BASSIANI-ს სპეცოპერაციამდე დაკავებულებს კლუბური ნარკოტიკის შეძენა-შენახვას და გასაღებას ედავებიან

კლუბ BASSIANI-ს სპეცოპერაციამდე თბილისის ღამის კლუბებში ნარკოტიკების რეალიზაციისთვის დაკავებულ 8 ადამიანს მთავარი პროკურატურა კლუბური ნარკოტიკების მდმა- და ტენამფეტამინის შეძენა-შენახვას და გასაღებას ედავება. ეს ბრალდება პროკურატურამ დაკავებულებს 14 მაისს წარუდგინა.

პროკურატურა აცხადებს, რომ ბრალდებულები 2018 წლის მარტიდან მაისამდე პერიოდში ხვადასხვა კლუბებსა და მათ მიმდებარე ტერიტორიაზე, სისტემატურად ყიდდნენ ნარკოტიკულ საშუალებებს.

უწყებას ამის დასადასტურებლად ფაქტებიც მოჰყავს. კერძოდ:

ღამის კლუბ „კაფე გალერიში“ სხვადასხვა დროს, ბრალდებულმა ვ.ჟ.-მ 0,060 გრამი ნარკოტიკული საშუალება მდმა-ს შემცველი 2 ცალი აბი, 200 ლარად და 0,1214 გრამი ნარკოტიკული საშუალება მდმა-ს შემცველი ასევე 2 ცალი აბი 200 ლარის საფასურად უკანონოდ გაასაღა. 

ღამის კლუბ „კაფე გალერი“-ში ბრალდებულმა ლ.მ-მ 0,54137 გრამი ნარკოტიკული საშუალება მდმა-ს 5 ცალი აბი, 600 ლარის საფასურად უკანონოდ გაასაღა.

ქ. თბილისში, კოსტავას ქუჩა N75-ის მიმდებარე ტერიტორიაზე ბრალდებულმა ქ.მ-მ 0,0824 გრამი ნარკოტიკული საშუალება მდმა-ს 1 ცალი აბი, 100 ლარად და 0,3874 გრამი ნარკოტიკული საშუალება მდმა-ს 4 ცალი აბი და აბის 2 ნატეხი, 500 ლარის საფასურად უკანონოდ გაასაღა. 

 ღამის კლუბ „კაფე გალერი“-ში მ.მ-მ 0,2907 გრამი ნარკოტიკული საშუალება მდმა-ს 5 ცალი აბი, 420 ლარის საფასურად უკანონოდ გაასაღა. 

ქ.თბილისში ბრალდებულმა  გ.მ-მ 0,2268 გრამი ნარკოტიკული საშუალება მდმა-ს 2 ცალი აბი 200 ლარად უკანონოდ გაასაღა. 

ღამის კლუბ BASSIANI-ს ტერიტორიაზე ბრალდებულმა ბ.დ-მ (სხვადასხვა დროს სხვადასხვა პირზე) ტენამფეტამინის შემცველი 2 ცალი აბი; 0.98825 გრამი მდმა-ს, 0,15975 გრამი მეტამფეტამინის (მარილი) შემცველი 3 ცალი აბი 700 ლარად, 0,4619 გრამი ნარკოტიკული საშუალება მდმა-ს 3 ცალი აბი 650 ლარად და 0,2985 გრამი ნარკოტიკული საშუალება მდმა-ს 5 ცალი აბი 750 ლარის საფასურად უკანონოდ გაასაღა. 

ასევე, ღამის კლუბ BASSIANI-ს ტერიტორიაზე ბრალდებულმა თ.ჩ-მ 0,0836 გრამი ნარკოტიკული საშუალება მდმა-ს 1 ცალი აბი, 120 ლარად, და 0.436 გრამი ნარკოტიკული საშუალება მდმა-ს 5 ცალი აბი, 600 ლარად უკანონოდ გაასაღა.  

ღამის კლუბ BASSIANI-ში ჯ.ე-მ 0,1055 გრამი ნარკოტიკული საშუალება მდმა-ს 2 ცალი აბი, 240 ლარად, 0,2292 გრამი ნარკოტიკული საშუალება მდმა-ს 3 ცალი აბი, 360 ლარად და 0,1670 გრამი ნარკოტიკული საშუალება მდმა-ს 2 ცალი აბი, 240 ლარის საფასურად უკანონოდ გაასაღა.

პროკურატურის განცხადებაში არ არის ნახსენები ნივთიერებები „მეფედრონი“ და „ფენტალინი“, რომელსაც საზოგადოებაში ბოლო კვირებში 4 ადამიანის დაღუპვას უკავშირებენ. აღსანიშნავია, რომ ამ ადამიანების ამ ნივთიერებებით დაღუპვის ფაქტი ოფიციალურად დადსტურებული არ არის.    

დაკავებულებს 260-ე მუხლის სხვადასხვა პუნქტით აქვთ ბრალი წარდგენილი. 7 მათგანისთვის წარდგენლი ბრალდება 7-დან 14 წლამდე, ხოლო ერთი პირისთვის წარდგენილი ბრალდება 8-დან 20 წლამდე პატიმრობას ითვალისწინებს, ბრალის დამტიცების შემთხვევაში. 

14 მაისს დაკავებულ 8 ადამიანს სასამართლომ წინასწარი პატიმრობა შეუფარდა. ბრალდებულთა ადვოკატები დაკავებულებისთვის აღკვეთის ღონისძიების სახედ გირაოს შეფარდებას ითხოვდნენ, თუმცა მოსამართლემ პროკურატურის მიერ დაყენებული შუამდგომლობა დააკმაყოფილა. 

11 მაისის ღამეს შსს-მ თბილისის ღამის კლუბებში სპეცოპერაცია ჩაატარა და 8 სავარაუდო ნარკორეალიზატორი დააკავა. კლუბებში „ბასიანსა" და „გალერიში" ჩატარებული სპეცოპერაცია პარლამენტის შენობის წინ გააპროტესტეს.