ვახტანგ გომელაური: გუმათში ხელი დაარტყეს პოლიციელს, რაც ძალიან ცუდი ფაქტია და ასეთი რამ არ უნდა ხდებოდეს

ნახეთ, გუშინ ხელი დაარტყეს პოლიციელს, რაც ძალიან ცუდი ფაქტია და ასეთი რამ არ უნდა ხდებოდეს. ასეთი რამ ამ დრომდე არ მომხდარა, – ამის შესახებ საქართველოს შინაგან საქმეთა მინისტრმა, ვახტანგ გომელაურმა ჟურნალისტებს გუმათში განვითარებულ მოვლენებზე საუბრისას განუცხადა.

მისი თქმით, სამართალდამცველები „ნამახვანჰესის“ მშენებლობის მოწინააღმდეგეებს ხეობაში შესვლის უფლებას თუ მისცემენ, ვითარება უფრო დაიძაბება.

„ხედავთ, რამდენიმე თვეა, პოლიციელები გუმათში დგანან და მაქსიმალურად ცდილობენ, შეხლა-შემოხლა არ მოხდეს. ნახეთ, გუშინ ხელი დაარტყეს პოლიციელს, რაც ძალიან ცუდი ფაქტია და ასეთი რამ არ უნდა ხდებოდეს. ასეთი რამ ამ დრომდე არ მომხდარა. აქციის მონაწილეებიც და პოლიციელებიც დისტანციას იცავდნენ, ძალიან წყნარად იყვნენ. გუშინ რატომღაც აგრესია გამოხატეს. რკინის ჯებირები დაგვჭირდება, თუ დაბალი ჯებირები, იქიდან გამომდინარე, რომ იცით, იქ ერთხელ შიგნით ტექნიკა დაუწვეს, მოხდა მუშებთან შეხლა-შემოხლა და ადგილობრივ „ენკას“ ხელმძღვანელობასთან. აქციის მონაწილეები რომ შევუშვათ, მოხდება უფრო მეტი დაძაბულობა, დაშავდნენ კიდეც მოქალაქეები. სპეცრაზმიც განმუხტავს და მუხტავენ კიდეც ვითარებას პოლიციელები. სპეცდანიშნულების რაზმს, რაც აქვს აღჭურვილობა, მათ შორის გაზი იქნება, წყლის ჭავლი, თუ რაც იქნება, თუ მოხდება ძალადობა პოლიციაზე, მათ კანონიერი უფლება აქვთ, ყველაფერი გამოიყენონ“, – განაცხადა ვახტანგ გომელაურმა.