2017 წელს პლენარული სხდომები ყველაზე მეტჯერ კობა ნაყოფიამ გააცდინა

საქართველოს პარლამენტში ახალი რეგლამენტი მიიღეს, რომლის ერთ-ერთი ნაწილიც დეპუტატების მიერ სხდომების გაცდენებს არეგულირებს. როგორც დღეს პარლამენტის თავმჯდომარემ ირაკლი კობახიძემ განაცხადა, დეპუტატს, რომელიც სხდომების ნახევარზე მეტს გააცდენს, შეიძლება უფლებამოსილება შეუწყდეს.

"ფლანგვის დეტექტორის" ინფორმაციით, როდესაც პარლამენტში გაცდენების შესახებ საუბრობენ, სიის სათავეში ყოველთვის ფიგურირებს 3 მოწვევის პარლამენტარი, კობა ნაყოფია.

კობა ნაყოფიამ 2017 წელს 69-დან 62 პლენარული სხდომა გააცდინა. ასევე, გააცდინა 73 საკომიტეტო მოსმენა. კობა ნაყოფია წინა პოწვევის პარლამენტშიც ყველაზე გამცდენი კანონმდებელი იყო. 

კობა ნაყოფიას საპარლამენტო ხელფასი:
2008 - 26 697ლ.
2009 - 46401ლ.
2010 - 49172ლ.
2011 - 49206ლ
2012 - 53175ლ.
2013 - 55593ლ.
2014 - 54727ლ.
2015 - 55485ლ.
2016 - 56037ლ.
2017 - 60285ლ.

ჯამში - 506 778

-კობა ნაყოფია 1993 წლიდან ბიზნესმენია. 2004 წლამდე ის მოსკოვში მუშაობდა. შემდეგ კი, ბიზნესი გაყიდა და საქართველოში ჩამოვიდა 
-2008 წლიდან არის მაჟორიტარული დეპუტატი ბოლნისიდან. ის დეპუტატია მე-7,მე-8 და მე-9 მოწვევის პარლამენტში
-კობა ნაყოფია იყო ჰოლივუდში გადაღებული ფილმის „აგვისტოს 5 დღის“ პროდიუსერი. ფილმი დააფინანსა “ჯორჯიან ინტერნეიშენალ ფილმმა”, რომლის პარტნიორი კობა ნაყოფიას შვილია. 
-2004-დან 2006 წლამდე იყო ოქროს მომპოვებელი საწარმოს, სს “მადნეულის” და შპს “კვარციტის გენერალური დირექტორი და სამეთვალყურეო საბჭოს თავმჯდომარე. ამ ორგანიზაციებში ის და მისი ოჯახი შემდეგ პერიოდშიც ფიგურირებს. 2012 წლის ქონებრივ დეკლარაციაში კობა ნაყოფიას მითითებული აქვს, რომ მის შვილს, ნიკოლოზ ნაყოფიას ნახევარ მილიონ ლარზე მეტი ანაზღაურება აქვს მიღებული, როგორც შპს „კვარციტის“ გენერალური დირექტორის კონსულტანტს საერთაშორისო საკითხებში. 2012 წელს, ნაყოფია აცხადებდა რომ ის სს “მადნეულის” (Rich Metal Group)ის მენეჯმენტის პარტნიორია და რადგან მას, როგორც პარლამენტარს არ აქვს წილების მართვის უფლება, მისი შვილია წილების მმართველი.
-კობა ნაყოფიამ საქართველოში შერონ სტოუნი ჩამოიყვანა
-კობა ნაყოფიამ დიდ დიღომში "ვილა ლა როტონდას" ანალოგი აიშენა

პარლამენტის წევრთა საპატიო მიზეზით გაცდენები 10-ჯერ აჭარბებს არასაპატიო გაცდენებს. პარლამენტის წევრები საპარლამენტო სხდომების გაცდენისას იმიზეზებენ ავადმყოფობას, ოჯახურ მდგომარეობას, პოლიტიკურ მოსაზრებას და მივლინებაში ყოფნას.

პარლამენტართა საპატიო მიზეზით გაცდენის 68%-ის შემთხვევაში მიზეზად ოჯახური მდგომარეობაა დასახელებული. 2017 წელს, პარლამენტის წევრებმა ამ საფუძვლით ჯამში 1,430 სხდომა გააცდინეს. 

კობა ნაყოფიამ 2017 წლის განმავლობაში საპარლამენტო ხელფასის სახით 60 285 ლარი მიიღო. მთელი მისი საპარლამენტო მოღვაწეობის მანძილზე მან 506 778 ლარი მიიღო ხელფასის სახით. საპარლამენტო ვადის ამოწურვის შემდეგ კი, სიცოცხლის ბოლომდე ყოველთვიურ პენსიას მიიღებს მინიმუმ 560 ლარის ოდენობით.