ნაზი ჯანეზაშვილი: ეს არის კლანის სტანდარტის კონსულტაციები და ჰგონიათ, რომ ამით გამჭვირვალობას შესძენენ ამ პროცესს

ეს არის კლანის სტანდარტის კონსულტაციები და ჰგონიათ, რომ ამით გამჭვირვალობას, ან რამე ტიპის ვალდებულებას შეძენენ ამ პროცესს“, - ამის შესახებ იუსტიციის უმაღლესი საბჭოს არამოსამართლე წევრმა ნაზი ჯანეზაშვილმა ჟურნალისტებს განუცხადა, რომელმაც კომენტარი გააკეთა რამდენად კანონიერად მიმდინარეობს უზენაესი სასამართლოს მოსამართლის შესარჩევად გასაუბრების პროცესი.

ნაზი ჯანეზაშვილის თქმით, იუსტიციის უმაღლეს საბჭოს დაახლოები წელიწადნახევარზე მეტია არ დაუსახელებია კანდიდატურა, თუმცა უცებ გადაწყდა, რომ ამ მიზნით საბჭოში მოსამართლე წევრების ერთსაათიანი კონსულტაციები დღეს გაიმართებოდა.

„გუშინ ასე უცებ მოვისმინეთ იუსტიციის საბჭოს მოსამართლე წევრებისგან და უშუალოდ გიორგი მიქაუტაძის მხრიდან, რომ დღეს კონსულტაციები უნდა გაიმართოს ჯერ უზენაესი სასამართლოს მოქმედ მოსამართლეებთან. ერთსაათიანი კონსულტაციების დასრულების შემდეგ კი გაიმართება იუსტიციის უმაღლესი საბჭოს სხდომა, სადაც უნდა მივიღოთ გადაწყვეტილება, თუ ვინ იქნება წარდგენილი საქართველოს პარლამენტში“, - განაცხადა ჯანეზაშვილმა.

მისივე თქმით, კონსულტაციები რეალირ მიზანს რომ ემსახურებოდეს, გადაწყვეტილების მისაღებად მინიმუმ საჭირო იქნებოდა შესაბამისი დრო.

„ეს კონსულტაციები არის ფორმალური ხასიათის. ეს არ არის მაღალი სტანდარტის, ეს არის ე.წ. მაღალი სტანდარტი. ეს არის კლანის სტანდარტის კონსულტაციები და მათ ჰგონიათ, რომ ამით გამჭვირვალობას, ან რაიმე ტიპის ვალდებულებას შეძენენ ამ პროცესს. რა თქმა უნდა, ეს ასე ვერ მოხდება, რადგან არ ვიცი, რატომ იმართება კონსულტაციები, რის შემდეგაც ის გადაწყვეტილება გაფორმდება, რომელიც ამ ჯგუფმა სადღაც უკვე მიიღო. მთავარი გამოწვევა არის ის, რომ უზენაესი სასამართლოს თავმჯდომარე 10 წლის ვადით უნდა იყოს არჩეული და იგი უნდა იყოს სასამარლოს სახე, სამართლიანობის სიმბოლო, თუმცა, როგორც ჩანს საბჭო აპირებს რაც შეიძლება სწრაფად, მათი ინტერესების შესაბამისად მიიღონ გადაწყვეტილება. წარადგინონ კანდიდატი საქართველოს პარლამენტში და ამით გაიმყარონ თავიანთი თანამდებობები“, - განაცხადა ჯანეზაშვილმა.

მისივე თქმით, იუსტიციის უმაღლეს საბჭში არის კიდევ ერთი, საბჭოს თავმჯდომარის თანამდებობა. ჯანეზაშვილმა აღნიშნა, რომ გასულ წლებში უზენაესის თავმჯდომარე ასევე იყო საბჭოს წევრი. მომავალში კი ეს ასე არ იქნება. „უზენაესი სასამართლოს თვმჯდომარე იქნება ერთ-ერთი რიგითი წევრი და საბჭოს მოუწევს ახალი თავმჯდომარის არჩევა. ეს საბჭოს შიდა პროცედურაა და ამაში პარლამენტი არ ერევა“, - დასძინა ჯანეზაშვილმა.

უზენაესი საბჭოს თავმჯდომარემ, ნინო გვენეტაძემ თანამდებობა 2018 წლის აგვისტოში დატოვა. პოსტიდან წასვლის მიზეზად გვენეტაძემ ჯანმრთლეობის მდგომარეობა დაასახელა.