imedi /  20 ოქტომბერი 2021, 17:10 / სანდო წყარო

პროკურატურამ მიხეილ სააკაშვილის მიმართ საზღვრის უკანონო კვეთის ფაქტზე ბრალდების შესახებ დადგენილება გამოიტანა

მიხეილ სააკაშვილი

მიხეილ სააკაშვილი

საქართველოს პროკურატურამ მსჯავრდებულ მიხეილ სააკაშვილის მიმართ საქართველოს სახელმწიფო საზღვრის უკანონო კვეთის ფაქტზე ბრალდების შესახებ დადგენილება გამოიტანა. ამის შესახებ უწყებაში გამართულ ბრიფინგზე გახდა ცნობილი.

„საქართველოს პროკურატურამ მსჯავრდებულ მიხეილ სააკაშვილის მიერ საქართველოს სახელმწიფო საზღვრის უკანონო კვეთის ფაქტზე, საქართველოს სისხლის სამართლის კოდექსის 344-ე მუხლის პირველი ნაწილით ბრალდების შესახებ დადგენილება გამოიტანა და მიმდინარეობს ბრალის წარდგენის სამართლებრივი პროცედურები.

ამასთანავე, მიხეილ სააკაშვილის საქმის გამოძიების ფარგლებში, პროკურატურამ მოპოვებული ახალი მტკიცებულებების საფუძველზე, ე.ც.-ს სისხლის სამართლის მძიმე დანაშაულის დაფარვისთვის და საზღვრის უკანონო კვეთაში დახმარებისთვის ბრალი დაუმძიმა, ხოლო გ.ნ.-ს, რომელიც სამართალდამცველებმა 19 ოქტომბერს დააკავეს, ბრალდება მძიმე დანაშაულის დაფარვისთვის წარუდგინა.

აქვე, საზოგადოებას შევახსენებთ, რომ მიხეილ სააკაშვილის საქმის გამოძიების ფარგლებში, მძიმე დანაშაულის დაფარვისთვის ბრალდებულია კიდევ ორი პირი - შ.წ. და ზ.წ.

შინაგან საქმეთა სამინისტროს მიერ მიმდინარე გამოძიების ფარგლებში დადგინდა, რომ 28 სექტემბერს, დაახლოებით 23:00 საათზე, უკრაინიდან, კერძოდ, ჩერნომორსკის პორტიდან ფოთის ნავსადგურში შემოვიდა გემი, სახელწოდებით „ვილნიუსი“. აღნიშნული გემიდან 29 სექტემბერს, 01:04 საათზე ჩამოვიდა შპს ,,IKA TRANS“-ის საკუთრებაში არსებული SCANIA-ს ფირმის ე.ც.-ს მფლობელობაში არსებული მისაბმელიანი სატრანსპორტო საშუალება - ტრაილერი, რომელიც დატვირთული იყო რძის პროდუქტებით. აღნიშნული ტრაილერი ჯერ ხიდზე შეჩერდა, რის შემდეგაც ე.ც.-მ რეგისტრაციამდე ტრაილერი მოსაცდელ ადგილზე გააჩერა, საიდანაც 01:44 საათზე დაიძრა გასასვლელისკენ. რამდენიმე ათეული მეტრის გავლის შემდეგ, 01:47:27 საათზე, ფოთის პორტის ტერიტორიაზე ე.ც.-მ გააჩერა სატვირთო ავტომანქანა და მივიდა ავტომანქანის მისაბმელის უკანა კართან, საიდანაც 01:49:37 საათზე ჩამოვიდა მიხეილ სააკაშვილი, რომელიც მარჯვენა მხრიდან სატვირთო ავტომანქანის კაბინაში ჩაჯდა. ამ ქმედებით, მიხეილ სააკაშვილმა სახელმწიფო კონტროლის გვერდის ავლით, ე.ც.-ს დახმარებით უკანონოდ გადმოკვეთა საქართველოს სახელმწიფო საზღვარი.

მიხეილ სააკაშვილის ზემოაღნიშნულ მისაბმელში ყოფნა, სადაც განთავსებული იყო რძის პროდუქტები, დადასტურებულია მისი კუთვნილი ტელეფონიდან ამოღებული ვიდეოჩანაწერებით და ვიდეო ექსპერტიზით.
აღნიშნულის შემდეგ, 01:50:52 საათზე ე.ც.-მ ნელი სვლით და ჩართული საავარიო შუქსიგნალიზაციით გააგრძელა გზა გასასვლელისკენ, თუმცა 01:53:06 საათზე კიდევ შეჩერდა გზაში, გადავიდა ტრაილერის უკანა კართან, შეამოწმა სწორად ჰქონდა თუ არა დაკეტილი კარი, დაბრუნდა სატვირთო ავტომანქანის საჭესთან და გააგრძელა გზა.

ტრაილერი 02:08:30 საათზე მივიდა გეზთან, სადაც ელოდებოდნენ შ.წ. და ზ.წ. მათი მართვის ქვეშ მყოფი „მერსედესის“ მარკის ავტომანქანით. 02:15 საათიდან 02:20 საათამდე პერიოდში მიხეილ სააკაშვილი გადაჯდა „მერსედესის“ მარკის ავტომანქანაში, ხოლო ე.ც.-მ ტრაილერი დააყენა გეზის ტერიტორიაზე. 03:13:35 საათზე ე.ც. ფეხით გავიდა გეზის ტერიტორიდან და ჩაჯდა „მერსედესის“ მარკის ავტომანქანაში, სადაც ასევე იმყოფებოდნენ მიხეილ სააკაშვილი, შ.წ., ზ.წ. და წავიდნენ აბაშის მიმართულებით. იმავე დღეს, დაახლოებით 04:03 საათზე, ისინი ჩავიდნენ აბაშის რაიონის სოფელ ტყვირში მდებარე ე.ც.-ს საცხოვრებელ სახლში.
29 სექტემბერს, დღის საათებში, ე.ც. დაუკავშირდა თავის მეგობარს გ.ნ.-ს და სთხოვა ფოთში, გაფორმების ეკონომიკურ ზონაში თავისი ავტომანქანის ვეტშემოწმებაში დახმარება. გ.ნ. რეგისტრაციის გავლის შემდეგ, 29 სექტემბერს, 16:43 საათიდან 17:50 საათამდე დროის პერიოდში, ფოთი-ხობი-სენაკის გავლით გადაადგილდა აბაშის მიმართულებით და გაჩერდა. პარალელურად, ე.ც. და მიხეილ სააკაშვილი თეთრი ფერის „FORD“-ის ფირმის TRANSIT-ის მოდელის მიკროავტობუსით, 18:34 საათიდან 20:51 საათამდე დროის პერიოდში, აბაშის რაიონის სოფელ ტყვირიდან ლანჩხუთი-ფოთი-ოზურგეთი-ქობულეთის გავლით გაემართნენ ბათუმის მიმართულებით, ხოლო იმავე ტრანსპორტით ბათუმიდან აბაშის მიმართულებით დაბრუნდნენ 20:35 საათიდან 22:48 საათამდე დროის პერიოდში.

29 სექტემბერს, 22:48 საათიდან 23:04 საათამდე პერიოდში მიხეილ სააკაშვილი და ე.ც. გადასხდნენ სოფელ ტყვირის ტერიტორიაზე გაჩერებულ „SCANIA“-ს ფირმის მისაბმელიან სატრანსპორტო საშუალებაში, სადაც ასევე იმყოფებოდა გ.ნ. და დაიწყეს მოძრაობა თბილისის მიმართულებით. ზემოაღნიშნული პირები თერჯოლა-არგვეთა-ზესტაფონი-სურამი-ხაშური-გორი-მცხეთის გავლით გადაადგილდნენ თბილისის მიმართულებით და ქ.თბილისში, ერწოს ქუჩაზე მდებარე ე.ც.-ს საცხოვრებელ ბინასთან დაახლოებით 04:25-04:30 საათზე მივიდნენ. ე.ც.-ს საცხოვრებელ ბინასთან აღნიშნული ავტოსატრანსპორტო საშუალებიდან ჩამოვიდნენ მიხეილ სააკაშვილი და ე.ც., რომლებიც დაბინავდნენ საცხოვრებელ ბინაში, ხოლო გ.ნ.-მ გააგრძელა გზა და დაახლოებით 05:24 საათიდან 05:28 საათამდე პერიოდში, კახეთის გზატკეცილის გავლით მივიდა თბილისის გეზ-ში, სადაც გადმოცალა ტრაილერიდან დატვირთული პროდუქტები და 14:39 საათზე ავტომანქანა გააჩერა თბილისში, ო.ხიზანიშვილის ქუჩაზე მდებარე ტრაილერების სადგომზე. სამართალდამცველებმა მიხეილ სააკაშვილი 1-ელ ოქტომბერს, თბილისში, ე.ც.-ს საცხოვრებელ ბინაში დააკავეს.

სისხლის სამართლის საქმეზე ჩატარდა საგამოძიებო და საპროცესო მოქმედებები. დადგენილია მიხეილ სააკაშვილის საქართველოში შემოსვლის და გადაადგილების ზუსტი მარშრუტი, შესწავლილია 112-ს სათვალთვალო კამერების ასეულობით ვიდეოჩანაწერი, ასევე, კერძო კომპანიების სათვალთვალო კამერები. გამოკითხულია საქმესთან კავშირში მყოფი 69 პირი, გამოთხოვილი და შესწავლილია საქმესთან შემხებლობაში მყოფი პირების მობილურ ტელეფონებზე მომსახურე ანძების და მათი ადგილმდებარეობის, დაფარვის ზონის და რადიუსის შესახებ ინფორმაციები. საქართველოს გენერალური პროკურატურის საერთაშორისო ურთიერთობების სამმართველოს მეშვეობით უკრაინის რესპუბლიკის კომპეტენტურ ორგანოებში გადაგზავნილია შუამდგომლობები სამართლებრივი დახმარების აღმოჩენის შესახებ; ბრალდებულების საცხოვრებელ სახლებში ჩატარდა ჩხრეკები და ამოღებულია საქმისთვის მნიშვნელოვანი მტკიცებულებები; საქმეზე ამოღებულ მობილურ ტელეფონებზე და ამავე მობილური ტელეფონიდან გამოთხოვილ ვიდეოჩანაწერებზე დანიშნულია 4 საინფორმაციო-ტექნოლოგიური ექსპერტიზა; საქმეზე ამოღებულ ბრალდებულ ე.ც.-ს კუთვნილ SCANIA ფირმის სატვირთო ავტომანქანაზე დანიშნულია ავტოტექნიკური და ტრასოლოგიური ექსპერტიზები.

შინაგან საქმეთა სამინისტროში მიხეილ სააკაშვილის მიერ საზღვრის უკანონო კვეთის ფაქტზე გამოძიება გრძელდება. აქტიურ რეჟიმში ტარდება ყველა საჭირო საპროცესო და საგამოძიებო მოქმედება.
საზოგადოებას შევახსენებთ, რომ მიხეილ სააკაშვილი სამი ინსტანციის სასამართლოს განაჩენით ცნობილია დამნაშავედ ვალერი გელაშვილის ცემის და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა 6 წლის ვადით. ასევე, მიხეილ სააკაშვილი ბრალდებულია „ტელეიმედის“ დარბევის, 7 ნოემბრის დარბევის და პატარკაციშვილების ქონების უკანონოდ დაუფლების და სახელმწიფო დაცვის სპეციალური სამსახურის კუთვნილი - 9 024 367 ლარის მისი პირადი მიზნებისთვის გაფლანგვის ფაქტებზე. აღნიშნულ საქმეებზე მიმდინარეობს განხილვა თბილისის საქალაქო სასამართლოში“, - აცხადებენ პროკურატურაში.

საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს. პატიმრობაში მყოფმა სააკაშვილმა შიმშილობა გამოაცხადა, მხარდამჭერები კი ყოფილი პრეზიდენტის გათავისუფლებას ითხოვენ. საზღვრის უკანონო კვეთის საქმეზე დანაშაულის დაფარვის ბრალდებით ოთხი ადამიანია დაკავებული.

ყველა სიახლე

ვლადიმერ ბექიშვილი

04 დეკემბერი 2021, 20:31

სამართალი

პროკურორი ზურაბ ზვიადაურის საქმეზე: ბრალდების მხარისთვის მოულოდნელი იყო მოსამართლის მიერ მიღებული გადაწყვეტილება ბრალდებულების გირაოთი გათავისუფლების შესახებ

მისივე თქმით, ბრალდების მხარე ვერ ასაჩივრებს ცალკე მოსამართლის აღნიშნულ გადაწყვეტილებას. გადაწყვეტილება საჩივრდება შემაჯამებელ საბოლოო გადაწყვეტილებასთან ერთად, ამიტომ, ამ ეტაპისთვის მოსამართლის მიერ მიღებული გადაწყვეტილება ვერ გასაჩივრდება.

მიხეილ სარჯველაძე

04 დეკემბერი 2021, 20:28

პოლიტიკა

მიხეილ სარჯველაძე: რა დანაშაულიც აქვს ჩადენილი, ბუნებრივია იმაზე მიხეილ სააკაშვილმა პასუხი უნდა აგოს

რა დანაშაული აქვს ჩადენილი, ბუნებრივია იმაზე მიხეილ სააკაშვილმა პასუხი უნდა აგოს, - ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ „შაბათის ქრონიკაში“ განაცხადა.

მიხეილ სარჯველაძე

04 დეკემბერი 2021, 20:27

პოლიტიკა

მიხეილ სარჯველაძე: აღიარებაა, რომ ყველა იმ ხარჯის შესახებ, რაზეც იყო საუბარი, სააკაშვილი თურმე აბსოლუტურად ინფორმირებული ყოფილა

დიდი ხანია ცდილობენ, რომ რაღაცნაირად გააუბრალოვონ თემა - თემა კი უმძიმესია. ამაზე უფრო მძიმე კორუფციული სამართალდარღვევა, რაც იყო მთელი ამ პერიოდის განმავლობაში მმართველობისთვის დამახასიათებელი, ასე სააშკარაოზე არასდროს გვინახავს- ამის შესახებ საპარლამენტო უმრავლესობის წევრმა მიხეილ სარჯველაძემ „ქრონიკაში“ მიხეილ სააკაშვილის საქმეზე საუბრისას განაცხადა.

სილვესტერ სტალონე

04 დეკემბერი 2021, 19:33

მსოფლიო

სილვესტერ სტალონემ გერმანიაში თავისი ნახატების გამოფენა გახსნა

ექსპოზიცია მსახიობის იუბილეს ეძღვნება - წელს სტალონეს 75 წელი შეუსრულდა. ჰაგენის მუზეუმში მისი 50 ნახატი ჩაიტანეს. მათ შორისაა ავტოპორტრეტები და ახალგაზრდობის დროინდელი ნამუშევრები, რომელიც ფართო საზოგადოებას აქამდე არ უნახავს.

კახა კალაძე

04 დეკემბერი 2021, 19:17

საზოგადოება

კახა კალაძე: საახალწლო ბიუჯეტი, რასაკვირველია, დამოკიდებულია ღონისძიებების მასშტაბებზე

„თუ თქვენ მეტყვით და მირჩევთ, რანაირად შეიძლება მაგალითად, მომღერლები ტენდერის საფუძველზე შევარჩიოთ, უდიდეს მადლობას გადაგიხდით. რა უნდა იყოს ტენდერის პირობები, რის მიხედვით შევარჩიოთ, პირველი თუ მეორე ხმის მიხედვით?“, - განაცხადა კახა კალაძემ.

04 დეკემბერი 2021, 19:01

სამართალი

შრომის ინსპექციამ კლუბი „ხიდი“ 10 000 ლარით დააჯარიმა და დალუქა

„აღსანიშნავია, რომ შრომის ინსპექციის მხრიდან აღნიშნული ორგანიზაცია არაერთგზის იქნა გაფრთხილებული, მასობრივი გასართობი ღონისძიების განხორციელების აკრძალვასთან დაკავშირებით, ვინაიდან 1-ელი დეკემბრიდან ამოქმედებული ცვლილებების მიუხედავად იზოლაციისა და კარანტინის წესების შესახებ საქართველოს მთავრობის N322 დადგენილების შესაბამისად, მასობრივი გასართობი თუ სოციალური ღონისძიებების განხორციელება კვლავ აკრძალვად რჩება“.

გურამ მაჭარაშვილი

04 დეკემბერი 2021, 17:57

პოლიტიკა

გურამ მაჭარაშვილი: თეა წულუკიანს პასუხები საკმაოდ სწორი და ადეკვატური ჰქონდა - თუ პოლიტიკოსი არ მოგწონს და იცი, რომ შენზე ძლიერია, არ უნდა შეხვიდე პოლემიკაში

საპარლამენტო უმრავლესობის წევრი, გურამ მაჭარაშვილი პარლამენტში კულტურის, სპორტისა და ახალგაზრდობის მინისტრის, თეა წულუკიანის გუშინდელ გამოსვლას და ოპონენტებთან მის პოლემიკას გამოეხმაურა. მისი თქმით, კითხვებზე თეა წულუკიანის პასუხები ადეკვატური იყო.

ჟაირ ბოსონარუ

04 დეკემბერი 2021, 17:53

მსოფლიო

კორონავირუსის შესახებ დეზინფორმაციის გავრცელების გამო ბრაზილიის პრეზიდენტის წინააღმდეგ ახალი გამოძიება დაიწყო

კონკრეტულად საუბარია ვიდეოჩანაწერზე, რომელშიც ბოლსონარუმ კოვიდსაწინააღმეგო ვაქცინასა და შიდსს შორის კავშირზე ისაუბრა. Facebook-ის პირდაპირ ეთერში, ის დაეყრდნო ბრიტანეთის ხელისუფლების არარსებულ „ოფიციალურ ანგარიშებს“, რომლის თანახმადაც, ადამიანებში, რომლებიც სრულად აცრილები არიან, შიდსი „უფრო სწრაფად ვრცელდება, ვიდრე ეს მოსალოდნელი იყო.

04 დეკემბერი 2021, 17:48

რეგიონი

გორის მუნიციპალიტეტის სოფელ ზეღდულეთის მოსახლეობის აქცია დასრულდა

მისი თქმით, სოფლის მოსახლეობისგან შეიქმნება საინიციატივო ჯგუფი, რომელიც ადგილობრივ ხელისუფლებასთან ერთად პრობლემის მოგვარებაზე იმსჯელებს. გუბერნატორის განცხადებით, მნიშვნელოვანია, დაცული იყოს როგორც კეთილსინდისიერი მყიდველის, ასევე სოფლის მცხოვრებელთა ინტერესები.

დავით რეხვიაშვილი

04 დეკემბერი 2021, 17:37

COVID19

დავით რეხვიაშვილი: ცნობილია, რომ „ომიკრონი“ ძირითადად აუცრელ ადამიანებში ვრცელდება

როგორც ვიცით საქართველოში „ომიკრონის“ შემთხვევა არ დაფიქსირებულა, - ამის შესახებ „ქრონიკას“ ციციშვილის ბავშვთა კლინიკის დირექტორმა, დავით რეხვიაშვილმა განუცხადა. მისი თქმით, ახალი შტამი „ომიკრონი“ ძირითადად აუცრელ ადამიანებში ვრცელდება

დევი ტაბიძე

04 დეკემბერი 2021, 17:18

COVID19

დევი ტაბიძე: აცრა გვიცავს ადამიანებს, არ გავხდეთ პაციენტები

„მიუხედავად იმისა, რომ ჯერ არ არის ზუსტი ინფორმაცია ეს აცრა შველის თუ არა ახალი შტამის გავრცელებას, მაგრამ სხვა გამოსავალი და იარაღი ჯერჯერობით არ არსებობს, ამიტომ ამ ახალ შტამს აცრილები უნდა დავხვდეთ. აცრა არის ის, რომელიც დაგვიცავს ადამიანებს არ გავხდეთ პაციენტები“, - განაცხადა დევი ტაბიძემ.

04 დეკემბერი 2021, 17:04

მსოფლიო

ინდონეზიაში ვულკანი სემერუ ამოიფრქვა

ვულკანიდან ამოფრქვეული კვამლის სიმაღლე 12 000 მეტრს აჭარბებს. სოციალურ ქსელებში ვრცელდება ვიდეოები, სადაც ჩანს, რომ ადგილობრივი მაცხოვრებლები კვამლის უზარმაზარი ღრუბლისგან თავის დაღწევას გაქცევით ცდილობენ.​

04 დეკემბერი 2021, 16:05

პოლიტიკა

ეუთოს გასულმა, მოქმედმა და მომავალმა თავმჯდომარეებმა ერთობლივ განცხადებაში საქართველოს სუვერენიტეტის მიმართ მხარდაჭერა გამოხატეს

ეუთოს 28-ე მინისტერიალის ფარგლებში, ეუთო-ს გასულმა (ალბანეთი), მოქმედმა (შვედეთი) და მომავალი ორი წლის (პოლონეთი და ჩრდილოეთ მაკედონია) თავმჯდომარეებმა გააკეთეს ერთობლივი განცხადება - STOCKHOLM „QUADRIGA“ STATEMENT: OUR COMMITMENTS, OUR SECURITY, OUR OSCE.

გურამ მაჭარაშვილი

04 დეკემბერი 2021, 15:40

პოლიტიკა

გურამ მაჭარაშვილი: ყველამ ნახა, რომ სააკაშვილი არის ჯანმრთელი, რუსთავის ციხეში გადაყვანაზე ექიმთა დასკვნების საფუძველზე გადაწყვეტილებას მიიღებს პენიტენციური სამსახური

მინდა გითხრათ, რომ „ქართულ ოცნებაში“ პატიმარ სააკაშვილზე მსჯელობა საერთოდ არ არის, – ამის შესახებ საპარლამენტო უმრავლესობის წევრმა, გურამ მაჭარაშვილმა ჟურნალისტებს განუცხადა. მისივე თქმით, „ნაცმოძრაობას“ და მის ტელეკომპანიებს სურთ, რომ მიხეილ სააკაშვილის საკითხი იყოს დღის წესრიგში, სწორედ ამიტომ, როდესაც ამ საკითხის მინელება ხდება, აუცილებლად რაღაც დეზინფორმაციას ავრცელებენ.

04 დეკემბერი 2021, 15:18

რეგიონი

სოფელ ზეღდულეთის მოსახლეობის ნაწილი მთავრობის წარმომადგენელთან შეხვედრას ითხოვს

ამ მიზნით სოფლის მოსახლეობის ნაწილი ამ წუთებში ავტობანის მიმდებარედ, მეორეხარისხოვანი მნიშვნელობის გზაზეა შეკრებილი. ისინი აცხადებენ, რომ თუ მათ მთავრობის წარმომადგენელი არ შეხვდება, ცენტრალურ საავტომობილო მაგისტრალს გადაკეტავენ.

მეუფე იაკობი

04 დეკემბერი 2021, 14:55

საზოგადოება

მეუფე იაკობი: მესიანიზმის დრო წავიდა, შენდობა მაშინ მიეცემა ადამიანს, როცა მიხვდება, რომ დააშავა

„საქართველოს ღმერთი და ღვთისმშობელი იფარავს. არავინ დაიბრალოს თავის თავზე, მე ვიქნები თუ სხვა, რომ თითქოს, ჩვენ გარეშე საქართველო არ განვითარდება. ჩვენ გარეშეც ვითარდებოდა, ჩვენთან ერთადაც შეიძლება განვითარდეს და იმედი მაქვს, ჩვენს შემდეგაც ყველაფერი კარგად იქნება. ასე რომ, გონიერებას მოვუხმოთ. უაზრო რაღაცებზე დროს ფუჭად ნუ ვკარგავთ. მოთმინებასაც ზღვარი აქვს და ამიტომ, უნდა ვეცადოთ ჩვენს ქვეყანასა და ერთმანეთს გავუფრთხილდეთ!

04 დეკემბერი 2021, 14:41

ეკონომიკა

ფინანსთა სამინისტრომ სათამაშო ბიზნესის ახალ რეგულაციებთან დაკავშირებული კანონპროექტის საჯარო განხილვა დაიწყო

აღნიშნული პროექტი ფინანსთა სამინისტრომ პრემიერ-მინისტრ ირაკლი ღარიბაშვილის დავალების შესაბამისად მოამზადა. ამ საკითხზე დისკუსია დაიწყო, როგორც სათამაშო ბიზნესის წარმომადგენლებთან, ისე სხვადასხვა დაინტერესებულ პირთან. საბოლოოდ, დოკუმენტის განხილვა საქართველოს პარლამენტში გაგრძელდება.

04 დეკემბერი 2021, 14:41

მსოფლიო

ლიეტუვაში კაცმა ქალაქის მთავარ ნაძვის ხეს ცეცხლი წაუკიდა 🎄

ლიეტუვის ქალაქ კაუნასში კაცმა საშობაო ნაძვის ხეს ცეცხლი წაუკიდა. ინფორმაციას ამის შესახებ ადგილობრივი მედია ავრცელებს. ნაძვის ხეს ცეცხლი ღამით 39 წლის კაცმა წაუკიდა. მომხდარიდან ხუთ წუთში ადგილზე მეხანძრეები მივიდნენ და ცეცხლის ლიკვიდაცია შეძლეს. ბოროტმოქმედი, რომელიც საკუთარი ავტომობილით მიმალვას ცდილობდა, პოლიციამ დააკავა. დანაშაულის ჩადენის მოტივები ამ ეტაპზე ზუსტდება.

04 დეკემბერი 2021, 14:32

სპორტი

ირაკლი ღარიბაშვილი FIBA-ს ევროპის პრეზიდენტს შეხვდა

მხარეებმა ქართული კალათბურთის სფეროში არსებულ ვითარებაზე ისაუბრეს და ევრობასკეტ 2022-ის სამუშაო პროცესების მონიტორინგის შედეგები მიმოიხილეს. ირაკლი ღარიბაშვილმა და თურგაი დემირელმა კალათბურთის სფეროში ქართველი სპორტსმენების მიერ მიღწეული წარმატებები შეაჯამეს და სამომავლო თანამშრომლობის პერსპექტივები დასახეს.

ანგელა მერკელი

04 დეკემბერი 2021, 14:28

COVID19

ანგელა მერკელი მოსახლეობას: ძალიან გთხოვთ, სერიოზულად მიუდექით ამ ვერაგ ვირუსს და აიცერით, იქნება ეს პირველი, მეორე თუ ე.წ. ბუსტერ დოზა

გერმანიის კანცლერის მოვალეობის შემსრულებელმა, ანგელა მერკელმა ვიდეომიმართვა გაავრცელა, რომელშიც ქვეყნის მოსახლეობას ვაქცინაციისკენ მოუწოდა. ინფორმაციას ამის შესახებ გერმანიის მთავრობა ავრცელებს.