Imedi /  16 ივლისი 2019, 15:53 / სანდო წყარო

ბაჩუკი ქარდავა მაგისტრატი მოსამართლის თანდასწრებით გამოკითხეს

ბაჩუკი ქარდავა

ბაჩუკი ქარდავა

"გავრცელდა ინფორმაცია, რომ ეს იყო გამოკითხვა, თუმცა ეს იყო დაკითხვა და მოსამართლემ ამის შესახებ დამიდასტურა დაკითხვის ბოლოს", - ამის შესახებ "ეროვნულ-დემოკრატიული პარტიის" ლიდერმა ბაჩუკი ქარდავამ განაცხადა.

ქარდავას გამოკითხვა მაგისტრატი მოსამართლის თანდასწრებით უკვე დასრულდა. მისი ინფორმაციით, შეკითხვები ინტერპრეტაციის საშუალებას იძლეოდა და გამოძიებას ძირითადად აინტერესებდა, იყო თუ არა 20 ივნისის აქცია ორგანიზებული, რაზეც ქარდავა პასუხობს, რომ აქცია სრულიად სპონტანური იყო. ქარდავას გამოკითხვისას პოლიტიკურ ლიდერებსა და მათ მოწოდებებზეც ჰკითხეს, თუმცა მისი თქმით, ნიკანორ მელიასთან დაკავშირებით შეკითხვები არ ყოფილა.

ბაჩუკი ქარდავას განმარტებით, მან გამოკითხვის დროს საკუთარი ინიციატივით ისაუბრა ნიკა მელიას შესახებ. მისივე ინფორმაციით, გამოძიებას შეკითხვები არც სამართალდამცველთა გადაცდომებზე ჰქონია.

"ეროვნულ დემოკრატიული პარტიის" ლიდერი ბაჩუკი ქარდავა თბილისის საქალაქო სასამართლოში 20-21 ივნისის მოვლენებთან დაკავშირებით მაგისტრატ მოსამართლესთან გამოკითხვაზე რამდენიმე საათის წინ მივიდა. 

საქმე ეხება 20-21 ივნისის მოვლენებს, რის გამოც გამოძიება სსკ-ის ორი, 225-ე და 315 მუხლებით მიმდინარეობს, რაც ჯგუფური ძალადობის ორგანიზებას, ამბოხებას, სახელმწიფო ხელისუფლების ძალადობრივ დამხობას გულისხმობს.

20 ივნისს საღამოს პარლამენტთან მშვიდობიანი აქციის შემდეგ, მომიტინგეების ნაწილმა შენობაში შეჭრა სცადა. სპეცრაზმმა აქციის დასაშლელად რამდენჯერმე გამოიყენა ცრემლმდენი გაზი, წყლის ჭავლი და რეზინის ტყვიები. შედეგად სასწრაფო დახმარების ჯგუფებმა საავადმყოფოში 240 ადამიანი გადაიყვანეს, მათგან 80 სამართალდამცველი იყო, რეზინის ტყვიებისგან დაშავდა მედიის 38 წარმომადგენელი, აქციის 4 მონაწილეს თვალი დაუზიანდა, ერთმა მოქალაქემ და ერთმა სამართალდამცველმა კი თვალი დაკარგეს.

რუსთაველის გამზირზე აქცია მას შემდეგ დაიგეგმა, რაც პარლამენტის თავმჯდომარისთვის განკუთვნილი ადგილიდან მართლმადიდებლური საპარლამენტთაშორისო ასამბლეის წევრებს სიტყვით რუსეთის დუმის კომუნისტური პარტიის წევრმა სერგეი გავრილოვმა მიმართა. ამ ფაქტს საპროტესტო აქციების ტალღა და პარლამენტის თავმჯდომარის, ირაკლი კობახიძის გადადგომა მოჰყვა. 

20-21 ივნისის აქციების საქმის გამოძიების დასრულებამდე შსს-ს განსაკუთრებულ დავალებათა დეპარტამენტის უფროსს უფლებამოსილება შეუჩერდა.

ყველა სიახლე

07 აპრილი 2020, 21:14

მსოფლიო

იტალიაში ქალი დააჯარიმეს, რომელიც დღის განმავლობაში მაღაზიაში 11-ჯერ შევიდა

იტალიელმა პოლიციელებმა ქალი დააჯარიმეს, რომელიც დღის განმავლობაში მაღაზიაში 11-ჯერ შევიდა. ამის შესახებ პორტალი Ilgiornale იტყობინება. ინციდენტი ქალაქ გრადოში მოხდა. სამართალდამცველებმა ქალს ორჯერ სიტყვიერი გაფრთხილება მისცეს, სახლში დარჩენილიყო, მას შემდეგ კი რაც მაღაზიაში მეთერთმეტედ დააპირა შესვლა, 280 ევროს ოდენობით ჯარიმა გამოუწერეს.

კეილი მაკენენი

07 აპრილი 2020, 21:11

მსოფლიო

კეილი მაკინანი დონალდ ტრამპის პრესმდივნად დაინიშნა

დონალდ ტრამპის საარჩევნო კამპანიის ოფიციალური წარმომადგენელი კეილი მაკინანი თეთრი სახლის ოფიციალურ წარმომადგენელად დაინიშნა. 31 წლის კეილი მაკინანი ჰარვარდის უნივერსიტეტის იურიდიული ფაკულტეტის კურსდამთავრებულია.

ნატო გემები საქართველო

07 აპრილი 2020, 21:10

თავდაცვა

ფოთის პორტში ნატოს 4 ხომალდი შემოვიდა

„ვიზიტის ფარგლებში, შინაგან საქმეთა სამინისტროს სასაზღვრო პოლიციის სანაპირო დაცვის ხომალდები „ოჩამჩირე“ [P23] და „დიოსკურია“ [P25] და ნატოს მუდმივმოქმედი მეორე საზღვაო შენაერთის ხომალდები ერთობლივ წვრთნებს ჩაატარებენ. წვრთნების მიზანია ნატოსა და საქართველოს სანაპირო დაცვის ხომალდების ურთიერთმოქმედებისა და ურთიერთთავსებადობის დონის ამაღლება. შენაერთის ვიზიტი საქართველოში ჯანდაცვის მსოფლიო ორგანიზაციისა და დაავადებათა კონტროლის ეროვნული ცენტრის რეკომენდაციების სრული დაცვით ხორციელდება. ახალი კორონავირუსის (COVID-19) შესაძლო გავრცელების პრევენციის მიზნით, გაუქმებულია საჯარო და კულტურული ღონისძიებები“, - ნათქვამია შსს-ს მიერ გავრცელებულ განცხადებაში.

07 აპრილი 2020, 20:52

COVID19

ექიმებს რომელთაც ინფიცირებულ ინფექციონისტთან ჰქონდათ კონტაქტი განმეორებითი ტესტირება ხვალ ჩაუტარდებათ

საჩხერის სამედიცინო ცენტრის 10 მედიკოსს, ვისაც უშუალო კონტაქტი ჰქონდა ინფიცირებულ ინფექციონისტთან, კიდევ ერთი საკონტროლო ტესტი ხვალ ჩაუტარდება. სამედიცინო ცენტრის დირექტორის მიხეილ ქამუშაძის თქმით, ვირუსისთვის დამახასიათებელი სიმპტომი არცერთ მათგანს აქვს, თუმცა ისინი კვლავ იზოლაციაში რჩებიან. ქოვიდ-19 დიაგნოზით კლინიკაში 3 პაციენტი მკურნალობს. ყველა მათგანთან დაავადება ამ ეტაპზე უსიმპტომოდ მიმდინარეობს. საჩხერის კარანტინიდან დღეს 4 მოქალაქე გაეწერა და კარანტინში მხოლოდ 12 პირი იმყოფება.

07 აპრილი 2020, 20:48

COVID19

ბოლო 24 საათში იტალიაში გამოჯანმრთელებულთა რიცხვმა ინფიცირებულთა რიცხვს გადააჭარბა

იტალიის სამოქალაქო თავდაცვის სამსახურის მონაცემებით, ბოლო 24 საათის განმავლობაში იტალიაში კორონავირუსით 604 ადამიანი გარდაიცვალა, ინფიცირების 880 ახალი შემთხვევა დაფიქსირდა, ხოლო 1555 ადამიანი კი გამოჯანმრთელდა.

პოლიცია

07 აპრილი 2020, 20:46

სამართალი

ქუთაისში სწრაფი ჩარიცხვის აპარატის ქურდობაში მონაწილე პირი იდენტიფიცირებულია

ქუთაისში სწრაფი ჩარიცხვის აპარატის ქურდობაში მონაწილე პირი იდენტიფიცირებულია. ამის შესახებ imedinews-ს შინაგან საქმეთა სამინისტროში განუცხადეს.

კორონავირუსი

07 აპრილი 2020, 20:30

COVID19

ამერიკელი მეცნიერების პროგნოზით ევროპაში COVID 19-ით 151 ათას ადამიანზე მეტი დაიღუპება

IHME-ს შეფასებით, ლეტალური შემთხვევების უდიდესი ნაწილი დიდი ბრიტანეთში დაფიქსირდება, სადაც აგვისტომდე სავარაუდოდ 66 ათასი ადამიანი დაიღუპება, სიკვდილიანობის პიკი კი 17 აპრილს არის მოსალოდნელი. ინსტიტუტში ასევე აცხადებენ, რომ სოციალური დისტანციის მხრივ დაწესებული შეზღუდვების მოხსნა სიტუაციას გაართულებს, მეორე ტალღის რისკის შესამცირებლად კი მასობრივი ტესტირება, ინფიცირებულების კონტაქტების გამოკვლევა და კარანტინია აუცილებელი.

მაიკ პომპეო

07 აპრილი 2020, 20:24

COVID19

აშშ-მა მსოფლიოში კორონავირუსთან საბრძოლველად 225 მილიონი დოლარი გამოყო

შეერთებულმა შტატებმა მთელ მსოფლიოში კორონავირუსთან საბრძოლველად ჰუმანიტარული, სამედიცინო და ეკონომიკური დახმარების სახით 225 მილიონი დოლარი გამოყო. ამის შესახებ სახელმწიფო მდივანმა მაიკ პომპეომ განაცხადა. „მზად ვართ დამატებით 225 მილიონი დოლარი გამოვყოთ პანდემიასთან ბრძოლის გააქტიურებისთვის. ეს იქნება დამატება 274 მილიონიან დახმარების პაკეტზე, რომელიც მსოფლიოს 64 ქვეყნისთვის უკვე გამოიყო,“ - აღნიშნა პომპეომ.

ოსლო

07 აპრილი 2020, 20:14

COVID19

ნორვეგიაში კორონავირუსის გამო დაწესებული რამდენიმე შეზღუდვის მოხსნა დააანონსეს

ნორვეგიის ხელისუფლებამ კორონავირუსის გამო დაწესებული რამდენიმე შეზღუდვის მოხსნა დააანონსა. ინფორმაციას ამის შესახებ გამოცემა The Local-ი ავრცელებს. 20 აპრილიდან გაიხსნება საბავშვო ბაღები, 27 აპრილიდან - საჯარო სკოლები. ასევე 27 აპრილიდან ნაწილობრივ ამუშავდება მომსახურების სფეროს რამდენიმე მიმართულება, მათ შორის სილამაზის სალონები.

Google

07 აპრილი 2020, 20:02

ტექნოლოგიები

Google-მა აკრძალა შეთქმულების თეორიის შემცველი რეკლამები, რომლებიც კორონავირუსს ტექნოლოგია 5G-ს უკავშირებს

კომპანიაში გადაწყვეტილება მას შემდეგ მიიღეს, რაც დიდ ბრიტანეთში სულ მცირე 20 სატელეფონო ანძას ცეცხლი წაუკიდეს. ეს თეორიის გავრცელების შემდეგ მოხდა.

დონალდ ტრამპი

07 აპრილი 2020, 19:57

COVID19

დონალდ ტრამპი: მიუხედავად იმისა, რომ ჯანმოს ძირითადად აშშ აფინანსებს, იგი ჩინეთზეა ძალიან ორიენტირებული

აშშ-ის პრეზიდენტმა დონალდ ტრამპმა ჯანდაცვის მსოფლიო ორგანიზაცია გააკრიტიკა, რომელიც, მისი თქმით, ძირითადად აშშ-ის მიერ ფინანსდება.

ზაალ მიქელაძე

07 აპრილი 2020, 19:49

COVID19

აჭარაში კორონავირუსი კიდევ ერთმა პაციენტმა დაამარცხა

აჭარის ჯანდაცვის მინისტრის, ზაალ მიქელაძის განცხადებით, დღის განმავლობაში 47 ტესტია აღებული, აქედან 20 პაციენტს კორონავირუსი არ დაუდასტურდა, დანარჩენი 27 ანალიზის პასუხი ხვალ იქნება ცნობილი. გამოსაკვლევ ანალიზებს შორისაა 14 მოქალაქის ტესტიც, რომლებსაც ახლო კავშირი ჰქონდათ ბათუმში ინფიცირებულ 60 წლის ქალთან. მას ვირუსი დღეს დაუდასტურდა და ინფიცირების წყაროც უცნობია.

07 აპრილი 2020, 19:29

COVID19

ოკუპირებულ აფხაზეთში კორონავირუსით ინფიცირების პირველი შემთხვევა დაფიქსირდა

ოკუპირებულ აფხაზეთში კორონავირუსით ინფიცირების პირველი შემთხვევა დაფიქსირდა. ამის შესახებ ე.წ. მთავარმა ექიმმა ლიუდმილა სკორიკმა განაცხადა.

თენგიზ ცერცვაძე

07 აპრილი 2020, 19:27

COVID19

თენგიზ ცერცვაძე: სომხეთმა და აზერბაიჯანმა მასობრივი ტესტირებით ჩვენზე უკეთეს შედეგს ვერ მიაღწიეს

ბევრ ტესტში საქმე არ არის, საქმე სწორად დაგეგმილ ტესტირებაშია და ტესტირება ჩაუტარო იმას, ვისთანაც ეს ეფექტურია, ვისთანაც ეს საჭიროა და არა ხალხის მოსაჩვენებლად მოაწყო მასობრივი ტესტირება, - ამის შესახებ ბრიფინგზე ინფექციური საავადმყოფოს დირექტორმა, თენგიზ ცერცვაძემ განაცხადა.

ლალი დარახველიძე

07 აპრილი 2020, 19:21

COVID19

ზუგდიდში გადაყვანილი ორსულის მდგომარეობა დამაკმაყოფილებელია

ახალი პაციენტი 6 თვის ორსულია. მისი ზოგადი მდგომარეობა დამაკმაყოფილებელია - ამის შესახებ ჟურნალისტებს ზუგდიდის ინფექციურ საავადმყოფოს ინფექციონისტმა ლალი დარახველიძემ განუცხადა. „ჩივილები აქვს სუფებრილურ ტემპერატურაზე, ყელის და თავის ტკივილზე. ბიოლოგიური მასალა კვლევისთვის 3 საათია გაგზავნილია, ველოდებით პასუხებს. ჩვენს კლინიკაში ყველა ცალ-ცალკე ბოქსში წევს. დადასტურებული პაციენტების მდგომარეობა სტაბილურია. თუ ორსულ ქალს დაუდასტურდა, მას თბილისში გადავიყვანთ, თუმცა იმედი გვაქვს არ დაუდასტურდება“, - განაცხადა დარახველიძემ. ზუგდიდის ინფექციურ საავადმყოფოში ანაკლიის საკარანტინო ზონიდან ორსული ქალია დრეს გადაიყვანეს. პაციენტს ცხელება და ხველა აღენიშნებოდა.

კორონავირუსი

07 აპრილი 2020, 19:13

COVID19

საქართველოში კორონავირუსისგან უკვე 46 ადამიანი გამოჯანმრთელდა

საქართველოში კორონავირუსისგან 46 ადამიანი გამოჯანმრთელდა. ინფორმაცია ამის შესახებ მთავრობის მიერ შექმნილ ვებგვერდზე stopcov.ge გამოქვეყნდა. კარანტინის რეჟიმშია 4708 ადამიანი, სტაციონარში მეთვალყურეობის ქვეშ კი 370 მოქალაქე რჩება.

თენგიზ ცერცვაძე

07 აპრილი 2020, 19:11

COVID19

თენგიზ ცერცვაძე: 72 წლის ვარ და საქართველოში ასეთი სოლიდარობა არ მინახავს

„ეკონომიკური კრიზისი რა თქმა უნდა იქნება, მაგრამ მე ისეთ აღმაფრენას ვხედავ თქვენში, ადამიანებში, მასმედიაში, ქართულ საზოგადოებაში, მე ასეთი სოლიდარობა 72 წლის ვარ და ჯერ საქართველოში არ მინახავს. ძალიან მინდა ეს სოლიდარობა შევინარჩუნოთ“, - განაცხადა ცერცვაძემ.

ტედ კრუზი

07 აპრილი 2020, 19:09

COVID19

ამერიკელი სენატორები ჯანდაცვის მსოფლიო ორგანიზაციას აკრიტიკებენ

ამერიკელ სენატორებს, რომლებიც ჯანდაცვის მსოფლიო ორგანიზაციას ჩინეთის კომუნისტური პარტიის მორჩილებაში ადანაშაულებენ, ტედ კრუზიც შეუერთდა. „მთელი პანდემიის განმავლობაში ჯანდაცვის მსოფლიო ორგანიზაცია ჩინეთის კომუნისტური პარტიის ნებას ემორჩილება. ორგანიზაციამ დაკარგა ნდობა, რომელიც საჭიროა ეფექტური მუშაობისთვის“, - წერს სენატორი Twitter-ის გვერდზე. მანამდე Fox News-მა გამოაქვეყნა ვრცელი სტატია, სადაც ნათქვამია, რომ ჯანდაცვის მსოფლიო ორგანიზაცია პანდემიაზე ჩინელი კომუნისტების პასუხისმგებლობის შერბილებას ცდილობს. არიზონელმა სენატორმა მარტა მიკსალომ კი ჯანდაცვის მსოფლიო ორგანიზაციის დირექტორი ტედროს ადან გერბეისუსი მსოფლიოს მოტყუებაში დაადანაშაულა.

თენგიზ ცერცვაძე

07 აპრილი 2020, 19:09

COVID19

თენგიზ ცერცვაძე: ჩემი ვარაუდით, შემთხვევათა ჯამური რაოდენობა 1000-სა და 2 ათასს შორის იქნება

ჩემი ვარაუდით, შემთხვევათა ჯამური რაოდენობა არ გადააჭარბებს 1000-სს, ან იქნება ათასსა და 2 ათასს შორის, მაშინ როდესაც სხვა ჩვენზე პატარა სახელმწიფოებშიც ეს რიცხვი 20-30 ათასზე მეტია, - ამის შესახებ ბრიფინგზე ინფექციური საავადმყოფოს დირექტორმა, თენგიზ ცერცვაძემ განაცხადა. მისი ვარაუდით, საქართველოში პიკი ორი-სამი კვირის შემდეგ იქნება და ეს მდორე პიკი იქნება.

07 აპრილი 2020, 19:02

COVID19

ისრაელის მოქალაქეებისთვის პირბადეების ტარება სავალდებულო გახდება

ისრაელის მცხოვრებლებს მთავრობა პირბადეების ტარებას ავალდებულებს. შესაბამისი განკარგულება ჯანდაცვის სამინისტრომ გასცა. როგორც უწყება განმარტავს, ნიღბები დაინფიცირების რისკს ამცირებს, რის გამოც მათი ტარება აუცილებელია. გამონაკლისი მხოლოდ 6 წლამდე ბავშვებისთვის, ფსიქიკური პრობლემების მქონე პირებისა და იმ მოქალაქეებისთვის დაიშვება, რომლებსაც პირბადეების ტარება ჯანმრთელობის პრობლემას უქმნის. ნიღბების ტარება არ იქნება სავალდებულო იმ პირებისთვისაც, ვინც სატრანსპორტო საშუალებაში, შენობაში ან ოთახში მარტო ან ოჯახის წევრებთან ერთად იმყოფება. ნიღბების ტარება სავალდებულო არ იქნება ტელე ან რადიო გადაცემების მონაწილეებისთვისაც, რომლებსაც პირბადე საუბარში შეუშლის ხელს, თუმცა მათ ორმეტრიანი სოციალური დისტანციის დაცვა ევალებათ. ახალი რეგულაცია ძალაში 12 აპრილიდან შევა.