რუსთავიდან სპორტის სასახლის მიმართულებით მოძრავი მიკროავტობუსის მძღოლები გაიფიცნენ

რუსთავში, ფიროსმანის ქუჩიდან სპორტის სასახლის მიმართულებით მოძრავი მიკროავტობუსის მძღოლები კომპანია ,,ინტერტრანსისგან“ ყოველდღიური გადასახადის შემცირებას ითხოვენ. ამ მიზნით ხაზზე მოძრავი სამარშრუტო ტაქსის მძოლები გაიფიცნენ. ისინი არსებული ყოველდღიური გადასახადის, 70 ლარის, 50 ლარამდე შემცირებას ითხოვენ.

კომპანიაში აღნიშნულ ფაქტს ადასტურებენ და აცხადებენ, რომ მძღოლებთან მოლაპარაკებებს გამართავენ. „მოსახლეობას გადაადგილებასთან დაკავშირებით პრობლემები არ შეექმნებათ, რადგან კომპანიამ რუსთავიდან თბილსში მოძრავ სხვა სამარშრუტო ხაზებზე მიკროავტობუსების რაოდენობა გაზარდა. რაც შეეხება ე.წ „ალდაგის“ სამარშრუტო ხაზზე დასაქმებული მძღოლების მოთხოვნებს, მოგახსენებთ, რომ მგზავრთა სიმცირის გამო, მძღოლები ისედაც შემცირებულ გადასახადს იხდიან. კიდევ ერთხელ ვაცხადებთ რომ მზად ვართ მძღოლებთან მოლაპარაკებისთვის“, - განუცხადა Imedinews-ს კომპანია „ინტერტრანსის“ საზოგადოებასთან და მედიასთან ურთიერთობის სამსახურის ხელმზღვანელმა, სოფო ცერცვაძემ.