გუბაზ სანიკიძე მაგისტრატი მოსამართლის წინაშე გამოკითხვას მოითხოვს

პოლიტიკური მოძრაობა „გამარჯვებული საქართველოს“ წევრი გუბაზ სანიკიძე მაგისტრი მოსამართლის წინაშე გამოკითხვას მოითხოვს. პოლიტიკოსი შსს-ს უნდობლობას უცხადებს.

„არ გამოვრიცხავ არა მარტო პოლიტიკურ რეპრესიებს, არამედ ფიზიკურ განადგურებასაც“, - განუცხადა „ქრონიკას“ გუბაზ სანიკიძემ. 

ჩვენებას სასამართლოში, მაგისტრატი მოსამართლის თანდასწრებით მისცემს „ერთიანი ნაციონალური“ მოძრაობის წევრი ხატია დეკანოიძეც. ჯერ უცნობია, როდის დაიბარებენ მას სასამართლოში გამოკითხვაზე.

შინაგან საქმეთა სამინისტრომ ხატია დეკანოიძე, ბაჩუკი ქარდავა, გუბაზ სანიკიძე და ირაკლი ღლონტი გამოკითხვაზე გუშინ დაიბარა. უწყების ცნობით, ოპოზიციური პარტიების წარმომადგენლები სამინისტროში გამოკითხვაზე 12 ივლისს არიან დაბარებულები.

შსს-ში გამოკითხვაზე დაბარება 20-21 ივნისის მოვლენებს უკავშირდება.

20 ივნისს საღამოს პარლამენტთან მშვიდობიანი აქციის შემდეგ, მომიტინგეების ნაწილმა შენობაში შეჭრა შტურმით სცადა. სპეცრაზმმა აქციის დაშლა დაიწყო და რამდენჯერმე გამოიყენა ცრემლმდენი გაზი, წყლის ჭავლი და რეზინის ტყვიები. შედეგად საავადმყოფოში გადაიყვანეს 240 ადამიანი, მათგან 80 სამართალდამცველი, 4 ადამიანს თვალი დაუზიანდა, ერთმა მოქალაქემ და ერთმა სამართალდამცველმა კი დაკარგა.

რუსთაველის გამზირზე აქცია მას შემდეგ დაიგეგმა, რაც პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა. ამ ფაქტს საპროტესტო აქციების ტალღა და პარლამენტის თავმჯდომარის, ირაკლი კობახიძის გადადგომა მოჰყვა. 

20-21 ივნისის აქციების საქმის გამოძიების დასრულებამდე შსს-ს განსაკუთრებულ დავალებათა დეპარტამენტის უფროსს უფლებამოსილება შეუჩერდა.