთის სხვა ქალაქებშიც გაიმართა.

03 ივნისი 2020, 10:16

საზოგადოება

როგორ ესხმის თავს თბილისში ყვავი მოქალაქეებს. ვიდეო

სოციალური ქსელის მომხმარებელი, ქეთი ტომარაძე „ფეისბუქზე“ ავრცელებს კადრებს თუ როგორ ესხმის თბილისში, კოსტავას ქუჩაზე ყვავი მოქალაქეებს.

კორონავირუსი

03 ივნისი 2020, 10:04

COVID19

საქართველოში კორონავირუსით კიდევ 4 ადამიანი დაინფიცირდა, 6 კი გამოჯანმრთელდა

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

03 ივნისი 2020, 09:56

მსოფლიო

ისრაელმა ბალისტიკური რაკეტები გამოსცადა

კონცერნმა Israel Aerospace Industries მოკლე რადიუსის ბალისტიკური რაკეტები გამოცადა. ამის შესახებ გამოცემა The Times of Israel წერს. გავრცელებული ინფორმაციით, რაკეტებმა სამიზნეები 90 და 400 კილომეტრიან დისტანციაზე გაანადგურეს. სარაკეტო კომპლექსი LORA კონცერნმა Israel Aerospace Industries შეიმუშავა.

03 ივნისი 2020, 09:45

COVID19

საბერძნეთმა ყატარიდან ავიარეისები შეაჩერა

ეს მას შემდეგ მოხდა, რაც დოჰადან ათენში ჩასულ 12 მგზავრს COVID19 დაუდასტურდა. მათგან 9 საბერძნეთში ბინადრობის უფლების მქონე პაკისტანის მოქალაქეა, 2 ავსტრალიიდან ჩასული საბერძნეთის მოქალაქე, ერთი კი იაპონიის. სულ კორონავირუსზე ტესტი თვითმფრინავის ბორტზე მყოფ 91 მგზავრს ჩაუტარდა.

03 ივნისი 2020, 09:35

კულტურა

აივაზოვსკის ცნობილი ტილო Sotheby's აუქციონზე £2,9 მილიონად გაიყიდა

ცნობილი რუსი მარინისტის, ივან აივაზოვსკის ტილო „ნეაპოლის ყურე“ Sotheby's აუქციონის ტოპ-ლოტი გახდა. 1878 წელს შესრულებული პეიზაჟი 2 295 000 გირვანქა სტერლინგად გაიყიდა. ლოტის საწყისი ღირებულება ორჯერ ნაკლები იყო.

03 ივნისი 2020, 09:24

სპორტი

ესპანეთის საფეხბურთო სტადიონებზე გულშემატკივრების დაშვების საკითხს განიხილავენ

ესპანეთის ჯანდაცვის სამინისტრო საფეხბურთო სტადიონებზე გულშემატკივრების დაშვების საკითხს განიხილავს. ამის შესახებ ჯანდაცვის საგანგებო სიტუაციათა დეპარტამენტის კოორდინატორმა ფერნანდო სიმონმა განაცხადა.

03 ივნისი 2020, 09:13

COVID19

რუსეთში კორონავირუსით 5 ჟურნალისტია გარდაცვლილი

რუსეთში COVID19-ით 5 ჟურნალისტია გარდაცვლილი, 500 კი ინფიცირებულია. ამის შესახებ კომუნიკაციისა და კავშირგაბმულობის მინისტრის მოადგილემ ალექსეი ვოლინმა განაცხადა.

03 ივნისი 2020, 09:05

სპორტი

ევროპის ოლიმპიური კომიტეტების პრეზიდენტი იანეზ კოჩიანჩიჩი 78 წლისა გარდაიცვალა

იანეზ კოჩიანჩიჩი 2010 წლიდან სათხილამურო სპორტის საერთაშორისო ფედერაციის ვიცე-პრეზიდენტი იყო, ევროპის ოლიმპიური კომიტეტების პრეზიდენტად კი 2013 წელს აირჩიეს.

ჯო ბაიდენი

03 ივნისი 2020, 08:53

მსოფლიო

ჯო ბაიდენი ჯორჯ ფლოიდის დაკრძალვის ცერემონიას დაესწრება

პოლიციელების მიერ მოკლული აფროამერიკელის, ჯორჯ ფლოიდის დაკრძალვის ცერემონიას ყოფილი ვიცეპრეზიდენტი ჯო ბაიდენიც დაესწრება.

03 ივნისი 2020, 08:41

მსოფლიო

გაეროს გენერალური მდივანი აშშ-ის მოვლენებზე: რასიზმი საძაგლობაა, რომელსაც ყველა ადამიანი უნდა დაუპირისპირდეს

48 წლის აფროამერიკელის, ჯორჯ ფლოიდის მკვლელობის გამო აშშ-ში მიმდინარე საპროტესტო გამოსვლებს გაეროს გენერალური მდივანი ეხმაურება.

ნიკოლ ფაშინიანი

03 ივნისი 2020, 08:33

COVID19

ნიკოლ ფაშინიანი: შეზღუდვების ხელახლა დაწესების შემთხვევაში სომხეთს ეკონომიკური კრიზისი ემუქრება

​​​​​​​კორონავირუსის საწინააღმდეგოდ მკაცრი შეზღუდვების ხელახლა დაწესების შემთხვევაში ქვეყანას ხანგრძლივი ეკონომიკური კრიზისი ემუქრება. ამის შესახებ ქვეყნის პრემიერმინისტრმა ნიკოლ ფაშინიანმა განაცხადა.

03 ივნისი 2020, 08:21

პოლიტიკა

4 ივნისს პარლამენტში საკონსტიტუციო ცვლილებების პირველი საჯარო განხილვა იწყება

პროცესი საზოგადოებრივი მაუწყებლის მეშვეობით გადაეცემა. მოქალაქეებს ონლაინ შეეძლებათ დასვან მათთვის საინტერესო კითხვები. საპარლამენტო უმრავლესობაში ვარაუდობენ, რომ კანონპროექტს სამივე მოსმენით 29 ივნისისთვის მიიღებენ.

03 ივნისი 2020, 08:15

COVID19

ამირან გამყრელიძე გუდაურის საკარანტინო სივრცეში ანალიზების არევას გამორიცხავს

გავრცელებულ ინფორმაციას რომ გუდაურის საკარანტინო სივრცეში ანალიზების არევის გამო, ნინოწმინდის მუნიციპალიტეტის სოფელ ყაურმაში კორონავირუსით ინფიცირებული კაცი აღმოჩნდა, დაავადებათა კონტროლის ცენტრში არ ადასტურებენ.

03 ივნისი 2020, 08:02

პოლიტიკა

კორონავირუსის პანდემიისას მოქმედი წესების ადმინისტრირებისთვის საკანონმდებლო ცვლილებები შემუშავდება

როგორც საპროცედურო საკითხთა და წესების კომიტეტის თავმჯდომარე გურამ მაჭარაშვილი აცხადებს, პროექტი უახლოეს დღეებში იქნება წარმოდგენილი და მას დეტალურად გააცნობენ საზოგადოებას.

03 ივნისი 2020, 01:35

COVID19

თბილისის ინფექციური საავადმყოფოდან 83 წლის გამოჯანმრთელებული პაციენტი გაწერეს

თბილისის ინფექციური საავადმყოფოდან ორი გამოჯანმრთელებული პაციენტი გაეწერა. მათ შორის ერთი, მედიკოსების შეფასებით, უმძიმესი პაციენტი იყო. მისი ჯანმრთელობის მდგომარეობა კრიტიკულად მძიმედ შეფასდა, თუმცა, ექიმების დახმარებით, 83 წლის პაციენტმა კლინიკა უკვე დატოვა.

დევიდ მაკბრაიდი ჰელენ უორდი

03 ივნისი 2020, 00:56

ტაბლოიდი

დედის მიერ მიტოვებული ირლანდიელი და-ძმა ერთმანეთს 50 წლის შემდეგ შეხვდა

დედის მიერ მიტოვებული ირლანდიელი და-ძმა ერთმანეთს 50 წლის შემდეგ შეხვდა. ინფორმაციას ამის შესახებ Daily Mail-ი ავრცელებს. 58 წლის დევიდ მაკბრაიდმა და მისმა 52 წლის დამ, ჰელენ უორდმა ერთმანეთი ტელეშოუს საშუალებით იპოვეს. დევიდ მაკბრაიდი დედამ ქუჩაში გაჩერებულ მანქანასთან 1962 წელს, ჰელენ უორდი კი სატელეფონო ჯიხურში 1968 წელს დატოვა.

03 ივნისი 2020, 00:52

COVID19

ორი დღეა, ბოლნისის მუნიციპალიტეტში კორონავირუსით ინფიცირების ახალი შემთხვევა არ დაფიქსირებულა

ბოლნისის მუნიციპალიტეტში ბოლო ორი დღის მანძილზე ახალი შემთხვევა არ დაფიქსირებულა. აქ კოვიდინფიცირების 185 დადასტურებული შემთხვევაა, მუნიციპალიტეტში 88 ადამიანი გამოჯანმრთელდა, დანარჩენი პაციენტები კი, შესაბამის დაწესებულებებში მკურნალობას მედიკოსების მეთვალყურეობის ქვეშ განაგრძობენ.