ადვოკატი: გიორგანაშვილს ბრალს ახალი დანაშაულისთვის წაუყენებენ

გიორგი გიორგანაშვილის ადვოკატმა, გიორგი მახარაძემ "ქრონიკასთან" საუბრის დროს განაცხადა რომ, გიორგანაშვილი და ირაკლი ქორიძე აპირებდნენ საერთო ბიზნესის წამოწყებას, კერძოდ ელექტროსიგარეტების მაღაზიას.

ადვოკატმა ხაზი გაუსვა იმას, რომ ჯაბა ხულორდავასა და გიორგანაშვილს შორის კავშირი პროკურატურამ არ დაადასტურა და ის, რომ გიორგანაშვილმა თითქოს გადასცა ხულორდავას ნარკოტიკი მტკიცებულება არ არსებობს. 

მახარაძის თქმით, გიორგანაშვილს პირველ რიგში, ბრალი არ დაუმძიმდება მას ახალ დანაშაულისთვის წაეყენება ბრალი, თუმცა კონკრეტულად რა თემა იქნება წარმოდგენილი, ადვოკატს ინფორმაცია არ აქვს. 

მსახიობი 23 იანვარს, სასამართლო პროცესზე დიდი ოდენობით ნარკოტიკების მოხმარების მიზნით შეძენა-შენახვაში დამნაშავედ ცნეს და 8 წლით თავისუფლების აღკვეთა მიუსაჯეს. ის დარბაზშივე დააკავეს. 

გიორგი გიორგანაშვილი 2017 წლის 25 იანვარს დააკავეს, ხოლო 14 ივლისს 20 000-ლარიანი გირაოს სანაცვლოდ გაათავისუფლეს. მსახიობს პროკურატურა განსაკუთრებით დიდი ოდენობით ნარკოტიკის მოხმარების მიზნით შეძენა-შენახვას ედავებოდა.