imedi /  27 ოქტომბერი 2020, 18:37 / სანდო წყარო

გიორგი გახარია ფოთის საზღვაო აკადემიის გახსნაზე: 7 თვის წინ, აქ იყო ჩვეულებრივი ნანგრევები და ვერავინ წარმოიდგენდა, რომ ზუსტად 7 თვეში აქ შესაძლებელი იქნებოდა სასწავლო პროცესის დაწყება

გიორგი გახარია

გიორგი გახარია

დაახლოებით 7 თვის წინ, ამ შენობის ადგილზე იყო ჩვეულებრივი ნანგრევები და ვერავინ წარმოიდგენდა, რომ ზუსტად 7 თვეში აქ შესაძლებელი იქნებოდა სასწავლო პროცესის დაწყება, - ამის შესახებ საქართველოს პრემიერ-მინისტრმა გიორგი გახარიამ ფოთში, ბათუმის სახელმწიფო საზღვაო აკადემიის ფილიალის ოფიციალური გახსნის ღონისძიებაზე სიტყვით გამოსვლისას განაცხადა.

მთავრობის მეთაურმა აღნიშნა, რომ ფოთი ყოველთვის იყო საქართველოს საზღვაო კარიბჭე და მომავალშიც ეფექტურად გააგრძელებს ამ მისიას. მისივე თქმით, ეს ყველაფერი შეუძლებელია კვალიფიციური კადრების გარეშე და სწორედ ამიტომ გაიხსნა ფოთში 100 წლის ისტორიის მქონე, ბათუმის სახელმწიფო საზღვაო აკადემიის ფილიალი.

„მოგესალმებით, ბატონებო და ქალბატონებო, პატივცემულო სტუმრებო, ძვირფასო ფოთელებო! დღეს ყველა ჩვენგანისთვის, განსაკუთრებით ფოთელებისთვის, განსაკუთრებით იმ ადამიანებისთვის, ვინც პირდაპირი მონაწილეობა მიიღო ამ შენობის აღდგენაში, საზეიმო დღეა. აპრილში, დაახლოებით 7 თვის წინ, ამ შენობის ადგილზე იყო ჩვეულებრივი ნანგრევები და ვერავინ წარმოიდგენდა, რომ ზუსტად 7 თვეში აქ შესაძლებელი იქნებოდა სასწავლო პროცესის დაწყება. ამიტომ მინდა, თითოეულ ადამიანს, მშენებელს, ყველას, ვინც ამ ღონისძიებაში მცირედი წვლილი მაინც შეიტანა, უდიდესი მადლობა გადავუხადო, რამეთუ ეს არის ჩვენი მომავლის გარანტი. ეს არის ის, თუ როგორი უნდა იყოს საქართველო და ეს საგანმანათლებლო დაწესებულება არის ისეთი, როგორიც უნდა იყოს ფოთის მომავალი.

ყველას კარგად გვესმის, რომ ფოთი ყოველთვის იყო საქართველოს საზღვაო კარიბჭე, ყველას კარგად გვესმის, რომ ფოთის ფუნქცია მომავალშიც იქნება, რომ ეფექტურად გააგრძელოს აღნიშნული მისია, ეს ყველაფერი კი შეუძლებელია მაღალი კვალიფიკაციის კადრების გარეშე. სწორედ ამიტომ, აქ გაჩნდა ბათუმის, 100 წლის ისტორიის მქონე საზღვაო აკადემიის ფილიალი, რომელიც შეძლებს ერთდროულად სასწავლო პროცესი გამართოს 1 000 სტუდენტისთვის,“ - განაცხადა პრემიერმა სიტყვით გამოსვლისას.

გიორგი გახარიას თქმით, აღნიშნული დაწესებულების დამთავრების შემდეგ ქართველ მეზღვაურებს ექნებათ მაღალანაზღაურებადი სამსახურები, როგორც საქართველოში, ასევე ქვეყნის გარეთ.

„ზუსტად შვიდი თვის წინ, აპრილში, ამ შენობის ადგილზე იყო სრულიად განადგურებული ნანგრევები და დღეს აქ არის ბათუმის საზღვაო აკადემიის ფილიალი, რომელსაც 1000 სტუდენტის მომზადება შეეძლება. ესენი იქნებიან მაღალი კვალიფიკაციის ქართველი მეზღვაურები, რომელთაც ექნებათ მაღალანაზღაურებადი სამსახურები, როგორც საქართველოში, ასევე ქვეყნის გარეთ. დღეის მდგომარეობით, საქართველოში განათლება მიღებული მეზღვაურები უდიდესი მოთხოვნით სარგებლობენ საერთაშორისო ფლოტილიებზე, ისინი ცურავენ დღეს სხვადასხვა ოკეანეებში, სხვადასხვა დროშის ქვეშ და საქართველოში ყოველწლიურად მათი ეკონომიკური შემონატანი არის 140 მილიონ დოლარზე მეტი. ეს უზარმაზარი დარგია, ამიტომ, ჩვენ მივიღეთ აქ ამ საგანმანათლებლო დაწესებულების დაფუძნების და 100 წლის შემდეგ ფოთში ბრუნდება საგანმანათლებლო დაწესებულება, ამას უდიდესი მნიშვნელობა ექნება ქალაქისთვისაც“, - განაცხადა გიორგი გახარიამ.

მთავრობის მეთაურმა აღნიშნა, რომ შავი ზღვა არის საქართველოს მომავალი და საქართველოს შესაძლებლობა. მისივე თქმით, ყველაფერს, რასაც მთავრობა ამ მიმართულებით აკეთებს, აქვს უდიდესი გათვლა მომავალზე და თითოეული ლარი -დახარჯული მომავალი თაობის განათლებაში, ისეთ სპეციფიურ სფეროში, როგორიც არის საზღვაო ტრანსპორტი, არის უაღრესად მნიშვნელოვანი.

„შეუძლებელია, გადაჭარბებულად ისაუბრო იმაზე, რა მნიშვნელობა ექნება ამ სასწავლო დაწესებულებას სამეგრელოსთვის და საქართველოსთვის. აქ მომზადდებიან უმაღლესი კვალიფიკაციის ჩვენი, ქართველი მეზღვაურები, რომლებიც მინდა გაგახსენოთ, რომ დღესაც, ძალზედ წარმატებულად დაცურავენ მსოფლიოს სხვადასხვა ოკეანეებში და გარდა იმისა, რომ ასახელებენ თავის ქვეყანას, ძალზედ სერიოზული ეკონომიკური წვლილი შეაქვთ ჩვენი ქვეყნის განვითარებაში. ყოველწლიურად, საერთაშორისო ფლოტილიაში მომუშავე ქართველი მეზღვაურები, ქვეყნის ბიუჯეტში, საერთოდ საქართველოში რიცხავენ დაახლოებით 140 მლნ დოლარს. რა თქმა უნდა, ჩვენ ყოველთვის ვამბობთ, რომ პოსტპანდემიური ეკონომიკა იქნება სრულიად სხვა. ჩვენ უნდა ვიპოვოთ ქვეყნის განვითარების ყველაზე ეფექტური და ყველაზე მნიშვნელოვანი წერტილები და სწორედ ეს არის ერთ-ერთი ყველაზე მნიშვნელოვანი წერტილი. ყველას კარგად უნდა გვესმოდეს, რომ საზღვაო ტრანსპორტის განვითარება არის ქვეყნის მომავალი. ყველას კარგად უნდა გვესმოდეს, რომ შავი ზღვა არის საქართველოს მომავალი და საქართველოს შესაძლებლობა. ამიტომ, ყველაფერს, რასაც ჩვენ აქ ვაკეთებთ, აქვს უდიდესი გათვლა მომავალზე. ყველას კარგად უნდა გვესმოდეს, რომ თითოეული ლარი, დახარჯული ჩვენი მომავალი თაობის განათლებაში, ასეთ სპეციფიურ სფეროში, როგორიც არის საზღვაო ტრანსპორტი, არის უაღრესად მნიშვნელოვანი. ფოთი, როგორც ქვეყნის საზღვაო კარიბჭე, ყოველთვის იყო მნიშვნელოვანი და გახდება კიდევ უფრო მნიშვნელოვანი. საქართველოს შავიზღვისპირეთის საპორტო ინფრასტრუქტურა არის ქვეყნის, მთავრობის პრიორიტეტი და მომავალი წლების განმავლობაში, რა თქმა უნდა, ჩვენ ყველაფერს გავაკეთებთ იმისთვის, რომ პირველ რიგში, განვითარდეს ფოთი, განვითარდეს ასევე ანაკლია და ყველა ის საზღვაო პროექტი, რომელიც ქვეყანას გააჩნია, იმიტომ, რომ სხვაგვარად შეუძლებელია ჩვენი ქვეყნის ყველაზე მნიშვნელოვანი რესურსის, ჩვენი გეოგრაფიული მდებარეობის გადათარგმნა თითოეული ჩვენი მოქალაქისთვის რეალურ შემოსავლებში. სხვანაირად შეუძლებელია ქვეყნის, როგორც ლოგისტიკური პლატფორმის, ლოგისტიკური ჰაბის განვითარება და ამ საგანმანათლებლო დაწესებულებამ, ფოთმა, ფოთის პორტმა უაღრესად დიდი მნიშვნელობა უნდა შეიტანონ ამ საქმეში,“- განაცხადა გიორგი გახარიამ.

პრემიერის თქმით, მომავალი 4 წელი იქნება ფოთის აღმშენებლობის წლები.

„რადგან ფოთში ვართ, მინდა გითხრათ, რომ მე ერთხელ უკვე ვთქვი და ხაზგასმით მინდა გავიმეორო, მომავალი 4 წელი იქნება ფოთის აღმშენებლობის წლები. გარდა იმისა, რომ აქ დაიწყება და დასრულდება ახალი საპორტო ინფრასტრუქტურის და ტერმინალის მშენებლობა, გარდა იმისა, რომ მოეწყობა შემოვლითი გზა იმისთვის, რომ ჩვენმა მოქალაქეებმა, ფოთელებმა ცოტა უფრო კომფორტულად იცხოვრონ ყოველდღიურად და ეს სატვირთო ტრანსპორტი არ მოძრაობდეს შუა ქალაქში. მე მესმის, რომ ბევრი ინფრასტრუქტურული პროექტი, სამწუხაროდ, ფოთში განსაკუთრებით დროში გაგვეჭიმა. ვერ მოხდა დროულად საგზაო ინფრასტრუქტურის, წყალმომარაგების, წყალარინების სისტემების რეაბილიტაცია და წესრიგში მოყვანა, თუმცა მინდა თითოეულ თქვენგანს დავპირდე კიდევ ერთხელ, რომ მომავალი 4 წელი იქნება ფოთის აღმშენებლობის წლები და ყველას კარგად უნდა გვესმოდეს, რომ ეს არის ჩვენი საერთო საქმე, ჩვენ ყველამ ერთად უნდა გავაკეთოთ ეს. რაც შეეხება ამ საგანმანათლებლო დაწესებულებას, მე მინდა საქართველოს თითოეულ მოქალაქეს, ახალგაზრდა მოქალაქეს, რომელსაც ჯერ არ აქვს გადაწყვეტილი და არ აქვს არჩეული პროფესია, მივმართო და ვურჩიო, ყურადღება გაამახვილონ ფოთის საზღვაო აკადემიაზე, ბათუმის საზღვაო აკადემიის ფილიალზე, რომელიც 2021 წლიდან შეძლებს 1 000 სტუდენტს უმასპინძლოს. ეს არის ერთ-ერთი ყველაზე პერსპექტიული პროფესია, ეს არის ჩვენი ქვეყნის მომავალთან დაკავშირებული პროფესია, ეს არის საქართველოს საზღვაო-სატრანსპორტო ინფრასტრუქტურის განვითარების მომავალთან დაკავშირებული პროფესია და რაც მთავარია, ეს არის პროფესია, რომელმაც უნდა მოგვცეს იმის შესაძლებლობა, რომ განვავითაროთ ქვეყანა, საქართველო, როგორც ყველაზე მნიშვნელოვანი ლოგისტიკური ჰაბი რეგიონში. კიდევ ერთხელ მინდა, მადლობა გადავუხადო ყველა იმ ადამიანს, რომელმაც მონაწილეობა მიიღო ამ ღონისძიებაში, მინდა წარმატებები ვუსურვო პედაგოგებს, რომლებიც იმუშავებენ, იშრომებენ ამ საგანმანათლებლო დაწესებულებაში და მინდა, წარმატებები ვუსურვო იმ პირველ სტუდენტებს, რომლებიც 2021 წლიდან დაიწყებენ სწავლას ამ დაწესებულებაში, დაასრულებენ და ექნებათ შესაძლებლობა, ასახელონ საქართველო საერთაშორისო ფლოტილიაზე. ამ ყველაფერს ძალიან დიდი მნიშვნელობა აქვს, გილოცავთ და მინდა კიდევ ერთხელ გადაგიხადოთ მადლობა,“- განაცხადა პრემიერ-მინისტრმა.

ფოთის საზღვაო სასწავლო-საწვრთნელი ცენტრი საქართველოს პრემიერ-მინისტრმა ეკონომიკისა და მდგრადი განვითარების მინისტრ ნათია თურნავასა და საზღვაო ტრანსპორტის სააგენტოს ხელმძღვანელ თამარ იოსელიანთან ერთად გახსნა. ღონისძიებას ცენტრალური და ადგილობრივი ხელისუფლების წარმომადგენლები, დონორები და საზღვაო ინდუსტრიის წარმომადგენლები დაესწრნენ.

თანამედროვე ტექნოლოგიური სტანდარტებით აღჭურვილი ფოთის საზღვაო სასწავლო-საწვრთნელი ცენტრი 1 000 სტუდენტზეა გათვლილი. სასწავლებელში 250-მდე ადამიანი დასაქმდება, რომელთა უმრავლესობა ადგილობრივი იქნება.

საზღვაო სასწავლებელი პროფესიულ საგანმანათლებლო პროგრამებზე სტუდენტებს 2021 წლიდან მიიღებს, მიმდინარე წელს კი, მსურველები მოკლევადიანი სასწავლო კურსების გავლას შეძლებენ.

ბათუმის სახელმწიფო საზღვაო აკადემიის ფოთის ფილიალის გახსნის ინიციატივა პრემიერ-მინისტრ გიორგი გახარიას ეკუთვნის. საზღვაო სასწავლებლისთვის კულტურული მემკვიდრეობის ძეგლის სტატუსის მქონე, ჰიდრომელიორაციული ტექნიკუმის შენობა გამოიყო, რომელიც ფაქტობრივად დანგრევის პირას იყო. შენობას სრული რეაბილიტაცია ჩაუტარდა და პირვანდელი სახე მაქსიმალურად დაუბრუნდა.

ყველა სიახლე

04 დეკემბერი 2020, 14:52

სპორტი

ტანვარჯიშის ფედერაციის პრეზიდენტად კონსტანტინე ლაშხი აირჩიეს

თბილისში, ტანვარჯიშის ახალ არენაზე, საქართველოს ტანვარჯიშის სახეობათა ეროვნული ფედერაციის საანგარიშო–საარჩევნო ყრილობა გაიმართა. ფედერაციის ხელმძღვანელობის 2020–2024 წლის არჩევნების შედეგები ასეთია: პრეზიდენტი - კონსტანტინე ლაშხი...

ლევან რატიანი

04 დეკემბერი 2020, 14:51

საზოგადოება

ლევან რატიანისა და მისი მეუღლის ონლაინ-შეხვედრა და აცრემლებული რატიანი. ვიდეო

გადაცემაში სტუმრობის დროს პირდაპირ ეთერში მისი მეუღლე და შვილები ჩართეს, რაც ლევან რატიანისთვის მოულოდნელი აღმოჩნდა, ემოცია ვეღარ შეიკავა და ცრემლები წამოუვიდა.

04 დეკემბერი 2020, 14:50

პოლიტიკა

აჭარის უმაღლესმა საარჩევნო კომისიამ საპარლამენტო არჩევნების შედეგები შეაჯამა

აჭარის უმაღლესმა საარჩევნო კომისიამ 31 ოქტომბრის არჩევნების შედეგები შეაჯამა. პროპორციული სიით ხუთპროცენტიანი ბარიერი მხოლოდ ორმა სიუბიექტმა „ქართულმა ოცნებამ” და „ნაციონალურმა მოძრაობამ“ გადალახა.

04 დეკემბერი 2020, 14:49

რეგიონი

ბათუმის პორტიდან 300 ტონა ციტრუსის გადაზიდვა განხორციელდა

აჭარიდან უკვე ექსპორტირებულია 7000 ტონა სტანდარტული მანდარინი. დღეს ბათუმის პორტიდან გემი „კაუნასით'“ 300 ტონა ციტრუსის გადაზიდვა განხორციელდა, - ამის შესახებ ინფორმაციას აჭარის მთავრობის პრესსამსახური ავრცელებს. მათივე ინფორმაციით, თორნიკე რიჟვაძე სოფლის მეურნეობის მინისტრთან ერთად ბათუმის პორტში ექსპორტის მიმდინარეობის პროცესს ადგილზე გაეცნო. წელს პროდუქტი მაღალი ხარისხით გამოირჩევა, რაც მაღალ საბაზრო ფასს განაპირობებს.

მამუკა მდინარაძე

04 დეკემბერი 2020, 14:37

პოლიტიკა

მამუკა მდინარაძე: „ნაცმოძრაობა“ ხშირად საუბრობს მოსყიდვაზე, მაგრამ ფაქტები მხოლოდ მათ წინააღმდეგაა

საპარლამენტო უმრავლესობის ლიდერი, მამუკა მდინარაძე, „ქართული ოცნების“ ცენტრალურ ოფისში გამართულ ბრიფინგზე ისნის საოლქო-საარჩევნო კომისიის თავმჯდომარის მიმართ ჯგუფურად განხორციელებული იძულების, მუქარისა და ქრთამის მიცემის ფაქტზე, მოპოვებული მტკიცებულებების ნაწილის გასაჯაროვებას გამოეხმაურა. მისი თქმით, არაერთი ფაქტი ადასტურებს, საარჩევნო პერიოდში, ოპოზიციის მიერ მოქალაქეებზე ზეწოლასა და მოსყიდვის შემთხვევებს.

ჯო ბაიდენი

04 დეკემბერი 2020, 14:31

მსოფლიო

ჯო ბაიდენი: ინაუგურაციაზე ტრამპის ყოფნას სიმბოლური დატვირთვა ექნება

აშშ-ის არჩეული პრეზიდენტის, ჯოზეფ ბაიდენის მთქმით, მისთვის მნიშვნელობა არ აქვს, დაესწრება თუ არა ტრამპი ინაუგურაციის ცერემონიას. „ინაუგურაციაზე მის ყოფნას სიმბოლური დატვირთვა ექნება, რადგანაც ეს ქვეყანაში ქაოსის დასრულების და ხელისუფლების მშვიდობიანად გადაცემის დემონსტრირება იქნება“ -აღნიშნა ბაიდენმა CNN-თან ინტერვიუში.

მამუკა მდინარაძე

04 დეკემბერი 2020, 14:26

პოლიტიკა

მამუკა მდინარაძე: რიგგარეშე თუ ვადამდელი არჩევნები ჩვენი მხრიდან არც განიხილება და ამის შესახებ ზუსტი ინფორმაცია აქვთ ჩვენს ოპონენტებს

„მესამე რაუნდი ჯერ არ არის გადაწყვეტილი“, - ამის შესახებ „ქართული ოცნების“ ერთ-ერთმა ლიდერმა მამუკა მდინარაძემ განაცხადა. მამუკა მდინარაძე იმედოვნებს, რომ ოპოზიციაშიც საღი აზრი გაიმარჯვებს, გარკვეული შეთანხმება შედგება და ისინი პარლამენტში შევლენ.

მეუფე იაკობი

04 დეკემბერი 2020, 14:25

საზოგადოება

მეუფე იაკობი კორონავირუსზე: საშინლად ბევრი მსხვერპლია მსოფლიოსა და ჩვენს ქვეყანაში, თუ მივეჩვიეთ მარტო ჩამონათვალს, რამდენი გარდაიცვალა, ადამიანობას დავკარგავთ

საშინლად ბევრი მსხვერპლია მსოფლიოსა და ჩვენს ქვეყანაში. ეს არ უნდა იყოს სტატისტიკა. ჩვენ თუ მივეჩვიეთ მარტო ჩამონათვალს, რამდენი გარდაიცვალა, ადამიანობას დავკარგავთ, - ამის შესახებ ბოდბელმა ეპისკოპოსმა, მეუფე იაკობმა ქადაგებისას განაცხადა. მისი თქმით, ქვეყანაში პანდემიასთან ერთად, მძიმე ეკონომიკური სიტუაციაა შექმნილი.

მამუკა მდინარაძე

04 დეკემბერი 2020, 14:16

პოლიტიკა

მამუკა მდინარაძე: ჯანდაცვის სისტემაზე, მის პირველ პირზე თავდასხმა იგივეა, რომ საომარი მდგომარეობის დროს თავდაცვის მინისტრს დაესხა თავს

კრიტიკა ყოველთვის ბუნებრივი და მისაღებია, თუმცა ამ შემთხვევაში ჩემი სუბიექტური აზრია, რომ ჯანდაცვის სისტემაზე, მის პირველ პირზე თავდასხმა, რიგ შემთხვევებში გამოგონილი ამბებით არის იგივე, რომ საომარი მდგომარეობის დროს თავდაცვის მინისტრს დაესხა თავს და მიზანმიმართული კამპანია გააჩაღო მის წინააღმდეგ, ახლა ამის დრო არ არის, - ამის შესახებ „ქართული ოცნების“ ცენტრალურ ოფისში გამართულ ბრიფინგზე საპარლამენტო უმრავლესობის ლიდერმა, მამუკა მდინარაძემ განაცხადა.

მამუკა მდინარაძე

04 დეკემბერი 2020, 14:15

პოლიტიკა

მამუკა მდინარაძე ოპოზიციაზე: ვიმედოვნებთ, რომ საბოლოო გადაწყვეტილებას სახელმწიფოსა და საზოგადოების სასარგებლოდ მიიღებენ

არის შიდა დუღილი, ამას ყველა ვგრძნობთ, ყველა ვხედავთ ყოველდღიურ რეჟიმში. ისინი ცდილობენ, ამ შიდა დაპირისპირებისა და განხეთქილებების შესახებ ამბები გარეთ არ გამოვიდეს, მაგრამ ფაქტია, რომ შიდა დუღილი არის, - ამის შესახებ „ქართული ოცნების“ ცენტრალურ ოფისში გამართულ ბრიფინგზე საპარლამენტო უმრავლესობის ლიდერმა, მამუკა მდინარაძემ „გირჩის“ ლიდერის, ზურაბ ჯაფარიძის გადაწყვეტილების შესახებ საუბრისას განაცხადა.

მამუკა მდინარაძე

04 დეკემბერი 2020, 14:15

COVID19

მამუკა მდინარაძე: ერთად დგომით ამ გამოწვევასაც მალე დავძლევთ და ცხოვრებისა და ქვეყნის განვითარების ნორმალურ რითმს დავუბრუნდებით

„მოვუწოდებთ თითოეულ მოქალაქეს მაქსიმალურად გაუფრთხილდნენ საკუთარ თავს, ოჯახის წევრებს და თანამოქალაქეებს, მკაცრად დაიცვან წესები. სამწუხაროდ, შეზღუდვების მიუხედავად, ჯერ კიდევ ფიქსირდება სუფრები და თავყრილობები ოჯახებში, ასევე ფიქსირდება თვითიზოლაციაში მყოფი პირების წესების დარღვევით გადაადგილება ქალაქებსა თუ სოფლებში“.

მამუკა მდინარაძე

04 დეკემბერი 2020, 14:10

პოლიტიკა

მამუკა მდინარაძე: ამ მძიმე ეპიდემიოლოგიურ სიტუაციაში, ჯანდაცვის სისტემასა და ექიმებზე ორკესტრირებული შეტევა სრულიად გაუმართლებელია

დღეს, მთელი მსოფლიო ებრძვის პანდემიას და ყველამ ვიცით, რომ ჩვენზე ბევრად მდიდარ და ძლიერ ქვეყნებს უჭირთ კორონავირუსის შედეგებთან გამკლავება. ამ მძიმე ეპიდემიოლოგიური სიტუაციაში, ჯანდაცვის სიტემასა და ექიმებზე ორკესტრირებული შეტევა, რომლებიც ყოველდღიურად იბრძვიან ჩვენი თანამოქალაქეების სიცოცხლის გადასარჩენად, არის სრულიად გაუმართლებელი, - ამის შესახებ „ქართული ოცნების“ ცენტრალურ ოფისში გამართულ ბრიფინგზე საპარლამენტო უმრავლესობის ლიდერმა, მამუკა მდინარაძემ განაცხადა.

მაქსიმ სტეპანოვი

04 დეკემბერი 2020, 13:59

COVID19

უკრაინის ჯანდაცვის მინისტრი: რუსული ვაქცინა არ არსებობს

„არაერთხელ ვთქვი, რომ რუსული ვაქცინა არ არსებობს. ისინი ამბობენ, რომ დაარეგისტრირეს ვაქცინა, რომელიც გამოცდის მესამე ეტაპს გადის. აქ უკვე კომენტარიც ზედმეტია, რადგანაც მესამე ეტაპი ყველაზე ხანგრძლივი ეტაპია და ვაქცინის უსაფრთხოების გარანტიის თვალსაზრისით უმნიშვნელოვანესია“, - აღნიშნა მინისტრმა.

04 დეკემბერი 2020, 13:57

COVID19

სომხეთში კორონავირუსის 1,184 შემთხვევა გამოვლინდა

სომხეთში კორონავირუსი კიდევ 1,184 ადამიანს დაუდასტურდა, 23 ინფიცირებული გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 139,692 შემთხვევა დადასტურდა, გარდაიცვალა 2,277 ადამიანი, გამოჯანმრთელდა - 114,990.

04 დეკემბერი 2020, 13:55

COVID19

უკრაინაში კორონავირუსის 15,131 შემთხვევა დადასტურდა

ბოლო 24 საათის განმავლობაში უკრაინაში კორონავირუსი კიდევ 15,131 ადამიანს დაუდასტურდა, 235 ინფიცირებული კი გარდაიცვალა. ინფორმაციას ქვეყნის ჯანდაცვის სამინისტრო ავრცელებს. ჯამში ქვეყანაში კორონავირუსი 787,891 ადამიანს დაუდგინდა. COVID-19-ს სულ 13,195 პაციენტი ემსხვერპლა, 397,809 ინფიცირებული კი გამოჯანმრთელდა.

ნათია თურნავა

04 დეკემბერი 2020, 13:54

ეკონომიკა

ნათია თურნავა: მისასალმებელია, რომ საქართველო კიდევ ერთ საერთაშორისო რეიტინგში დასახელდა საუკეთესო ქვეყნებს შორის

ამ კვირაში საქართველო კიდევ ერთ საერთაშორისო რეიტინგში დასახელდა საუკეთესო ქვეყნებს შორის - გლობალური მდგრადი კონკურენტუნარიანობის საერთაშორისო რეიტინგში ჩვენი ქვეყანა მსოფლიოს 40 ქვეყანას შორის 37-ე პოზიციაზეა, - ამის შესახებ ეკონომიკისა და მდგრადი განვითარების მინისტრმა ნათია თურნავამ SolAbility-ს გლობალური მდგრადი კონკურენტუნარიანობის ინდექსის შეფასებისას განაცხადა.

იაგო ხვიჩია

04 დეკემბერი 2020, 13:53

პოლიტიკა

იაგო ხვიჩია: არ ვიცი, ზურაბ ჯაფარიძეს რა დაემართა

ზოგადად, მე და ზურა სამყაროს ერთნაირად ვუყურებთ და შეუძლებელია, აზრთა სხვადასხვაობა ყოფილიყო, მგონია, რომ ეს არის მოწმენდილ ცაზე მეხი ჩვენთვის, - ასე გამოეხმაურა „გირჩის“ წევრი იაგო ხვიჩია ზურაბ ჯაფარიძის განცხადებას. მისი თქმით, სოციალურ ქსელში გავრცელებული ზურაბ ჯაფარიძის პოსტის საბაბი მისთვის უცნობია.

04 დეკემბერი 2020, 13:52

COVID19

რუსეთში კორონავირუსის 27,403 შემთხვევა გამოვლინდა

რუსეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 27,403 ახალი შემთხვევა დადასტურდა. ბოლო 24 საათის განმავლობაში, რუსეთში კორონავირუსს 569 ადამიანი ემსხვერპლა.

ირმა ნადირაშვილი

04 დეკემბერი 2020, 13:48

პოლიტიკა

ირმა ნადირაშვილი: განხეთქილება ოპოზიციურ სპექტრში, თუნდაც კონკრეტული პარტიის ირგვლივ, პროცესისთვის სასარგებლო არ არის

ოპოზიციურ პარტიებში მიმდინარე საქმეები არის კონკრეტულად ამ ოპოზიციური პარტიის შიდა სამზარეულო, თუმცა, რა თქმა უნდა, გავლენას იქონიებს საერთო სურათზე, - ამის შესახებ „ევროპული საქართველოს“ წევრმა, ირმა ნადირაშვილმა განაცხადა. „ზოგადად, განხეთქილება ოპოზიციურ სპექტრში, თუნდაც რომელიღაც კონკრეტული პარტიის ირგვლივ, ამ პროცესებისთვის არ არის სასარგებლო. თუმცა, მე თავს შევიკავებ ნებისმიერი წინასწარი მოლოდინის თქმისგან და დაველოდები, „გირჩი“ რა განცხადებას გააკეთებს“, - განაცხადა ნადირაშვილმა.

04 დეკემბერი 2020, 13:46

ტექნოლოგიები

საქართველოში საერთაშორისო IT კომპანიები შემოდიან

იმისათვის, რომ კომპანიამ საგადასახადო შეღავათებით ისარგებლოს, უნდა ჰქონდეს ნებადართული საქმიანობის არანაკლებ 2 წლის გამოცდილება, ასევე შეიძლება იყოს არარეზიდენტი საწარმოს წარმომადგენელი საქართველოში, თუ აქვს ნებადართული საქმიანობის არანაკლებ 2 წლის გამოცდილება.