როგორ შეიძლება საქართველოში შვილის აყვანა. ვიდეო

მრავალწლიანი რიგები მშობლის სტატუსისთვის და სრულფასოვანი ოჯახისთვის - როგორ რეგულირდება შვილად აყვანის და გაშვილების საკითხები საქართველოში. ამასთან დაკავშირებით სიუჟეტი "იმედის კვირამ" მოამზადა. გასაშვილებელი ბავშვების და პოტენციური მშობლების უსასრულო მოლოდინი, ხშირად შედეგის გარეშე სრულდება. პრობლემა, ათობით ოჯახს და მზრუნველობის გარეშე დარჩენილ ბავშვებს აწუხებთ.

ოფიციალური მონაცემებით, ამ დროისთვის, შვილად აყვანის მსურველი 3300 ოჯახია. რეგისტრირებულთა შორის არიან მარინა მერლიქიანი და მისი მეუღლე მერაბ ლიპარტია. სოციალური მომსახურების სააგენტოს ბაზაში 4 წლის წინ, განსაკუთრებული მოთხოვნების გარეშე დარეგისტრირდნენ, თუმცა ამ დრომდე მათ არავინ გამოხმაურებია. ასაკის მატების მიუხედავად, ლიპარტიების ოჯახი იმედს არ კარგავს, რომ ბავშვის აყვანასა და გაზრდას ისინიც მალე შეძლებენ. 

შვილად აყვანის შესახებ კანონში ბოლო ცვლილებები გასულ წელს შევიდა. მშვილებელსა და გასაშვილებელს შორის ქვედა ზღავრი 16 წელია, დაზუსტდა ზედა ზღავრიც,  მშობელსა და 10 წლამდე ასაკის გასაშვილებელ ბავშვს შორის მაქსიმალური ასაკობრივი სხვაობა 49 წელზე მეტი არ უნდა იყოს. სოციალური მომსახურების სააგენტოში შვილად აყვანის მსურველთა უსასრულო რიგს რამდენიმე მიზეზით ხსნიან, ერთერთი კი ისაა, რომ ბავშვის ბიოლოგიურ ოჯახთან შეუნარჩუნებას სახელმწიფო მაქსიმალურად ცდილობს.

ბავშვის აყვანის მსურველთა რიგში პირველი ოჯახი შვილს 17 წელია ელოდება, თუმცა მათ 4 შეთავაზებული ბავშვი ოთხჯერვე სხვადასხვა მიზეზით დაიწუნეს და სავარაუდოდ ოჯახი ბაზიდან მალე მოიხსნება.

ახალი რეგულაციების მიხედვით, თუკი მშვილებელი ოჯახი შეთავაზებულ ბავშვზე უარს ორჯერ იტყვის, ის ბაზიდან ავტომატურად ამოვარდება. სააგენტოს მონაცემებით, სამწუხარო რეალობა ისაა, რომ წლობით ნანატრი შვილის მოლოდინში მყოფი მშობლები ბავშვს ხშირად თვალის ფერის ან სქესის გამო იწუნებენ. 

სტატისტიკაში ასახული სტერეოტიპები კიდევ უფრო თავლშისაცემია განსაკუთრებული საჭიროებების მქონე ბავშვებთან მიმართებით. 223 გასაშვილებელი ბავშვიდან 152 განსანკუთრებული საჭიროების მქონეა. რიგში მდოგმი მშობლების უმრავლესობა კი ამ ბავშვებზე უარს ამბობს. მათზე ძირითადად საერთაშორისო მშვილებლები ზრუნავენ. 2017 წელს განსაკუთრებული საჭიროების მქონე 5 ბავშვი გაშვილდა, ყველა მათგანი ამერიკის მოქალქეებმა იშვილეს.