ხორავას ქუჩაზე მოკლულის მამა: თუ დავრწმუნდი, რომ ვიღაც დაიმალა, მაშინ არ გავჩერდები

მე არ მინდა რომ დამრჩეს დაუსჯელობის სინდრომი და ვინმე რომ დარჩეს ამ საქმის მიღმა. თუ დავრწმუნდი იმაში, რომ ვიღაც დაიმალა მაშინ არ გავჩერდები“- ასე გამოეხმაურა ხორავას ქუჩაზე მომხდარ ინციდენტში მოკლული ზაზა სალარიძის მამა მიმდინარე გამოძიებას.

ზაზა სალარიძეს ჯერ ინფორმაცია არ აქვს, მიმართა თუ არა პროკურატურამ სასამართლოს შუამდგომლობით სხდომებს დაესწროს.

კითხვაზე, გადაეცა თუ არა გარდაცვლილი დავით სალარიძის ოჯახს საქმის მასალები, გარდაცვლილის მამა ამბობს, რომ არა.

"მე იმედი მაქვს არსებით განხილვაზე მოხდება იმის, რომ ბავშვები სიმართლეს ილაპარაკებენ. უფრო მეტი ცივი იარაღი იყო თუ არა საქმეში, არ ვიცი. მაგრამ თუ ორმა ადამიანმა ჩემი შვილი მოკლა მალადეც მაგათ,"- დასძინა მოკლული მოზარდის მამამ. 

რაც შეეხება ინციდენტში მონაწილე პირების რაოდენობას, რომელიც არსებული ცნობით 25 მოზარდს შეადგენდა, გარდაცვლილი დავით სალარიძის მამა არ გამორიცხავს, რომ სისხლიან გარჩევაში შესაძლოა უფრო მეტი პირი მონაწილეობდა.

საქალაქო სასამართლოში, სასამართლომ ორი არასრულწლოვანის მკლელობისთვის ბრალდებულების მიმართ გამოყენებულ აღკვეთის ღონისძიებასაც გადახედა და მათ მიმართ გამოყენებული პატიმრობა ძალაში დატოვა. 

1 დეკემბერს თბილისის ცენტრში, ვერაზე ორი არასრულწლოვანი დაჭრეს. ერთი მოზარდი საავადმყოფოში მიყვანამდე გარდაიცვალა. მეორე მოზარდი 2 დეკემბერს გარდაიცვალა. 

შინაგან საქმეთა სამინისტროს ინფორმაციით, ხორავას ქუჩაზე მომხდარი ინციდენტის გამო 2001 წელს დაბადებული პირი განზრახ მკვლელობის ბრალდებით 2 დეკემბერს დააკავეს. მანამდე, პროკურატურამ ამ დანაშაულისთვის ორი პირი პასუხისგებაში მისცა. 4 დეკემბერს კი, სასამართლომ მათ აღკვეთი ღონისძიების სახით პატიმრობა შეუფარდა.