რაჭაში სტიქიის სალიკვიდაციო სამუშაოები მიმდინარეობს

უკვე მეორე დღეა რაჭაში სტიქიის სალიკვიდაციო სამუშაოები მიმდინარეობს.

დაზიანებული ინფრასტრუქტურის სრულ აღდგენამდე, დროებითი შემოვლითი გზები მოეწყო. პარალელურად, სპეციალური ჯგუფები ინტენსიურად განაგრძობენ მუშაობას, რათა დროულად მოხერხდეს ზემო რაჭის სოფლების წყალმომარგებისა და ელექტროენერგიის მიწოდების აღდგენა. სტიქიის ზონიდან ვერტმფრენით უკვე გამოყვანილია 100-ზე მეტი მოქალაქე.

ლაგვანთის ხიდთან სტიქიის სალიკვიდაციო სამუშაოები აქტიურად მიმდინარეობს. იქ სპეციალური ტექნიკა მუშაობს და მდინარე რიონის კალაპოტის შეცვლის სამუშოები ტარდებს. მდინარემ მის მიმდებარედ არსებული გზის სავალი ნაწილი წაიღო, სადაც ასევე წყლის მილები გადიოდა. არსებობს მათი დაზინების საფრთხეც. ამდენად, საჭირო გახდა მდინარისთვის კალაპოტის შეცვლა.

რეგიონალური განვითარებისა და ინფრასტრუქტურის მინისტრის მოადგილის, ილია ბეგიაშვილის თქმით, ამ დროისთვის ელექტროენერგია რაჭის 5 სოფელს აღუდგა. ვარაუდობს, რომ ელექტროენერგიის მიწოდება დღის ბოლომდე კიდევ სამ სოფელში აღდგება.

ასევე, აქტიურად მიმდინარეობს შემოვლითი გზის მოწყობის სამუშაოები გზის ორ მონაკვეთზე. ამ მიზნით 40 ერთეული სპეცტექნიკაა მობილიზებული. სამუშაოები რეგიონის რთული რელიეფის გამო გართულებულია. შემოვლითი გზის აღდგენას ყველა სოფელთან ცდილობენ. ხელისუფლების წარმომადგენლები სოფლის რწმუნებულებთან მუდმივ კონტაქტზე არიან და მოსახლეობის საჭიროებას აცნობენ.

ბეგიაშვილის თქმით, ონის წყალმომარაგება გუშინ დილიდან უკვე სტაბილურია.

„ვერტმფრენმა დღეს შვიდი ფრენა განახორციელა და 104 მოქალაქე გამოიყვანა. ვერტმფრენი დღესაც და სხვა დღეებშიც აქ იქნება, რათა მოთხოვნები, რაც მოსახლეობის მხრიდან არსებობს, მყისიერად დაკმაყოფილდეს.

ადგილზე იმყოფება ასევე რეგიონალური განვითარებისა და ინფრასტრუქტურის მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე.

მისი თქმით, სოფლების: ჟამიერეთისა და გომის, ასევე ნაკიეთის მიმდებარედ არსებული ხიდების აღდგენის სამუშოები ხორციელდება.

„კვლავ გამოწვევად რჩება 127-ე მონაკვეთზე, უწერის შემდეგ სამუშაოების ფრონტის გაშლა. ველოდებით, რომ მდინარე დაცხრეს“, - განაცხადა ქარსელაძემ.

ამათან, სტიქიის ზონაში მუშაობა დილიდან განაახლა სამაშველო სამსახურმა. იმ ადგილებზე, სადაც ამ დორისთვის ვერ ხერხდება გზის აღდგენა, ეს ძირითადად სამი ლოკაციაა, მოეწყო სპეციალური საბგირო მაგისტრალები, რომლის საშუალებითაც მოსახლეობას მიეწოდება პირველადი საჭიროების ნივთები და საკვები.

სტიქიის ზონაში მალე იქნება პრემიერ-მინისტრი გიორგი გახარია, რეგიონალური ინფრასტრუქტურის მინისტრ მაია ცქიტიშვილთან ერთად, რომელიც საგანგებო შტაბის სხდომას გამართავს. პრემიერ-მინისტრი არსებულ ვითარებას ადგილზე გაეცნობა.