imedi /  16 ოქტომბერი 2020, 17:50 / სანდო წყარო

საფრანგეთიდან განსაკუთრებით მძიმე დანაშაულისთვის მსჯავრდებულის ექსტრადიცია განხორციელდა

საქართველოს გენერალური პროკურატურის შუამდგომლობით და პენიტენციური სამსახურის მიერ, 2020 წლის 13 ოქტომბერს საფრანგეთის სასამართლოს გადაწყვეტილებით, დამამძიმებელ გარემოებებში, განსაკუთრებული სისასტიკით ორი ან მეტი პირის განზრახ მკვლელობის და ჯგუფურად ჩადენილი ყაჩაღობისთვის მსჯავრდებულის კ.რ.-ს საქართველოში ექსტრადიცია განხორციელდა.

საქართველოს გენერალური პროკურატურის მიერ, საქართველოში შემდგომი ექსტრადიციის მიზნით გამოცხადებული საერთაშორისო ძებნის საფუძველზე, ძებნილი კ.რ. საფრანგეთის რესპუბლიკის კომპეტენტურმა ორგანოებმა 2020 წლის 21 მარტს დააკავეს და იგი წინასაექსტრადიციო პატიმრობაში იქნა აყვანილი.

საქართველოს გენერალური პროკურატურა კ.რ.-ს ინტერპოლის არხებით, წითელი ცირკულარით ძებნას, 1994 წლის 19 თებერვალს ქ. თბილისში დანაშაულებრივი ჯგუფის სხვა ამჟამად მსჯავრდებულ პირებთან ერთად ჩადენილი ვ.მ.-ს, ნ.მ.-ს, და ფ.მ.-ს განზრახ მკვლელობის საქმეზე ახორციელებდა.

სასამართლოს განაჩენით დადგენილია, რომ 1994 წლის 18 იანვარს ქ. თბილისში დანაშაულებრივი ჯგუფის წევრებმა ვ.მ. გაიტაცეს, რომელიც დაზარალებულის მშობლებისგან - ნ.მ.-სგან და ფ.მ.-სგან გამოსასყიდის სახის 75 000 აშშ დოლარის მიღების შემდგომ, იმავე წლის 28 იანვარს გაათავისუფლეს.

მოგვიანებით დაზარალებულისთვის და მისი მშობლებისთვის გამტაცებლების ვინაობა ცნობილი გახდა, რაც თავის მხრივ ასევე ცნობილი გახდა დანაშაულებრივი ჯგუფის წევრებისთვის. იმის შიშით, რომ ჩადენილ დანაშაულში მათი მხილების საფრთხე რეალური იყო ამჟამად მსჯავრდებულები ვ.გ., კ.რ., მ.მ., გ.ქ., გ.ო.,და რ.დ.1994 წლის 19 თებერვალს, ცეცხლსასროლი იარაღებით შეიარაღებულები, მალულად შევიდნენ ვ.მ.-ს და მისი მშობლების საცხოვრებელ ბინაში, რა დროსაც ავტომატური ცეცხლსასროლი იარაღიდან გასროლით ვ.მ.-მ და მისმა მშობლებმა სასიკვდილო ჭრილობები მიიღეს. მკვლელობის შემდგომ დანაშაულებრივი ჯგუფის წევრებმა სახლიდან ძვირადღირებული ნივთები გაიტაცეს და მიიმალნენ.

თბილისის საქალაქო სასამართლოს 2013 წლის 16 მაისის განაჩენით კ.რ. სხვა დამნაშავე პირებთან ერთად ცნობილია დამნაშავედ და მსჯავრდებულია საქართველოს სისხლის სამართლის კოდექსის (1994 წელს მოქმედი რედაქციით) 104-ე მუხლის მეოთხე, მეექვსე და მეშვიდე პუნქტებით, დამამძიმებელ გარემოებებში, განსაკუთრებული სისასტიკით ორი ან მეტი პირის განზრახ მკვლელობის და 179-ე მუხლის მესამე ნაწილის „ბ“ ქვეპუნქტით ყაჩაღობისთვის, რომელიც ჩადენილია ჯგუფურად.

სასამართლოს განაჩენით კ.რ.-ს 10 წლით თავისუფლების აღკვეთა მიესაჯა, ამნისტიის შესახებ საქართველოს კანონის გამოყენებით მას სასჯელის სახედ და ზომად 7 წლით და 6 თვით თავისუფლების აღკვეთა განესაზღვრა.

კ.რ. საფრანგეთიდან ეტაპირებული იქნა საქართველოში და სასჯელაღსრულების დაწესებულებაში შესახლდა.

ყველა სიახლე

გიორგი არსოშვილი

20 ოქტომბერი 2020, 18:51

COVID19

როგორია პანდემიის პირობებში 112-ის მუშაობის სპეციფიკა და რა მიიჩნევა არამიზნობრივ ზარად - გიორგი არსოშვილის განმარტება

საზოგადოებრივი უსაფრთხოების მართვის ცენტრი 112-ის დირექტორმა, გიორგი არსოშვილმა „დღის ქრონიკაში“ სტუმრობისას, ახალი კორონავირუსის პანდემიის პირობებში 112-ის მუშაობის სპეციფიკაზე ისაუბრა და აღნიშნა, რომ არამიზნობრივი და განმეორებითი ზარების გამო, მუშაობის პროცესი ფერხდება.

არმენ სარგსიანი

20 ოქტომბერი 2020, 18:50

მსოფლიო

სომხეთის პრეზიდენტი: რუსეთის მთიანი ყარაბაღის ირგვლივ კონფლიქტში ჩართვის აუცილებლობა არ არსებობს

სომხეთის პრეზიდენტის, არმენ სარგსიანის განცხადებით, რუსეთის მთიანი ყარაბაღის ირგვლივ კონფლიქტში ჩართვის აუცილებლობა არ არის.

მაია ცქიტიშვილი

20 ოქტომბერი 2020, 18:42

ეკონომიკა

მაია ცქიტიშვილი: კობი-ქვეშეთი-გუდაურის გზის პროექტი ერთის მხრივ, უზრუნველყოფს ჩვენი ქვეყნის ლოჯისტიკური პოტენციალის სრულად ათვისებას და მეორეს მხრივ, მოსახლეობისთვის კომფორტს

კობი-ქვეშეთი-გუდაურის გზის პროექტი ერთის მხრივ, უზრუნველყოფს ჩვენი ქვეყნის ლოჯისტიკური პოტენციალის სრულად ათვისებას და მეორეს მხრივ, მოსახლეობისთვის კომფორტს, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა „დღის ქრონიკაში“ ჩართვისას განაცხადა. მინისტრმა სხვა პროექტებთან ერთად კობი-ქვეშეთი-გუდაურის გზის პროექტის შესახებაც ისაუბრა და აღნიშნა, რომ იგი უნიკალურია.

ნინო ზამბახიძე

20 ოქტომბერი 2020, 18:40

ეკონომიკა

ნინო ზამბახიძე: პირველი რაც გააჟღერა პრემიერმა, იყო ის, რომ დაგვეცვა უსაფრთხოების ყველა ნორმა, რომელიც დღეს მნიშვნელოვანია მოქალაქეების სიცოცხლისა და ჯანმრთელობისათვის

ჩვენ ვიცით, რომ ყველაზე უფრო სტუმარ-მასპინძლობის სექტორს დაეტყო კოვიდი და პანდემია და ყველაზე დიდი გამოწვევის წინაშე დადგა ეს მიმართულება, როგორც მსხვილი, ასევე მცირე და საშუალო ბიზნესები. ვისაუბრეთ იმ გამოწვევებზე, რომლებიც დღეს დგას, ესენია - საშემოსავლო გადასახადისა და ქონების გადასახადების გადავადება, ვინაიდან ძირითად შემთხვევაში სტუმარ-მასპინძლობის მსხვილი ბიზნესები სხვა პროექტებს მიღებული სტუმრებიდან და შემოსავლებიდან აფინანსებდნენ,- ამის შესახებ „აჭარა ჯგუფის“ დირექტორთა საბჭოს წევრმა ნინო ზამბახიზემ პრემიერ-მინისტრსა და მსხვილ დამსაქმებლებს შორის გამართული შეხვედრის შემდეგ ჟურნალისტებთან განაცხადა.

ნარკოტიკები დაკავება პარაგვაი

20 ოქტომბერი 2020, 18:39

მსოფლიო

პარაგვაიში რეკორდული რაოდენობის კოკაინი ამოიღეს

ნარკოტიკები ერთ-ერთ კონტეინერში ნახშირის ტომრებში აღმოაჩინეს. დაკავებულია ტელეკომპანია Publica-ს ყოფილი დირექტორი კრისტიან ტურინი, რომლის სახელზეც კონტეინერები იყო გაფორმებული.

მაია ბითაძე

20 ოქტომბერი 2020, 18:35

პოლიტიკა

მაია ბითაძე: „ქართული ოცნება“ პირველი ხელისუფლებაა, რომელმაც გარემოს დაცვის საკითხები აქტუალური გახადა

,,ქართული ოცნება -დემოკრატიული საქართველოს“ საარჩევნო სიის პირველი ოცეულის წევრმა, მაია ბითაძემ რუსთავში, პოლიტიკური პარტიის მიერ წარმოდგენილ მდგრადი განვითარების პროგრამის პრეზენტაციაზე სიტყვით გამოსვლისას გარემოსდაცვითი საკითხებზე ილაპარაკა.

ილჰამ ალიევი

20 ოქტომბერი 2020, 18:24

მსოფლიო

ილჰამ ალიევი: სომხეთის ხელმძღვანელობა მუხლებზე დავაჩოქეთ

აზერბაიჯანის პრეზიდენტმა, ილჰამ ალიევმა განაცხადა, რომ აზერბაიჯანმა სომხეთის ხელმძღვანელობა მუხლებზე დააჩოქა.

ანრი ოხანაშვილი

20 ოქტომბერი 2020, 18:23

პოლიტიკა

ანრი ოხანაშვილი: „ქართული ოცნება“ ყველა რეიტინგით საზოგადოების დიდი ნდობითა და მხარდაჭერით სარგებლობს

ყველა რეიტინგით, მათ შორის, სააკაშვილი-გვარამიას გაყალბებულით, „ქართული ოცნება“, ჩვენი საზოგადოების დიდი ნდობითა და მხარდაჭერით სარგებლობს, შესაბამისად, ჩვენ ვართ ლიდერი პოლიტიკური ძალა, რომელსაც ენდობა ჩვენი საზოგადოება, - ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა ,,Ipsos"-ის კვლევების კომენტირებისას განაცხადა, რომლის მიხედვითაც „ნაციონალურ მოძრაობას“ სხვა ოპოზიციურ პარტიებთან შედარებით ყველაზე მაღალი რეიტინგი დაუფიქსირდა.

მაია ცქიტიშვილი

20 ოქტომბერი 2020, 18:23

რეგიონი

მაია ცქიტიშვილი: წყალტუბოს პროექტთან დაკავშირებით შემოსულია 3 წინადადება ქართული კომპანიებისგან, რომლებსაც გამოცდილი უცხოური პარტნიორები ჰყავთ

წყალტუბოს პროექტთან წარმოდგენილია 3 წინადადება ქართული კომპანიებისგან, რომლებსაც უცხოური გამოცდილი პარტნიორები ჰყავთ. ამ სამი პროექტიდან გამოვლინდება ერთი გამარჯვებული და გენგეგმა გვაჩვენებს, რა მოცულობის მშენებლობა შეიძლება განხორციელდეს წყალტუბოს ცენტრალურ ზონაში, სადაც განლაგებულია ძირითადი საინვესტიციო პროექტები და მიტოვებული სასტუმროები, რომლებიც უნდა მოხვდეს საპრიტავიზაციო ნუსხაში, - ამის შესახებ ტელეკომპანია „იმედის“ გადაცემაში „დღის ქრონიკა“ ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა განაცხადა.

მაია ცქიტიშვილი

20 ოქტომბერი 2020, 18:20

ეკონომიკა

მაია ცქიტიშვილის თქმით, ინფრასტრუქტურის განვითარებაში ინვესტიცია პირდაპირ აისახება მოსახლეობის დასაქმებაზე

„ასეთი ტიპის ინვესტიცია საშუალებას აძლევს ჩვენს, ქართულ კომპანიებს, პირველი, რომ მიიღონ მონაწილეობა ამ ინფრასტრუქტურული პროექტების შესრულებაში და როგორც კონტრაქტორებმა იმუშაონ, დაასაქმონ ჩვენი ქართველი მუშები და სპეციალისტები, ინჟინრები. მაგრამ ამის გარდა ასევე იქმნება საწარმოები, რომლებიც არიან ორიენტირებულები უკვე პროდუქციის წარმოებაზე“, - განაცხადა ინფრასტრუქტურის მინისტრმა.

20 ოქტომბერი 2020, 18:11

საზოგადოება

ნუცუბიძის IV მიკრორაიონში საგზაო სამუშაოები მიმდინარეობს

ვაკის რაიონში გზების განახლების პროცესი გრძელდება. ამ დროისთვის, გზის რეაბილიტაცია ნუცუბიძის IV მიკრორაიონის N13-14 კორპუსებთან დაიწყო, - ამის შესახებ ინფორმაციას თბილისის მერია ავრცელებს. მათივე ინფორმაციით, რეაბილიტაციის პროცესს ვაკის რაიონის გამგებლის მოვალეობის შემსრულებელი დავით კვინიკაძე გაეცნო და ადგილობრივ მცხოვრებლებს შეხვდა.

მაია ცქიტიშვილი

20 ოქტომბერი 2020, 18:08

COVID19

მაია ცქიტიშვილი: სამწუხაროდ, ძალიან ბევრი ოპოზიციური ძალა ზოგ შემთხვევაში ვირუსის გავრცელებასაც კი უწყობს ხელს

სამწუხაროდ, ვხედავთ, რომ ძალიან ბევრი ოპოზიციური ძალა არათუ კონსტრუქციულად იქცევა ამ შემთხვევაში, არამედ, ზოგ შემთხვევაში ვირუსის გავრცელებასაც კი უწყობს ხელს, - ამის შესახებ ვიცე-პრემიერმა, მაია ცქიტიშვილმა „დღის ქრონიკაში“ განაცხადა.

ანრი ოხანაშვილი

20 ოქტომბერი 2020, 17:50

პოლიტიკა

ანრი ოხანაშვილი უკრაინულ ჟურნალისტურ გამოძიებაზე: ეს არის იმ ჯგუფის ხელწერა, რომელთანაც დაკავშირებულია ძალადობა, კრიმინალი, ბიზნესის ტერორი და სტრასბურგის სასამართლოს განცვიფრება

იურიდიულ საკითხთა კომიტეტის თავმჯდომარე, ანრი ოხანაშვილი მიიჩნევს, რომ ჟურნალისტ, გიორგი გაბუნიას სიცოცხლის მოსპობის მცდელობის აღკვეთით სახელმწიფო უსაფრთხოების სამსახურმა ადამიანის სიცოცხლე გადაარჩინა და თუ ვისი სცენარით და ხელწერით იგეგმებოდა ეს კრიმინალი, ამას პასუხს გამოძიება და სასამართლო გასცემს.

20 ოქტომბერი 2020, 17:27

რეგიონი

ფრეზეთის დევნილთა დასახლებაში თანამედროვე სტანდარტების შესაბამისი საბავშვო ბაღი აშენდა

ფრეზეთის დევნილთა დასახლებაში თანამედროვე სტანდარტების შესაბამისი საბავშვო ბაღი აშენდა, - ამის შესახებ ინფორმაციას დევნილთა, ეკომიგრანტთა და საარსებო წყაროებით უზრუნველყოფის სააგენტო ავრცელებს. მათივე ინფორმაციით, 50 ბავშვზე გათვლილი სკოლამდელი აღზრდის დაწესებულება დევნილთა სააგენტოს დირექტორმა, ბესარიონ სიმონიშვილმა და მცხეთა-მთიანეთის მხარეში სახელმწიფო რწმუნებულის მოვალეობის შემსრულებელმა მანანა ნარიმანიძემ გახსნეს.

სოზარ სუბარი

20 ოქტომბერი 2020, 17:26

პოლიტიკა

სოზარ სუბარი: ნოღაიდელის ჩვენების დეტალებმა კიდევ ერთხელ დაამტკიცა ის, რაც ისედაც ყველამ ვიცოდით, სააკაშვილმა და მისმა ხელისუფლებამ პრაქტიკულად სამშობლოს ღალატის აქტი ჩაიდინეს

მისი თქმით,ზურა ნოღაიდელს რომ არ ეთქვა, ისედაც ძალიან კარგად ჩანდა იმ განცხადებებში, რომელიც 2001, 2007, 2012 წლებში გააკეთეს მაშინდელი ხელისუფლების წარმომადგენლებმა, როცა ისინი პირდაპირ ამბობდნენ, რომ ეს არის ისტორიული ბედის უკუღმართობა, რომ ეს ტერიტორიები არის აზერბაიჯანის ტერიტორია, მაშინ როდესაც ყველა დეტალი საწინააღმდეგოს ამტკიცებდა.

მაია ცქიტიშვილი

20 ოქტომბერი 2020, 17:26

პოლიტიკა

მაია ცქიტიშვილი დავით გარეჯზე: ჩემთვის გაუგებარია, რატომ ეწინააღმდეგება ასე ძალიან ოპოზიცია, რომ ფასი დაუკარგონ ამ რუკებს

ჩემთვის გაუგებარია, რატომ ეწინააღმდეგება ასე ძალიან ოპოზიცია, მათ შორის გაერთიანებული ოპოზიცია, ამაში ისინი ერთიანები აღმოჩნდნენ, რომ ფასი დაუკარგონ ამ მტკიცებულებებს, ამ დოკუმენტებს, ამ რუკებს, - ამის შესახებ საქართველოს ვიცე-პრემიერმა, მაია ცქიტიშვილმა ჟურნალისტებს დავით გაერჯის საკითხზე საუბრისას განუცხადა.

მაია ცქიტიშვილი

20 ოქტომბერი 2020, 17:25

პოლიტიკა

მაია ცქიტიშვილი: ევროკავშირის სრულფასოვანი წევრობა არის არა მხოლოდ ჩვენი ფასეულობები და გაცხადებული პოლიტიკური მიზანი, არამედ - ხალხის არჩევანი

ევროკავშირის სრულფასოვანი წევრობა არის არა მხოლოდ ჩვენი ფასეულობები და გაცხადებული პოლიტიკური მიზანი, არამედ ეს არის ჩვენი ხალხის არჩევანი, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა „ქართული ოცნების“ მდგრადი განვითარების პროგრამის პრეზენტაციის შემდეგ განაცხადა.

სერგი კაპანაძე

20 ოქტომბერი 2020, 17:24

პოლიტიკა

სერგი კაპანაძე დავით გარეჯზე: საუბარი იმაზე, რომ წინა ხელისუფლება ამ ტერიტორიებს აძლევდა აზერბაიჯანს არის უბრალოდ არასწორი

„არაფერი ხელმოსაჭიდი, აბსოლუტურად არანაირი არგუმენტი პროკურატურას არ გააჩნია და საუბარი იმაზე, რომ წინა ხელისუფლება ამ ტერიტორიებს აძლევდა აზერბაიჯანს არის უბრალოდ არასწორი. ყველა ფაქტი მიუთითებს სხვა რამეზე. თუ არსებობს განცხადებები, სადაც არის საუბარი, რომ დავით გარეჯის დიდი კომპლექსის რამდენიმე ძეგლი არის ტერიტორიაზე, რომელიც კონტროლდება აზერბაიჯანი მხრიდან, ეს არ არის შეფასება, ეს არის ფაქტი, რომელიც ბოლო რამდენიმე ათწლეულია, საბჭოთა კავშირის დროიდან მოყოლებული ასე არის“, - განაცხადა კაპანაძემ.

ირაკლი ბერაია

20 ოქტომბერი 2020, 17:23

პოლიტიკა

ირაკლი ბერაია: ზურაბ ნოღაიდელის ჩვენებით ირკვევა, რომ სააკაშვილს აბსოლუტურად ანტისახელმწიფოებრივი პოზიცია ჰქონდა

ზურაბ ნოღაიდელის ჩვენებით ირკვევა, რომ საქართველოს მაშინდელ პრეზიდენტს აბსოლუტურად ანტისახელმწიფოებრივი პოზიცია ჰქონდა და მაშინდელ ხელისუფლებაში არსებობდა ჩვენი ქვეყნის ეროვნული ინტერესების საზიანო კონსენსუსი დავით გარეჯის სამონასტრო კომპლექსის მეზობელი ქვეყნის ტერიტორიაზე მდებარეობასთან დაკავშირებით, - ამის შესახებ საგარეო ურთიერთობათა კომიტეტის თავმჯდომარე ირაკლი ბერაიამ განაცხადა.

ანრი ოხანაშვილი

20 ოქტომბერი 2020, 17:19

პოლიტიკა

ანრი ოხანაშვილი: ყველანი ვხვდებით, რომ ორი ექსპერტის დონეზე დავით გარეჯის საკითხი არ გადაწყდებოდა

ჩვენ ხომ ყველანი ვხვდებით, რომ ორი ექსპერტის დონეზე ეს საკითხი საბოლოოდ არ გადაწყდებოდა, რომ არა შეთანხმება ქვეყნის უმაღლესი თანამდებობის პირებთან, ამ შემთხვევაში - სააკაშვილთან, - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.